यशैया 5:24 - नेवाः बाइबल

²⁴ अथे जुयाः गथे मिं सुयात भस्‍म याइ अले गंगु घाँय्‌यात मिप्‍वालं भस्‍म याइ अथे हे इपिं नं हानापं गनावनी अले इमिगु स्‍वां धू थें ब्‍वयावनी। छाय्‌धाःसा इमिसं दक्‍व शक्ति दुम्‍ह परमप्रभुया व्‍यवस्‍थायात क्‍वह्यंकूगु दु अले इस्राएलया पवित्र परमेश्‍वरया वचनयात हेला याःगु दु।

यशैया 5:24 ပူးပေါင်းရင်းမြစ်များ

२ राजा 19:22

छं सुयात क्‍वह्यंका व ब्‍वः बिया? अले सुयागु विरोधय् छं न्‍ववानागु व तःधंछुयागु दु? इस्राएलया पवित्र परमेश्‍वरया विरोधय् मखु ला?

नहेम्‍याह 9:26

“अय्‌नं छिकपिनि प्रजातय्‌सं विद्रोह यात। अले इमिसं खँ मन्‍यन। छिगु व्‍यवस्‍थापाखें ख्‍वाः फस्‍वय्‌कल। छिपाखे लिहां वयेत ख्‍याच्‍वः बीपिं अगमवक्तातय्‌त इमिसं स्‍यानाबिल। इमिसं छितः गज्‍याःगु अपमान यात।

अय्‍यूब 18:16

वयागु क्‍वय्‌पाखेयागु हा गनावनी। उकिया च्‍वय्‌यागु कचात सुकूगनावनी।

अय्‍यूब 8:17

उकिया हां ल्‍वहंयागु द्वंयात हिनी, अले ल्‍वहंया दथुइ थाय् माली।

भजनसंग्रहया सफू 50:17

छन्‍त जिं स्‍यनेकने याःगु मयः, अले छं जिगु वचनयात क्‍वह्यंकीगु।

प्रस्‍थान 15:7

छिगु विरोधय् दनिपिन्‍त थःगु तःधंगु शक्तिं छिं बुकादिल। छिं थःगु तं क्‍यनाः उकिं इमित छ्वख्‍वः थें भस्‍म यानादिल।

प्रस्‍थान 5:12

उकिं मनूत छ्वालि मालेत मिश्र देश न्‍यंकं उखेंथुखें जुल।

यशैया 1:31

तसकं बल्‍लाःपिं मनूत सुका थें बमलाइ, इमिसं न्‍ह्याःगु याःसां मिकुचा थें जक जुइ निगुलिं छक्‍वलं भस्‍म जुइ, मि स्‍याइम्‍ह सुं दइ मखु।”

यशैया 1:4

धिक्‍कार पापी जाति! दोषं क्‍वत्‍यकाच्‍वने माःपिं मनूत, दुष्‍ट ज्‍या यानाजुइपिनि मस्‍त, मभिंगु ज्‍या यानाजुइपिनि सन्‍तान, इमिसं परमप्रभुयात ल्‍वमंकूगु दु, इमिसं इस्राएलया पवित्र परमेश्‍वरयात हेला याःगु दु अले वय्‌कःपाखें फहिलावंगु दु।

यशैया 24:6

अथे जुयाः छगू सरापं पृथ्‍वीयात भस्‍म याइ। अले अन दुपिं मनूतय्‌सं थःम्‍हं याःगु दोषया सजाँय फयेमाः। अथे जुयाः पृथ्‍वी च्‍वंपिं मनूतय्‌त मिं छ्वय्‌काछ्वइ। थुकथं म्‍हो जक मनूत बचय् जुइ।

यशैया 26:11

हे परमप्रभु, इमिसं छिं ल्‍ह्वनादीगु ल्‍हापाखे ध्‍यान मब्‍यू। छिके थः प्रजाया निंतिं गुलि जोश दु इमित क्‍यनादिसँ। अले इपिं लाजय् लाइ। छिं तयार यानादीगु सजाँय इमित प्‍वंकादिसँ।

यशैया 30:12

अथे जुयाः इस्राएलया पवित्र परमेश्‍वरं धयादी, “छिमिसं जिगु बुखँयात हेला याःगु दु, अले अत्‍याचारय् व मखुगु खँय् भरोसा तइ।

यशैया 30:9

थ्‍व छगू जिराहा जातिया मनूत खः, धोखा बिइपिनि काय्‌म्‍ह्याय्‌पिं खः, वा परमप्रभुया स्‍यनातःगु खँ मानय् मयाःपिं काय्‌म्‍ह्याय्‌पिं खः।

