यशैया 5:12 - नेवाः बाइबल

¹² इमिगु भ्‍वय्‌लय् वीणा, सारंगी, खैँजडी, बाँसुरी व दाखमद्य दइ। तर इमिसं परमप्रभुं छु यानादी धयागु बारे छुं हे बिचाः याइ मखु।

यशैया 5:12 ပူးပေါင်းရင်းမြစ်များ

उत्‍पत्ति 31:27

छं जितः छाय् छुं मधासे बिस्‍युं वयाः झंगः लानागु? छं जितः धाःगु जूसा जिं छन्‍त लय्‌तातां दम्‍फु व वीणा थाथां म्‍ये हालाः छ्वयाहयेगु खः नि।

२ शमूएल 19:35

जि चयदँ दये धुंकल। भिं व मभिंया ज्ञान जिं सीके मफये धुंकल। जिं नयेत्‍वनेगु नं छुं सवाः मथुइ धुंकल। मिजं व मिसां म्‍ये हाःगु नं जिं मताये धुंकल। अथे जुयाः जि छिनापं वनाः छिगु निंतिं छाय् ब्‍वःझ जुइगु?

अय्‍यूब 34:27

छाय्‌धाःसा इमिसं वय्‌कःया आज्ञा पालन यायेगु त्‍वःतल, अले वय्‌कःया गुगु नं लँपुयात वास्‍ता मयाः।

भजनसंग्रहया सफू 28:5

परमप्रभुं छु छु यानादिल, वय्‌कलं थःगु ल्‍हातं छु छु दय्‌कादिल धयागु खँय् इमित छुं हे च्‍यूताः मदु। उकिं वय्‌कलं इमित सदां सदांया निंतिं नाश यानादी। अले हाकनं इपिं खनेदइ मखु।

यशैया 22:13

तर स्‍व, थन ला मोजमज्‍जा यानाच्‍वंगु दु। पशुत स्‍यायेगु, फैत स्‍यायेगु, ला नयेगु व दाखमद्य त्‍वनेगु ज्‍या जुयाः च्‍वंगु दु। छिमिसं धाइ, “कन्‍हय् ला झी सि हे सी, उकिं नयाःत्‍वनाः मोजमज्‍जा यायेनु!”

यशैया 24:8

इमिगु दम्‍फु व वीणाया लसतां जाःगु संगीत दी धुंकूगु दु। न्‍ह्यइपुकेगु म्‍ये हालीपिनिगु सः दीगु दु।

यशैया 29:1

धिक्‍कार छन्‍त! अरीएल, अरीएल, दाऊदं छाउनी दय्‌कूगु शहर! दँय् दँ तँतं हुँ, नखःचखः चाःहिला वयेमा!

यशैया 5:19

धिक्‍कार दु इमित, गुपिन्‍सं परमप्रभुयात चुनौती बियाः थथे धाइ, “वय्‌कः छाय् हथाय् चायामदीगु अले वय्‌कलं यानादीगु ज्‍या छाय् याकनं झीत मक्‍यंगु छाय् इस्राएलया पवित्र परमेश्‍वरं झायाः थःगु योजना पूवंकामदीगु? अले झीसं व फुक्‍क सीगु।”

यशैया 56:12

इपिं फुक्‍कसिनं थथे धाइ, “वा, जितः दाखमद्य हय्‌के ब्‍यु! झीसं अय्‌लाः नं यक्‍व त्‍वनेनु! कन्‍हय् नं थौं थें हे जुइ वा थौं स्‍वयाः अप्‍वः बांलाइ।”

इजकिएल 26:13

जिं छंगु म्‍येयागु सः दिकाबी। छंगु वीणाया सः हाकनं ताये दइ मखु।

दानिएल 5:23

उकिया पलेसा छःपिन्‍सं स्‍वर्गयाम्‍ह प्रभुयागु विरोधय् ज्‍या यानादिल। वय्‌कःया देगलं हःगु थलबलत थन हयादिल। अले छःपिं व भारदारत, छःपिनि कलाःपिं व मथ्‍याःपिं कलाःपिन्‍सं उपिं ख्‍वल्‍चां दाखमद्य त्‍वनादिल। अले छःपिन्‍सं लुँ, वहः, कँय्, नँ, सिँ व ल्‍वहँतं दय्‌कूपिं द्यःतय्‌त च्‍वछाल। उपिं द्यःत न्‍यनेफुपिं नं मखु, खंके फुपिं नं मखु, अले छुं स्‍यूपिं नं मखु। परमेश्‍वरया ल्‍हातय् हे छःपिनिगु प्राण व फुक्‍क लँपु दुसां वय्‌कःयात हनाबना यानामदी।

लूका 16:19

“छम्‍ह तसकं तःमिम्‍ह मनू दु। वं न्‍ह्याबलें तसकं थिकेगु मलमलयागु वसः फिना जुइ। अले मोजं जुया जुइ।

१ कोरिन्‍थी 14:7

बाँसुरी पुइबलय् व वीणा थायेबलय् त्‍याजिक सः पिमज्‍वःसा मनूतय्‌सं थुकिया लय् थुइका कायेफइ मखु।

यहूदा 1:12

थुपिं छिमिगु लय्‌ताः भ्‍वजय् लुया वइगु फि खः। थुपिं थःत जक भिंका जुइपिं खः। थुपिं फसं पुइके यनिगु, लः मदुगु सुपाँय् खः। अले फल सइ मखुगु निकः तक सी धुंकूगु, हांनिसें सी धुंकूगु सिमा खः।

१ शमूएल 12:24

परमप्रभुया भय का अले विश्‍वास यायेबहःपिं जुयाः वय्‌कःया सेवा या। छिमिगु निंतिं वय्‌कलं यानादीगु तःधंगु ज्‍याया बारे बिचाः या।