यशैया 50:1 - नेवाः बाइबल

¹ परमप्रभुं थथे धयादी, “जिं छिमि मांयात पारपाचुकेगु पौ बियाः तापाक मछ्वया! अले जिं छन्‍त गुम्‍हं साहुया ल्‍हातय् ममिया! तर स्‍व, छिमिगु हे पापं यानाः छिपिं मियाछ्वःगु खः, अले छिमिगु हे मभिंगु ज्‍याया कारणं छिमि मांयात तापाक छ्वःगु खः।

यशैया 50:1 ပူးပေါင်းရင်းမြစ်များ

१ राजा 21:25

(परमप्रभुयात मयःगु मभिंगु ज्‍या यायेत थःत म्‍यूम्‍ह आहाब थें ज्‍याःम्‍ह मेपिं सुं हे मदु। थः कलाः ईजेबेलं ग्‍वाकूगुलिं वं अथे याःगु खः।

२ राजा 17:17

इमिसं थः काय्‌म्‍ह्याय्‌पिं मिइ बलि बिल, इमिसं ज्‍वखना स्‍वल, तन्‍त्रमन्‍त्र यात, अले परमप्रभुयात मयःगु ज्‍या यायेत थःपिन्‍त मिल। थुकथं इमिसं वय्‌कःयात तंचाय्‌कल।

२ राजा 4:1

अगमवक्तातय् पुचःयाम्‍ह छम्‍हय्‌सिया कलातं एलीशायात चिल्‍लाय् दनाः थथे धाल, “छिकपिनि दास जिमि भाःत सित। वय्‌कः परमप्रभुयात तसकं मानय् याइम्‍ह धकाः ला छिं सी हे स्‍यू। तर वय्‌कलं ध्‍यबा पुलेमाःम्‍ह छम्‍ह मनू जिमि निम्‍ह काय्‌पिन्‍त दास दय्‌केत काःवयाच्‍वंगु दु।”

नहेम्‍याह 5:5

मेपिं यहूदीत थें जिपिं नं यहूदीत खः। जिमि काय्‌म्‍ह्याय्‌पिं इमि काय्‌म्‍ह्याय्‌पिं थें च्‍वँ। अय्‌नं जिमिसं थःकाय् म्‍ह्याय्‌पिन्‍त दास दय्‌काः च्‍वनागु दु। गुलिंसिया म्‍ह्याय्‌पिं ला न्‍हापा हे दासी जुइ धुंकूगु दु। अय्‌नं जिमिसं छुं नं याये मफु, छाय्‌धाःसा जिमिगु बुँ व दाखक्‍यब मेपिनिगु जुइ धुंकूगु दु।”

एस्‍तर 7:4

छाय्‌धाःसा जि व जिमि जातितय्‌त स्‍यानाः नां तकं मल्‍यंक नाश यानाछ्वयेत्‍यंगु दु। जिमि मिजं व मिसा फुक्‍क दासया निंतिं मिया जक छ्वःगु जूसा ला जि सुम्‍क हे च्‍वने। थ्‍व खँ जक जूसा ला जिं छसपोलयात दुःख बी हे मखुनि।”

भजनसंग्रहया सफू 44:12

छिं थः मनूतय्‌त दंक मियादिल। इमित मियाः छितः छुं नं फाइदा मजुल।

प्रस्‍थान 21:7

“सुनानं थःम्‍ह्याय्‌यात दासी जुइत म्‍यूगु दुसा व मिसामचा दास थें मुक्त जुयाः वने दइ मखु।

यशैया 1:28

तर विद्रोहीत व पापीत कुचा कुचा जुइ, वय्‌कःयात त्‍वःतूपिं फुक्‍कं नाश जुइ।

यशैया 27:8

वय्‌कलं थः प्रजायात सजाँय बीत देशं पितिना छ्वयादी। पुर्बं क्‍वाःगु फय् वइगु दिनय् थें थःगु तच्‍वःगु तमं वय्‌कलं इमित बिसिकेछ्वल।

