यशैया 5:25 - नेवाः बाइबल

²⁵ अथे जुयाः परमप्रभु थः प्रजालिसे तंचायादीगु दु अले इमित सजाँय बीत थःगु ल्‍हाः ल्‍ह्वनादीगु दु। पर्वतत थरथर खाइ अले सीम्‍हत धू थें लँय् अथें हे वांछ्वया तइ। तर उलि जुलं नं परमप्रभुया तं क्‍वलाइ मखुनि अले इमित सजाँय बीत वय्‌कःया ल्‍हाः ल्‍ह्वना तुं च्‍वनादी।

यशैया 5:25 ပူးပေါင်းရင်းမြစ်များ

१ राजा 14:11

यारोबामया छेँयाम्‍ह सुं शहरय् सित धाःसा वयात खिचां नइ, बुँइ सित धाःसा गिद्धतय्‌सं नइ। परमप्रभुं थथे धयादीगु दु!’

१ राजा 16:4

छंगु छेँयाम्‍ह सुं शहरय् सित धाःसा वयात खिचां नइ, अले सुं ख्‍यलय् सित धाःसा वयात गिद्धतय्‌सं नइ।”

१ राजा 21:24

“आहाबया घरानायापिं शहरय् सीपिन्‍त धाःसा खिचां नइ। ख्‍यलय् सीपिन्‍त धाःसा गिद्धतय्‌सं नइ।”

२ राजा 13:3

उकिं परमप्रभु इस्राएल खनाः तसकं तंचायादिल, अले वय्‌कलं इमित ताःई तक अरामया जुजु हजाएल व वया काय् बेन-हददया अधीनय् तयादिल।

२ राजा 9:37

ईजेबेलया म्‍ह यिजरेलया जमिनय् साः थें जुइ। गुकें यानाः सुनानं ‘थ्‍व ईजेबेल खः धकाः धाये फइ मखु।’ ”

२ इतिहास 36:16

तर इमिसं परमेश्‍वरया दूततय्‌त हिस्‍यात, वय्‌कःया वचनयात च्‍यूताः मतः। वय्‌कःया अगमवक्तातय्‌त हिस्‍यायेगु त्‍वःमतू। लिपतय्, परमप्रभु थः मनूत खनाः तसकं तंचायादिल। उकिं बचय् जुइगु छुं हे लँ मन्‍त।

अय्‍यूब 9:13

परमेश्‍वरं थःगु तं क्‍वलाकादी मखु, राहाबया ग्‍वाहालिमितय्‌सं वय्‌कःया न्‍ह्यःने छ्यं क्‍वछुकी।

भजनसंग्रहया सफू 106:40

उकी परमप्रभु थः प्रजा खनाः तंचायादिल, वय्‌कलं थः सर्बययात मयय्‌कादिल।

भजनसंग्रहया सफू 114:7

अय् पृथ्‍वी, परमप्रभुया न्‍ह्यःने थरथर खा, याकूबया परमेश्‍वरया न्‍ह्यःने थरथर खा,

भजनसंग्रहया सफू 18:7

परमेश्‍वर तम्‍वयादिल, अले उबलय् भ्‍वखाय् ब्‍वल, पृथ्‍वी खात, पहाडया जग हे वारावारा सन।

भजनसंग्रहया सफू 68:8

इस्राएलया परमेश्‍वर, सीनै पर्वतय् खनेदय्‌कः झाःम्‍ह परमेश्‍वरया न्‍ह्यःने पृथ्‍वी लिगिलिगि सन व स्‍वर्गं वा गात।

भजनसंग्रहया सफू 77:18

न न्‍याःगु सः आकाश न्‍यंक न्‍यन। हाबलासाया जलं प्‍यखें जल्‍ल थित। पृथ्‍वीइ भ्‍वखाय् ब्‍वयाः लिगिलिगि सन।

भजनसंग्रहया सफू 78:38

वय्‌कः दयादुम्‍ह जूगुलिं वय्‌कलं इमित क्षमा यानादिल। वय्‌कलं इमित नाश यानामदी। वय्‌कलं तःकः मछि थःगु तं क्‍वलाकादिल। वय्‌कलं थःगु तं प्‍वंकामदी।

भजनसंग्रहया सफू 83:10

इपिं एन्‍दोरय् नाश जुल, अले जमिनया लागि साः जुल।

प्रस्‍थान 7:19

परमप्रभुं मोशायात धयादिल, “थःगु कथि कयाः मिश्रय् च्‍वंगु फुक्‍क खुसि, पुखू, धलय् थःगु ल्‍हाः न्‍ह्यज्‍याकादिसँ धकाः हारूनयात धा। अले अन च्‍वंगु लः फुक्‍क हि जुइ। मिश्रय् फुक्‍क थासय् हिया हि जक जुइ। सिँ व ल्‍वहंया लःथलय् च्‍वंगु लः तकं हि जुइ।”

