यशैया 51:1 - नेवाः बाइबल

¹ “हे धार्मिकताया ल्‍यूल्‍यू जुइपिं व परमप्रभुयात मालीपिं, जिगु खँ न्‍यँ, गुगु ल्‍वहंपाखें छिमित दय्‌कल अले गुगु ल्‍वहं चानाः छिमित लिकागु खः, उकियात स्‍व।

यशैया 51:1 ပူးပေါင်းရင်းမြစ်များ

२ इतिहास 15:2

अले व आसा जुजुयात नापलाः वन। वं आसायात थथे धाल, “अय् आसा, अय् यहूदा व बेन्‍यामीनयापिं सकलें मनूत! छिपिं परमप्रभुनापं दतले वय्‌कः नं छिपिंनाप दइ। छिमिसं वय्‌कःयात माल धाःसा छिमिसं वय्‌कःयात लुइकी। छिमिसं वय्‌कःयात त्‍वःतल धाःसा वय्‌कलं नं छिमित त्‍वःतादी।

२ इतिहास 15:4

तर इमित दुःख जूबलय् इपिं हाकनं परमप्रभु इस्राएलया परमेश्‍वरपाखे लिहां वल। इमिसं वय्‌कःयात माल अले लुइकल।

भजनसंग्रहया सफू 24:6

थज्‍याःपिन्‍सं जक छितः लुइके फइ। अले छिगु न्‍ह्यःने सेवा याये फइ, हे याकूबया परमेश्‍वर! सेला

भजनसंग्रहया सफू 94:15

अदालतय् हाकनं न्‍याय दइ, धर्मी मनूतय्‌सं उकिया पँली।

हितोपदेश 15:9

परमप्रभुं दुष्‍टतय्‌गु लँपुयात यय्‌कामदी, तर धर्मी जुयाः जुइपिन्‍त वय्‌कलं यय्‌कादी।

हितोपदेश 21:21

धार्मिकता व गुबलें मफुइगु मायाया ल्‍यूल्‍यू जुइपिन्‍त जीवन दइ, मेपिन्‍सं हनाबना तइ।

यशैया 45:19

जिं खिउँगु देशय् सुनां मसीक न्‍वमवाना, ‘जिं छन्‍त मफतय् माला’ धकाः याकूबया सन्‍तानयात मधया। जि परमप्रभुं सत्‍य नवाये, जिं पाय्‌छिगु खँ घोषणा याये।”

यशैया 48:1

“हे याकूबया घराना न्‍यँ! छिमित इस्राएलया नामं सःतूगु खः। अले छिपिं यहूदाया वंशपाखें वःगु खः। छिमिसं परमप्रभुया नामं पाफःगु दु, अले छिमिसं इस्राएलया परमेश्‍वरया नामं प्रार्थना याइ, तर सत्‍यता व धार्मिकतां मखु।

यशैया 48:12

“हे याकूबया सन्‍तान, जिं ल्‍ययाम्‍ह इस्राएल, जिगु खँ ध्‍यान बियाः न्‍यँ! जि परमेश्‍वर खः, जि हे शुरु व अन्‍त खः।

यशैया 51:4

“हे जिमि प्रजा, जिगु खँ न्‍यँ। हे जिमि प्रजा, जिगु खँय् ध्‍यान ब्‍यु। जिगुपाखें हे स्‍यनातःगु खँ पिहां वइ, अले जिगु न्‍याय जाति-जातितय्‌गु निंतिं जः जुइ।

यशैया 51:7

“सुनां धार्मिकता स्‍यू जिगु खँ न्‍यँ, अले सुयागु नुगलय् जिं स्‍यनातयागु खँ दु, मनूतय्‌सं दोष बी धकाः ग्‍याये मते, अले इमिसं क्‍वह्यंकी धकाः नं ग्‍याये मते।

यशैया 55:6

गुबलय् तक परमप्रभुयात माले फु वय्‌कःयात मालेगु या। वय्‌कः लिक्‍क दुबलय् हे छिमिसं वय्‌कःयात सःति।

यशैया 65:10

जितः मालीपिं जिमि प्रजाया निंतिं, शारोन फैच्‍वलय्‌त ज्‍वयेगु ख्‍यः, अले आकोरया ब्‍यासि धाःसा सा द्वहंतय्‌गु आराम कायेगु थाय् जुइ।

आमोस 5:6

परमप्रभुयात माला स्‍व, अले बचय् जुइ, मखुसा वय्‌कः योसेफया कुलपिंके मि थें जुयावनी, अले उकिं इमित भस्‍म याइ, बेथेलय् व मि स्‍याइम्‍ह सुं नं दइ मखु।

सपन्‍याह 2:3

हे पृथ्‍वी च्‍वंपिं क्‍वमिलुपिं मनूत, छिपिं परमप्रभुया उजं मानय् याइपिं, परमप्रभुयात माला स्‍व। धार्मिकता माला स्‍व, क्‍वमिलु जुइगु स्‍व। सके परमप्रभुया तंया दिनय् छिपिं बचय् जुइ फइ।

मत्ती 5:6

परमेश्‍वरया न्‍ह्यःने धर्मी ठहरय् जुइत पित्‍याकाः प्‍याय्‌चाय्‌का जुइपिं मनूत धन्‍यपिं खः, परमेश्‍वरं इमित लुधंकादी।

मत्ती 6:33

न्‍हापां परमेश्‍वरयागु राज्‍य मा, वय्‌कलं धयादी थें च्‍वँ। अले वय्‌कलं छिमित माःगु फुक्‍क बियादी।

रोमी 10:3

परमेश्‍वरयागु धार्मिकतायात थुइके सीके मफुगुलिं इमिसं थःपिनिगु हे धार्मिकतायात दय्‌केत स्‍वल। अय्‌जूगुलिं इपिं परमेश्‍वरयागु धार्मिकताया अधीनय् मच्‍वं।

रोमी 14:19

उकिं छु याःसा शान्‍ति जुइ, अले फुक्‍क मिलय् जुयाः सकसिगुं भिं जुइगु खः, व जक यानाजुइगु स्‍वये माल।

फिलिप्‍पी 3:13

यःपिं दाजुकिजापिं, थ्‍व फुक्‍कं काये धुन धकाः मखु। अय्‌नं जिं छता ज्‍या याये – न्‍हापायागु खँ फुक्‍कं ल्‍वःमंकाः न्‍ह्यःने स्‍वयाः वनेत कुतः याये।

१ तिमोथी 6:11

अय् तिमोथी, परमेश्‍वरया मनू, छ थज्‍याःगु मभिंगु खं तापाक च्‍वनाच्‍वँ। परमेश्‍वरया न्‍ह्यःने धर्मी ठहरय् जुइगु, वय्‌कःयात मानय् यानाच्‍वनेगु व भिंम्‍ह जुयाच्‍वनेगु खँय् मन बिया च्‍वँ।

२ तिमोथी 2:22

ल्‍याय्‌म्‍ह इलय् मभिंगु मतिइ वइ, उकिं थज्‍याःगुलिं तापाक च्‍वँ। बरु यचुगु नुगलं प्रभुयात मानय् याइपिंलिसे जुयाः धर्मी जुइगु, विश्‍वास यायेगु, माया यायेगु व मिलय्‌चलय् जुयाच्‍वनेगु या।

हिब्रू 12:14

फुक्‍कलिसे मिलय् जुयाच्‍वनेगु व पवित्र जुयाच्‍वनेगु कुतः या। पवित्र मजुइकं सुनानं प्रभुयात खनी मखु।