यशैया 43:27

छिमि जातिया अबुं पापयात, अले छिमि थकालितय्‌सं जिगु विरोधय् विद्रोह यात।

यशैया 46:8

“हे विद्रोही मनूत, थ्‍व खँयात लुमंकी, उकियात मनय् पक्‍का या अले नुगलय् तयाति”।

यशैया 52:3

छाय्‌धाःसा परमप्रभुं थथे धयादी, “छिमित सित्तिकं मियाछ्वत अले धिबा मब्‍यूसे हे त्‍वःतकीतिनि।”

यशैया 54:6

त्‍वःतातःम्‍ह व थःगु आत्‍माय् दुःख ताय्‌काच्‍वंम्‍ह, ल्‍यासेबलय् ब्‍याहा यानाः नं भाःतं त्‍वःतूम्‍हय्‌सित थें छन्‍त हाकनं परमप्रभुं सःतादीगु दु,” परमप्रभुं धयादी।

यशैया 54:7

“जिं छन्‍त छुं ईया निंतिं जक त्‍वःतागु खः। जिगु तःधंगु दया मायां छन्‍त हाकनं लित हये।

यशैया 58:1

“तसकं हा, सुम्‍क च्‍वने मते! तुरहीया सः थें च्‍वंक तसकं हा। जिमि प्रजायात इपिं विद्रोही खः धकाः व याकूबया घरानायात इमिगु पाप क्‍यनाब्‍यु।

यशैया 64:6

जिपिं सकलें अशुद्ध मनूत थें जूगु दु, अले झीगु फुक्‍क धर्मया ज्‍या भ्‍वाथःगु कापः थें खः। जिपिं फुक्‍कं सिमाहः थें गनावनी अले जिमिगु पापं जिमित फसं थें पुइकायंकी।

यर्मिया 3:1

“सुं मनुखं थः कलाःयात त्‍वःतल धाःसा अले व मिसा वयाथासं वनाः मेम्‍ह मिजंया कलाः जुल धाःसा छु व मनू हाकनं वयाथाय् लिहांवनी ला? छु व देश अशुद्ध मजुइ ला? छ छम्‍ह वेश्‍या थें यक्‍वसिथाय् वंगु दु, छु छ आः जिथाय् लिहां वयेगु ला?” परमप्रभुं धयादी।

यर्मिया 3:8

जिं विश्‍वास यायेबहः मजूम्‍ह इस्राएलयात वं व्‍यभिचार याःगुलिं त्‍वःताछ्वयागु खंका नं वया विश्‍वासघाती केहेँ यहूदा मग्‍यात, तर वं नं वनाः व्‍यभिचार यात।

यर्मिया 4:18

“हे यहूदा, छंगु ज्‍याखं थ्‍व खँ छं थःके हल। छंगु पापं छंके थ्‍व दुःखकष्‍ट हःगु खः। उकिं छंगु नुगलय् सूगु दु।”

होशे 4:5

छिपिं चान्‍हि लुफिं हाइ। अगमवक्तात नं छिपिंनापं हे लुफिं हाइ। जिं छिमि मां इस्राएलयात नाश याये।

लेवी 25:39

“‘छिमि सुं इस्राएली दाजुकिजां तसकं चीमि जूगुलिं थःत छिमिगु ल्‍हातिइ मिल धाःसा वयात दासयात थें ज्‍या याके मते।

मत्ती 18:25

व च्‍यःयाके त्‍यासा पुलेत धिबा मदुगुलिं जुजुं वयात थः कलाः, काय्‌म्‍ह्याय्‌पिं, दुगु सर्बय व थःत तकं मियाःसां त्‍यासा पुले हजि धकाः उजं बिल।

व्‍यवस्‍था 32:30

इमि बल्‍लाःम्‍ह रक्षकं इमित तापाक्‍क छ्वल, परमप्रभुं इमित त्‍वःतादिल, अथे जुयाः छम्‍ह शत्रुं द्वःछिम्‍हय्‌सित बुके फत, अले झिद्वःम्‍हय्‌सित निम्‍हय्‌सिनं बुके फत?