यशैया 10:4

छिपिं कैदीत जुयाः लुफिं हानाः क्‍वःदइ वा सीपिनिगु दथुइ लानाच्‍वनी। अज्‍ज नं वय्‌कःया तं क्‍वलाःगु मदुनि, अले वय्‌कःया ल्‍हाः ल्‍ह्वनातःगु हे दनि।

यशैया 10:6

जितः तंम्‍वय्‌किपिं परमेश्‍वरयात मानय् याइ मखुपिनिगु देशय् हमला यायेत जिं अश्‍शूरीतय्‌त छ्वयाहयागु दु। लँय् च्‍वंगु धूयात तुतिं न्‍हुतुन्‍हू थें मनूतय्‌त न्‍हुत्तुन्‍हुयेत व लुतय् यानाकायेत जिं अश्‍शूरीतय्‌त छ्वयाहयागु दु।”

यशैया 14:19

तर छन्‍त सीगालय् ज्‍यालगय् मजूगु सिमा कचायात थें वांछ्वइ। छ तरवारं सुया तःपिंनापं, तग्‍वःगु ल्‍वहंनापं गालय् कुतुं वनाः सीपिन्‍सं भुनातःगु दु। छ तुतिं न्‍हुयाः पालि तलय् लाःम्‍ह सीम्‍ह थें जूगु दु।

यशैया 23:11

परमप्रभुं थःगु ल्‍हाः समुद्रय् चकंकादीगु दु। अले जःखः च्‍वंगु राज्‍ययात थरथर खाके बियादीगु दु। वय्‌कलं फोनिकेया किल्‍लात नाश यायेत उजं बियादीगु दु।

यशैया 25:11

गथे लालकाइम्‍हय्‌सिनं लालकायेत ल्‍हाः चकंकी अथे हे वय्‌कलं अन थःगु ल्‍हाः चकंकादी। इमिसं थःपिनिगु ल्‍हाःया चलाखि क्‍यंसां नं परमेश्‍वरं इमिगु घमण्‍डयात क्‍वकयादी।

यशैया 29:2

अय्‌नं जिं अरीएलयात घेरा लगय् याये अले व ख्‍वइ, दुखं च्‍वनी, व जिगु निंतिं वेदीइ च्‍यानाच्‍वंगु मि जुइ।

यशैया 42:25

अथे जुयाः वय्‌कलं इमित थःगु तं प्‍वंकादीगु खः, अले लडाइँ यानाः स्‍यायेगुया दुःखकष्‍ट याकेबियादिल। मि थें ज्‍याःगु वय्‌कःया तं फुक्‍क इस्राएलय् च्‍याःगु दु। तर छु जुयाच्‍वंगु दु, व इमिसं गुबलें थुइका काःगु मदु, वपाखें इमिसं छुं नं सय्‌का काःगु मदु।

यशैया 51:20

छिमि काय्‌पिं मूर्च्‍छा जूगु दु। चल्‍ला जालय् क्‍यं थें इपिं नं बल मदयाः लँय् क्‍वदःगु दु। इमिके परमप्रभुया तं व छिमि परमेश्‍वरया ख्‍याच्‍वलं जाःगु दु।

यशैया 64:3

गुबलय् छिं तःधंगु ज्‍या यानादी, व जिमिसं मति हे तयागु मदु, अनंलि छि क्‍वहां झायादिल, अले पर्वतत छिगु न्‍ह्यःने थुरथुर खात।

यशैया 66:15

स्‍व, परमप्रभु मिनापं झायादी, अले वय्‌कःया रथत ग्‍वःफय् थें खः। वय्‌कलं तच्‍वःगु तमं पलेसा कयादी, अले मिप्‍वालं सजाँय बियादी।

यशैया 66:24

“अले इपिं पिहां वयाः जिगु विरोधय् जिराहा जूपिं मनूतय्‌गु सीम्‍ह स्‍वःवइ। इमिगु की सी मखु, इमिगु मि सी मखु, अले इपिं फुक्‍क मनूत व जातितय्‌त घच्‍चाइपुस्‍य च्‍वनी।”

यशैया 9:11

तर परमप्रभुं इमिगु विरोधय् रसीनया शत्रुतय्‌त बल्‍लाकादीगु दु, अले इमि शत्रुतय्‌त ग्‍वाकादीगु दु।

यशैया 9:16

थुपिं मनूतय् नायःतय्‌सं इमित मखुगु लँय् यंकूगु दु अले इमित इतिमिति कंका ब्‍यूगु दु।