यशैया 47:14

धात्‍थें हे इपिं छ्वख्‍वः थें खः। मिं उपिं च्‍याकाछ्वइ। थन सुयातं मि पनेत हेंग्‍वाः दइ मखु, न थन च्‍वनाः मि पनेत मि दइ।

यशैया 7:9

इस्राएल वया राजधानी सामरिया स्‍वयाः बमलाः अले सामरिया रमल्‍याहया काय् जुजु पेकह स्‍वयाः नं बमलाः। छुं जुयाः छिपिं थःगु विश्‍वासय् क्‍वातुक्‍क च्‍वना मच्‍वन धाःसा छिपिं नं दयाच्‍वनी मखु।’”

यशैया 8:6

“थुपिं यहूदाया मनूतय्‌सं शान्‍तं न्‍ह्यानाच्‍वंगु शीलोया लःयात हेला यानाः जुजु रसीन व रमल्‍याहया काय् जुजु पेकहपिंलिसें लसता हंगुलिं,

यशैया 9:18

धात्‍थें हे मि थें दुष्‍टता च्‍याइ, उकिं सिउँडी व कंयात भस्‍म याइ। उकिं गुँयागु झाःतय्‌त च्‍याकी, अले उपिं कुँत्‍याः जुयाः च्‍वय् पाखे चाचाःहिलाः थाहां वनी।

यशैया 9:19

दक्‍व शक्ति दुम्‍ह परमप्रभुया तमं देश भस्‍म जुइ। मनूत नं मियागु निंतिं इन्‍धन जुइ। सुं मनुखं थः किजायात तकं त्‍वःती मखु।

यर्मिया 6:19

हे पृथ्‍वी न्‍यँ, स्‍व! जिं थुपिं मनूतय्‌थाय् विपत्ति हये, गुगु इमिगु थःगु हे बिचाःया लिच्‍वः खः। इमिसं जिगु वचनय् ध्‍यान मब्‍यू। अले जिगु व्‍यवस्‍थायात इमिसं त्‍वःतल।

यर्मिया 8:9

बुद्धि दुपिं मछालेमाली, इमिगु नुगः क्‍वतुनी, अले इमित ज्‍वनी। इमिसं परमप्रभुया वचनयात त्‍वःतूगु दु, इमिके गज्‍याःगु बुद्धि दु?

इजकिएल 15:6

“उकिं परमप्रभु परमेश्‍वरं थथे धयादी – गथे जिं गुँइच्‍वंगु सिमात मध्‍ये दाखया मायात सिँ जुइत मियात बियागु दु, अथे हे जिं यरूशलेमय् च्‍वंपिं मनूतय्‌त यानाबी।

होशे 11:9

जिं जिगु तच्‍वकं च्‍याःगु तमं छुं नं याये मखुत, जिं एफ्राइमयात हाकनं भज्‍यंक नाश याये मखुत। छाय्‌धाःसा जि परमेश्‍वर खः, मनू मखु, जि परमपवित्र छिपिंनापं हे दु, जि तःच्‍वगु तमं छिमिथाय् वये मखु।

होशे 5:12

अथे जुयाः जि एफ्राइमया निंतिं नवंकी थें व यहूदाया घरानाया निंतिं ध्‍वग्‍गीगु सिँ थें जुइ।

होशे 9:16

एफ्राइमया मनूत हानापं गनावंगु व फल सइ मखुगु सिमा थें जूगु दु। इमिसं काय्‌म्‍ह्याय् बुइकुसां इमि यःपिं मस्‍तय्‌त जिं स्‍यानाबी।”

योएल 2:5

इपिं डाँडाया च्‍वकाय् ब्‍वाँय् जुइगु सः रथतय्‌गु सः थें व भस्‍म याइगु मित्‍याःया सः थें च्‍वं, इपिं लडाइँलय् वनेत्‍यंपिं झ्‍वःलाक च्‍वंपिं बल्‍लाःपिं सिपाइँत थें च्‍वं।

आमोस 2:4

परमप्रभुं थथे धयादी – “यहूदाया मनूतय्‌सं तःक्‍व हे पापयात, जिं इमित सजाँय मब्‍यूसे त्‍वःते मखु। इमिसं परमप्रभुया व्‍यवस्‍थायात हेला यात, वय्‌कःया विधित पालन मयात। इमि पुर्खात ल्‍यूवंपिं द्यःतय्‌सं इमित मखुगु लँय् यंकल।

