Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




यशैया 5:29 - नेवाः बाइबल

29 सुनानं लाका काय् मफय्‌क शिकार यानाः ज्‍वनावःम्‍ह सिंहं थें सिपाइँत तसलं हाला हइ।

အခန်းကိုကြည့်ပါ။ ကော်ပီ




यशैया 5:29
20 ပူးပေါင်းရင်းမြစ်များ  

यहूदा सिंहया मचा खः, व शिकारय् हे ब्‍वलन, सिंह थें व घ्‍वंस्‍यानाः ग्‍वारातुली। सुनां वयात थनेगु आँट याइ?


हे परमेश्‍वरयात ल्‍वमंकीपिं न्‍यँ, छिमिसं जितः वास्‍ता मयाः। जिं छिमित कुचा कुचा थलाः बी। छिमित बचय् याइपिं सुं हे दइ मखु।


जितः तंम्‍वय्‌किपिं परमेश्‍वरयात मानय् याइ मखुपिनिगु देशय् हमला यायेत जिं अश्‍शूरीतय्‌त छ्वयाहयागु दु। लँय् च्‍वंगु धूयात तुतिं न्‍हुतुन्‍हू थें मनूतय्‌त न्‍हुत्तुन्‍हुयेत व लुतय् यानाकायेत जिं अश्‍शूरीतय्‌त छ्वयाहयागु दु।”


परमप्रभुं जितः थथे धयादी, “गथे सिंह वा तःधिकःम्‍ह सिंहं थःगु शिकारयात घुर्रघुर्र याइ, अले वयागु विरोधय् जवाःतय् फुक्‍क पुचः दनी अय्‌नं इमिगु सलं व ग्‍याइ मखु, न इमिगु हा सलं व थुखे उखे सनी। व थें तुं दक्‍व शक्ति दुम्‍ह परमप्रभु सियोन पर्वत व वया डाँडाय् लडाइँ यायेत क्‍वहां झायादी।


अन सुं सिंह दइ मखु, न सुं स्‍याइपिं पशु अनं जुयाः वनी। अन मेगु छुं नं खतरा दइ मखु। तर उद्धार जुइ धुंकूपिं जक व लँपुं वनेखनी।


तर थ्‍व छगू थज्‍याःगु जाति खः, सुयात लुतय् याःगु दु। इमित कैदी यानाः कालकोठरीइ कुनातःगु दु। इमित लुतय् याःगु दु, अले इमित त्‍वःतकेत व लित छ्वयेत सुं नं वइ मखु।


छंगु निंतिं इमिसं थुलि जक याये फइ इपिं सुलिसें छं ज्‍या याःगु दु। अले सुनां मचाबलय् निसें व्‍यापार यानावयाच्‍वंगु दु। इपिं फुक्‍क मखुगु लँय् वनाच्‍वंगु दु। छन्‍त सुनानं बचय् याये फइ मखु।”


सिंहत थ्‍वयेक हाःगु दु, उपिं व पाखे स्‍वयाः थ्‍वयेक हालाच्‍वंगु दु। इमिसं वयागु देशयात भज्‍यंक नाश याःगु दु। वयागु शहरत नाश याःगु दु, अले उपिं शहरय् मनूत मदु।


छम्‍ह सिंह थःगु गुफां पिहां वःगु दु। जातितय्‌त नाश याइम्‍ह पिहां वये धुंकूगु दु। छिमिगु देशयात नाश यायेत व थःगु थासं पिहां वये धुंकूगु दु। छिमिगु शहर मनूत मदयाः नाश जुइ।


स्‍व! यर्दनया झालं यक्‍व घाँय्‌ख्‍यः दुगु थासय् सिंह वः थें, जिं एदोमयात पलखं हे वयागु देशं लिनाछ्वये। अले सुयात जिं ल्‍यये वयात हे जिं तये। छाय्‌धाःसा जि थें जाःम्‍ह सु दु? सुनां जितः चुनौती बी फु? जिगु न्‍ह्यःने दनाच्‍वने फुम्‍ह सु फैजवाः दु?”


“इस्राएल ला सिंहं लिनाः छ्यालब्‍याल जूगु बथां थें खः। वयात न्‍हापा ला अश्‍शूरयाम्‍ह जुजुं नल, लिपतय् बेबिलोनयाम्‍ह जुजु नबूकदनेसरं वयागु क्‍वँय्‌त त्‍वथुलाबिल।”


वया सकलें मनूत सिंह थें थ्‍वय्‌क हाली, इमिसं सिंहया मस्‍तय्‌सं थें घुर्रघुर्र सः पिकाइ।


इपिं परमप्रभुया ल्‍यूल्‍यू वनी अले वय्‌कः सिंह थें हालादी। गुबलय् वय्‌कः हाली, वय्‌कःया मस्‍त थरथर खाखां पच्‍छिमं वइ।


सिंह गर्जय् जुइबलय् सु मग्‍याइ? परमेश्‍वरं न्‍ववानादीबलय् सुनां अगमवाणी न्‍वमवासे च्‍वने फइ?


यक्‍व जात जाति व यक्‍व मनूतय् दथुइ याकूबया ल्‍यंदुपिं मनूत जंगलय् च्‍वंपिं पशुतय्‌गु दथुइ सिंह थें अले फैतय्‌गु दथुइ च्‍वंम्‍ह ल्‍याय्‌मम्‍ह सिंह थें जुइ। इमिसं थुखे उखे वनाः झाताझिति यानाः जुइ, अले इमित सुनानं बचय् याये फइ मखु।


ल्‍याय्‌म्‍हपिं सिंहत यक्‍व दुगु व तःधंगु निनवे शहर आः गन दु? थ्‍व थासय् सिंह व सिंहनी थः मस्‍तनापं याउँक व मग्‍यासे चाःहिला जुइगु खः।


वया नायःतय्‌त गर्जे जुइपिं सिंहत खः। वया न्‍यायकर्तात गुँखिचात खः गुपिन्‍सं कन्‍हय् सुथय् तक छुं ल्‍यं तइ मखु।


फैजवाःतय्‌गु ख्‍वःसः न्‍यँ छाय्‌धाःसा इमिगु फै ज्‍वयेगु ख्‍यः नाश जूगु दु। सिंहत गर्जय् जूगु सः न्‍यँ, छाय्‌धाःसा यर्दन खुसिया जःखः च्‍वंगु झाः नाश जूगु दु।


इपिं सिंहं थें फ्‍यतुनाच्‍वनी, मिसाम्‍ह सिंहयात थें इमित सुनां थने फइ? इमित आशिष ब्‍यूपिन्‍त आशिष लाइ, इमित सराः ब्‍यूपिन्‍त सराः लाइ।”


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