यशैया 9:17

उकिं इमि ल्‍याय्‌म्‍हपिं मनूत खनाः परमप्रभु लय्‌तायामदी, न वय्‌कलं इमि मां बौ मदुपिं व भाःत मदुपिन्‍त माया यानादी। छाय्‌धाःसा फुक्‍क मनूत परमेश्‍वरयात मानय् मयाइपिं व दुष्‍ट खः। सकसिगु म्‍हुतुं मभिंगु खँ पिहां वइ। अज्‍ज नं वय्‌कःया तं क्‍वलाःगु मदुनि, अले वय्‌कःया ल्‍हाः ल्‍ह्वनातःगु हे दनि।

यशैया 9:20

जवपाखे इमिसं क्‍वाप्‍प नइ अय्‌नं नयेपित्‍याःम्‍ह जुया हे च्‍वनी। इमिसं खवपाखे नइ, अय्‌नं लुधनी मखु। सकसिनं थः मचातय्‌गु ला नइ,

यशैया 9:21

मनश्‍शें एफ्राइमयात व एफ्राइमं मनश्‍शेयात नइ, अले इपिं निथिं यहूदाया विरोधय् जुइ। अज्‍ज नं वय्‌कःया तं क्‍वलाःगु मदुनि, अले वय्‌कःया ल्‍हाः ल्‍ह्वनातःगु हे दनि।

यर्मिया 15:3

परमप्रभुं धयादी, “जिं इमिगु विरोधय् प्‍यंगूकथंया नाश छ्वये। स्‍यायेत तरवार, इमिगु सीम्‍ह लुत्तुलुया यंकेत खिचात, नयेत व नाश यायेत झंगःपन्छि व जंगली पशुत।

यर्मिया 16:4

“इपिं ग्‍यानापुगु ल्‍वचं सी। इमिगु लागिं सुं नं ख्‍वइ मखु वा सुनानं इमित थुनी मखु। इपिं बँय् फोहर थें लानाच्‍वनी। इपिं तरवार व अनिकालं नाश जुइ, इमिगु सीम्‍ह आकाशयापिं झंगःपन्छित व पृथ्‍वीयापिं पशुतय्‌गु नयेगु नसा जुइ।”

यर्मिया 17:4

जिं छिमित सर्बयकथं बियागु जमिन छिमिगु थःगु हे दोषं यानाः छिमिसं त्‍वःते माली। छिमिसं म्‍हमस्‍यूगु देशय् जिं छिमित छिमि शत्रुतय्‌गु सेवा याकेबी। छाय्‌धाःसा जिगु तं मि थें जूगु दु, अले व न्‍ह्याबलें च्‍यानाच्‍वनी।”

यर्मिया 4:24

जिं पहाड पहाडय् स्‍वया, उपिं थुरथुर खानाच्‍वंगु दु, डाँडात न्‍ह्यःने ल्‍युने लिगिलिगि सनाच्‍वंगु दु।

यर्मिया 4:8

अथे जुयाः भांग्राया वसः फ्‍यु। ह्वाँय्‌ह्वाँय् ख्‍व, छाय्‌धाःसा परमप्रभु आः तक नं झीपिं खनाः तंचायाच्‍वनादीगु दु।

यर्मिया 6:12

जिं थःगु ल्‍हाः थ्‍व देशय् च्‍वंपिनिगु विरोधय् ल्‍ह्वनेबलय् इमिगु छेँ, बुँ व मिस्‍त फुक्‍क मेपिनिगु जुइ,” परमप्रभुं धयादी।

यर्मिया 8:2

मनूतय्‌सं माया यानाः सेवा याःगु, सल्‍लाह काःगु व पुजा याःगु सूर्य, तिमिला व आकाशया नगुतय्‌गु न्‍ह्यःने उपिं क्‍वँय्‌त ब्‍वइ। मुनाः चिहानय् थुनीगु पलेसा उपिं क्‍वँय् बँय् साः थें लानाच्‍वनी।

यर्मिया 9:22

छं थथे धा, “परमप्रभुं थथे धयादी, “‘मनूतय्‌गु सीम्‍ह बुँइ साः थें, छ्व लइपिन्‍सं त्‍वःताः थकूगु अन्‍नया दं थें लानाच्‍वनी, उकियात मुनीपिं सुं नं दइ मखु।’”

विलाप 5:22

छिं जिमित त्‍वःताः हे दियागु खः ला? छितः जिपिं खनाः तसकं तं पिहां वः ला?

