यशैया 5:8 - नेवाः बाइबल

⁸ धिक्‍कार छिमित, गुपिन्‍सं छेँया छें जाय्‌कल अले बुँया बुँ जक न्‍यानाः मेपिन्‍त थाय् हे मदय्‌काबिल। देशय् छिपिं जक हे च्‍वनी।

यशैया 5:8 ပူးပေါင်းရင်းမြစ်များ

अय्‍यूब 15:28

तर व च्‍वनाच्‍वंगु शहर नाश जुइ, वयागु छेँ झिजांमिजां दनी, व याकनं हे नाशया द्वँ जुइ।

अय्‍यूब 20:21

वयागु लोभं छुं नं बचय् जुइ फइ मखु, अथे जुयाः वयागु भिंगु दिं यक्‍व दिं तक दयाच्‍वनी मखु।

हितोपदेश 15:27

मभिंगु ज्‍या यानाः मुंकूगु कमाइनं छेँय् संकट हइ। घुस काये मते, अले छ यक्‍व म्‍वाइ।

इजकिएल 11:15

“अय् सीमानिम्‍ह मनू, यरूशलेमयापिं मनूतय्‌सं छ, छिमि दाजुकिजापिं, छिमि थःथितिपिं व देशं ज्‍वनायंकूपिं इस्राएलया फुक्‍क घरानायागु बारे खँ ल्‍हानाच्‍वंगु दु। इमिसं थथे धाःगु दु, ‘छिपिं सकलें परमप्रभुपाखें यक्‍व तापाःगु दु। थ्‍व देश जिमित अधिकार यायेत ब्‍यूगु खः।’

इजकिएल 33:24

“अय् सीमानिम्‍ह मनू, नाश जूगु इस्राएल देशय् च्‍वनाच्‍वंपिं मनूतय्‌सं धयाच्‍वंगु दु, ‘अब्राहाम छम्‍ह हे जक मनू जूसां वं इस्राएल देशयात अधिकार यात। तर झीपिं ला यक्‍व दु। धात्‍थें हे झीत थ्‍व देश अधिकार यायेत ब्‍यूगु दु।’

आमोस 1:13

परमप्रभुं थथे धयादी – “अम्‍मोनया मनूतय्‌सं तःक्‍व हे पापयात, जिं इमित सजाँय मब्‍यूसे त्‍वःते मखु! इमिसं थःगु सिमाना अप्‍वः दय्‌केत गिलादया प्‍वाथय् दुपिं मिसातय्‌गु प्‍वाः तरवारं फायाबिल,

मीका 2:1

लासाय् ग्‍वारतुलाः मेपिन्‍त स्‍यंकेगु व मभिंगु ज्‍या यायेगु ग्‍वसाः ग्‍वइपिं मनूतय्‌त धिक्‍कार दु। सुथ जुइवं इमिसं व ज्‍या याइ, छाय्‌धाःसा इमिके अथे यायेगु शक्ति दु।

मीका 2:2

इमिसं मनूतय्‌गु छेँबुँ लोभ यानाः लाका काइ। इमिसं मनूतय्‌गु छेँ व सर्बय ठगय् यानाः काइ।

हबकूक 2:6

“छु इपिं दक्‍वसिनं थथे धयाः वयागु विरोधय् हिमस्‍याइ ला अले लाय्‌मबूइ ला, “‘खुँयागु मालताल मुंकीम्‍ह व लाकाहःगु मालतालं धनी जुइम्‍हय्‌सित धिक्‍कार! वं गुबलय् तक अथे याइ?’

मत्ती 23:13

“शास्‍त्रीत व फरिसीत, छिमित धिक्‍कार दु। छिपिं निपाः ख्‍वाःपाः दुपिं खः, छाय्‌धाःसा छिमिसं मनूतय्‌त दुहां वने हे मफय्‌क स्‍वर्गया राज्‍ययागु लुखा तिनाब्‍यूगु दु। छिपिं न थःपिं हे दुहां वनी, न दुहां वनीपिन्‍त हे दुछ्वइ।