यशैया 5:30 - नेवाः बाइबल

³⁰ व दिं वइबलय् समुद्रं सः पिकया हः थें इपिं वयाथाय् हाः वइ। व देशयात स्‍वःसा, अन खिउँगु व कष्‍ट जक दु अले जःयात सुपाचं त्‍वपुयाः खिउँकाबी।

यशैया 5:30 ပူးပေါင်းရင်းမြစ်များ

उपदेशक 12:2

सूर्यया जः व तिमिलाया जःयात खिउँगुलिं त्‍वःपुइ न्‍ह्यः, तिमिला व नगुत खिउँसे च्‍वने न्‍ह्यः अले सुपाँचं वा वये न्‍ह्यः,

यशैया 13:10

च्‍वय् आकाशय् च्‍वंगु नगुतय्‌सं, अले नक्षत्र मण्‍डलतय्‌सं जः बीगु त्‍वःती। त्‍वयाच्‍वंगु सूर्य नं खिउँसे च्‍वनी, अले तिमिलां जः बी मखु।

यशैया 13:4

न्‍यँ, पर्वतय् तःसलं हाला हःगु सः, हूल हूल मनूतय्‌गु सः अले जाति जाति व राज्‍य राज्‍यत मुनाः हाला हःगु थें च्‍वं। दक्‍व शक्ति दुम्‍ह परमप्रभुं लडाइँया निंतिं सिपाइँत मुंकूगु दु।

यशैया 17:12

न्‍यँ! यक्‍व जाति जातितय् दथुइ खलबल जूगु दु, समुद्र हाःगु सः थें अले समुद्रय् वइगु किसिद्वंम्‍बःया सः थें इमिगु सः ताये दु।

यशैया 30:6

नेगेव देशया पशुतय्‌गु निंतिं अगमवाणी– सिंह व सिंहनी, नाग व तसकं बिष दुम्‍ह सर्प पिहां वइ, दुःख व कष्‍टं जाःगु देशपाखें जुयाः राजदूततय्‌सं थःगु सम्‍पत्ति गधाया म्‍हय् तयाः व थःपिनिगु धुकूया तसकं मू वंगु सामानत ऊँटया म्‍हय् ग्‍वारा छ्वांवःगुलिइ क्‍वखाय्‌काः व जातिया निंतिं यंकी। अथेसां इमित छुं नं फाइदा दइ मखु।

यशैया 59:9

अथे जुयाः न्‍याय झीपिंपाखें तापानाच्‍वंगु दु। धार्मिकतां झीत नापलाके फइ मखु। झीसं जःया लँपुयात स्‍वयाच्‍वनी, तर फुक्‍क खिउँसे च्‍वनाच्‍वंगु दु। झीसं तुयुजःया लँपु स्‍वयाच्‍वनी, तर तसकं खिउँसे च्‍वंगु लँपुइ जुयाच्‍वनी।

यशैया 8:22

अनंलि इमिसं पृथ्‍वीपाखे स्‍वइबलय् अन दुःख, खिउँगु व ग्‍यानपुसे च्‍वंगु सिबय् मेगु छुं खनी मखु। अले इमित खिउँगुलिइ वांछ्वइगु जुइ।

यर्मिया 13:16

वय्‌कलं तसकं खिउँगु हये न्‍ह्यः हे, तसकं खिउँगु डाँडाय् छिपिं लुफिंहाये न्‍ह्यः हे परमप्रभु थः परमेश्‍वरया प्रशंसा या! छिमिसं जःया आशा याइ, तर वय्‌कलं उकियात खिउँगुलिइ हिलाः तसकं खिउँकादी।

यर्मिया 30:5

परमप्रभुं थथे धयादी, “‘ख्‍याइगु सः, छगू भयया ख्‍वःसः ताये दयाच्‍वंगु दु तर शान्‍तियागु मखु।

यर्मिया 50:42

इमिसं धनुष व भाला घानातःगु दु। इपिं तसकं नुगः छाःपिं, इमिके दयामाया धाःसा मदु। इपिं सल गयाः वइबलय् इमिगु सः समुद्रयागु थ्‍वःसः थें च्‍वं। हे बेबिलोन! इपिं छन्‍त हमला यायेत लडाइँया लागिं झ्‍वःलिंक वःपिं मनूत थें वइ।

यर्मिया 6:23

इमिसं धनु व भाला घानातःगु दु। इपिं नुगः छाःपिं खः, अले इमिके दयामाया धयागु मदु। इपिं सल गया वइबलय् इमिगु सः समुद्रयागु गर्जन थें च्‍वं। हे बांलाःम्‍ह यरूशलेम, छन्‍त हमला यायेत इपिं लडाइँया लागिं झ्‍वःलिंक मनूत वः थें वइ।”

विलाप 3:2

वय्‌कलं जितः यंकादिल, तुयु जलय् मखु बरु खिउँगु थासय् न्‍यासिकादिल।

इजकिएल 26:3

अथे जुयाः जि, परमप्रभु परमेश्‍वरं थथे धाये – अय् टुरोस शहर, जि छंगु विरोधय् दु। समुद्रं लबुत हःगु थें जिं यक्‍व जातितय्‌त छंगु विरोधय् हये।

योएल 2:10

इमिगु न्‍ह्यःने पृथ्‍वी क्‍वारा क्‍वारा सनी अले आकाश थुरथुर खाइ। सूर्य व तिमिला खिउँसे च्‍वनी, अले नगुत नं थी मखु।

आमोस 5:18

धिक्‍कार दु छिमित, गुपिन्‍सं परमप्रभुया दिंयात पियाच्‍वनी। उगु दिनय् छिमित छु फाइदा दइ? व दिं ला खिउँसे च्‍वनी, तुइसे च्‍वनी मखु।

आमोस 8:9

परमप्रभु परमेश्‍वरं धयादी, “व दिं” जिं सूर्य न्‍हिनय् बिनावंका बी, न्‍हिनय् हे पृथ्‍वीयात खिउँकाबी।

मत्ती 24:29

“थथे दुःखकष्‍ट जुइ धुनेवं “‘सूर्य खिउँया वनी, तिमिला बुलुयावनी, अले आकाशय् च्‍वंगु नगुत कुतुं वनी, थथे आकाशय् च्‍वंगु शक्ति खाइ।’

प्रकाश 6:12

हानं खुगूगु छाप प्‍वःगु जिं खना। अबलय् तसकं हे भ्‍वखाय् ब्‍वल। हाकुगु भांग्रा थें सूर्य हाकुसे च्‍वना वन। तिमिला छपातं हि थें ह्याउँसे च्‍वना वन।