इजकिएल 15:6

“उकिं परमप्रभु परमेश्‍वरं थथे धयादी – गथे जिं गुँइच्‍वंगु सिमात मध्‍ये दाखया मायात सिँ जुइत मियात बियागु दु, अथे हे जिं यरूशलेमय् च्‍वंपिं मनूतय्‌त यानाबी।

इजकिएल 30:25

जिं मिश्र देशयाम्‍ह जुजुयात कमजोर यानाबी, बेबिलोनयाम्‍ह जुजुयात बल्‍लाकाबी। जिं जिगु तरवार बेबिलोनयाम्‍ह जुजुया ल्‍हातय् बीबलय्, वं व तरवार मिश्र देशया विरोधय् चले याइबलय् इमिसं जि हे परमप्रभु खः धकाः म्‍हसी।

इजकिएल 6:14

उकिं जिं इमिगु विरोधय् थःगु ल्‍हाः ल्‍ह्वने। दच्‍छिनय् च्‍वंगु मरुभूमिंनिसें उत्तरय् च्‍वंगु दिब्‍ला तक हे इपिं च्‍वनाच्‍वंगु फुक्‍क थाय् अर्थात इमिगु देशयात तहसनहस व सुनसान यानाबी। अले इमिसं जि हे परमप्रभु खः धकाः सी।’”

दानिएल 9:16

हे परमप्रभु, छिगु फुक्‍क भिं ज्‍याकथं छिगु शहर व पवित्र पर्वत यरूशलेमं थःगु तं चीकादिसँ। जिमिगु पाप व जिमि पुर्खातय्‌गु मभिंगु ज्‍याया कारणं प्‍यखेरं लाःगु देश देशयापिं मनूतय्‌सं, यरूशलेम व छि मनूतय्‌त हेस्‍यानाच्‍वंगु दु।

होशे 14:4

“जिमि थः मनूत मखुगु लँय् वंगुलिइ जिं इमित क्षमा यानाबी, जिं थःयत्‍थें इमित माया याये, आवंलि गुबलें इपिंनापं तंम्‍वय् मखु।

आमोस 8:8

“छु थुकिं यानाः पृथ्‍वी मखाइ ला? उकी च्‍वनीपिं फुक्‍कसिनं बिलाप मयाइ ला? पृथ्‍वी खुसिबाःया इलय् नील खुसि थें थाहां वइ, थ्‍व च्‍वय् थाहां वइ, अले हाकनं खुसि थें क्‍वहां वनी।”

मीका 1:4

वय्‌कःया क्‍वय् पहाडत नायावनी, अले ब्‍यासित निब्‍व जुइ। पहाडत मिइ मैन नायावं थें नायावनी, भीरं लः क्‍वहां वः थें ल्‍वहंत सुल्‍ल क्‍वहां वनी।

नहूम 1:5

वय्‌कःया न्‍ह्यःने पहाडत थुरथुर खाइ, अले डाँडात नायावनी। वय्‌कःया न्‍ह्यःने पृथ्‍वी थुरथुर खाइ, संसार व अन दुपिं फुक्‍क मनूत थुरथुर खाइ।

हबकूक 3:10

पहाडत छितः खनाः थुरथुर खात। आकाशं वा वया हे च्‍वन। ततःजाःगु समुद्र थ्‍वय्‌क हाल अले लःग्‍वारा सन।

सपन्‍याह 1:17

“जिं मनूतय्‌त दुःखकष्‍ट हयाबी, उबलय् इपिं कांपिं थें न्‍यासि वनी, छाय्‌धाःसा इमिसं परमप्रभुयागु विरोधय् पाप याःगु दु। इमिगु हि धू थें व इमिगु ला सउ थें वांछ्वइ।

व्‍यवस्‍था 31:17

उखुन्‍हु जि इपिंलिसें तसक्‍कं तंचाये, जिं इमित त्‍वःताबी, थःगु ख्‍वाः इपिंपाखें सुचुके, अले इपिं न्‍हनावनी। इमिके तसक्‍कं ग्‍यानपुस्‍से च्‍वंगु विपत्ति वइ। अले उखुन्‍हु इमिसं धाइ, ‘झी परमेश्‍वर झीगु दथुइ मदयाः हे झीत थज्‍याःगु विपत्ति वःगु, मखु ला?’

व्‍यवस्‍था 31:18

मेपिं द्यःतपाखे वनाः इमिसं याःगु फुक्‍क मभिं ज्‍यां यानाः उखुन्‍हु धात्‍थें हे जिं थःगु ख्‍वाः सुचुके।

१ थेसलोनिकी 2:16

इमिसं जिमित यहूदीमखुपिन्‍त मुक्तियागु खँ न्‍यंके हे मब्‍यू। इमिसं थुकथं पाप मुंकाच्‍वन। उकिं इमिसं लिपा तकं परमेश्‍वरयागु तं फया च्‍वनेमाली।

प्रकाश 20:11

अनं लिपा जिं तःधंगु तुयुगु सिंहासन व उकी फ्‍यतुना च्‍वंम्‍हय्‌सित खना। वय्‌कःयात खनाः आकाश व पृथ्‍वी मदयावन। अले इमित च्‍वनेत गनं हे थाय् मन्‍त।