आमोस 2:9

“जिं थःम्‍हं हे इमिगु न्‍ह्यःने एमोरीतय्‌त भज्‍यंक नाश यानाबिया, इपिं खयः सिमा ति तःजाः अले स्‍वसिमा थें बल्‍लाः जूसां नं, जिं इमिगु च्‍वय्‌च्‍वंगु फल व इमिगु क्‍वय् च्‍वंगु हा नाश यानाबिया।

नहूम 1:10

इपिं कंझालय् अलमलय् जुयाच्‍वनी, अले इपिं दाखमद्यं काय्‌काच्‍वनी। इपिं गनावने धुंकूगु छ्वख्‍वः थें भस्‍म जुइ।

मलाकी 4:1

“स्‍व! मि च्‍यानाच्‍वंगु भट्टी थें च्‍वंगु व दिं वयाच्‍वंगु दु। उखुन्‍हु सकल घमण्‍डीत व मभिंगु ज्‍या याइपिं सु थें याकनं च्‍याइ। व दिनं इमित हा व कचा तक हे ल्‍यं मदय्‌क छ्वय्‌काबी,” दक्‍व शक्ति दुम्‍ह परमप्रभुं धयादी।

मत्ती 3:12

वय्‌कलं ल्‍हातिइ हासा ज्‍वना तयादीगु दु। वय्‌कलं फुक्‍क छ्व हायाः थःगु धुकुतिइ स्‍वथनादी। अले छ्वस जुक्‍व गुबलें मसीगु मिइ छ्वय्‌कादी।”

लूका 10:16

थुलि धयादी धुंकाः वय्‌कलं चेलातय्‌त धयादिल – “छिमिगु खँ न्‍यंपिन्‍सं जिगु हे खँ न्‍यंगुति ग्‍यनी। अले छिमित मयःगु जितः मयःगुति हे ग्‍यनी। अले जितः मयःगु ला जितः छ्वया हःम्‍हय्‌सित मयःगुति हे ग्‍यनी।”

लूका 3:17

वय्‌कलं ल्‍हातिइ हासा ज्‍वना तयादीगु दु। वय्‌कलं फुक्‍क छ्व हायाः थःगु धुकुतिइ स्‍वथनादी। अले छ्वस जुक्‍व गुबलें मसीगु मिइ छ्वय्‌कादी।”

लूका 7:30

फरिसीत व शास्‍त्रीतय्‌सं धाःसा परमेश्‍वरयागु खँ न्‍यँ हे मन्‍यं। इमिसं यूहन्‍नायागु बप्‍तिस्‍मा नं मकाः। थुकथं इमिसं परमेश्‍वरयागु खँयात वास्‍ता मयाः।

यूहन्‍ना 12:48

जितः मयय्‌काः जिगु वचन मानय् मयाइम्‍ह मनूयागु न्‍याय जुइ। जिं नवानागु वचनं हे दकलय् लिपायागु दिनय् न्‍याय याइ।

प्रेरित 13:41

“‘अय् मूर्खत, हेबाय्‌चबाय् जक यानाजुइपिं, थुइके मफयाः छिपिं अथें सिनावनी। छिपिं दुबलय् हे जिं छगू थज्‍याःगु ज्‍या याये। जिं यानागु थ्‍व ज्‍या छिमित सुनानं कन धाःसां छिमिसं गुबलें नं पत्‍याः याइ मखु।’”

व्‍यवस्‍था 28:24

परमप्रभुं छिमिगु देशय् आकाशं वइगु वाया पलेसा छिपिं भज्‍यंक स्‍यनामवंतले धू व फि छ्वयाहयादी।

१ थेसलोनिकी 4:8

उकिं सुनां थ्‍व खँ न्‍यनी मखु वं मनूयागु मखु, बरु छिमित पवित्र आत्‍मा बियादीम्‍ह परमेश्‍वरयागु हे खँ मन्‍यंगु जुइ।

१ शमूएल 15:23

वय्‌कःया आज्ञा मानय् मयायेगु हे तन्‍त्रमन्‍त्र यायेगु पाप थें खः, अले तःधंछुइगु मूर्ति पुज्‍यायेगु ति हे मभिंगु खः। छिसं परमप्रभुया वचनयात त्‍वथूगु दु, अथे जुयाः परमप्रभुं नं छितः जुजुया सिंहासनं लिकयादीगु दु।”

१ शमूएल 15:26

तर शमूएलं लिसः बिल, “जि छिनापं वने फइ मखु। छिं परमप्रभुया वचनयात क्‍वह्यंकूगुलिं वय्‌कलं नं छितः इस्राएलीतय् जुजु जुइत क्‍वह्यंम्‍ह ताय्‌कादीगु दु।”