यशैया 5:11 - नेवाः बाइबल

¹¹ धिक्‍कार इमित, सु अय्‌ला त्‍वनेत सुथय् हे दनी अले बहनि लिबाक्‍क धेधेमचुतले दाखमद्य त्‍वनाच्‍वनी।

यशैया 5:11 ပူးပေါင်းရင်းမြစ်များ

२ शमूएल 19:35

जि चयदँ दये धुंकल। भिं व मभिंया ज्ञान जिं सीके मफये धुंकल। जिं नयेत्‍वनेगु नं छुं सवाः मथुइ धुंकल। मिजं व मिसां म्‍ये हाःगु नं जिं मताये धुंकल। अथे जुयाः जि छिनापं वनाः छिगु निंतिं छाय् ब्‍वःझ जुइगु?

हितोपदेश 20:1

दाखमद्यं हाःहू याकी, अय्‌लाखं ल्‍वापु हइ। थ्‍व नितां त्‍वनीपिन्‍के बुद्धि दइ मखु।

हितोपदेश 23:32

कन्‍हय् खुन्‍हु सुथय् छन्‍त बिख दुम्‍ह सर्पं न्‍याः थें जुइ।

यशैया 22:13

तर स्‍व, थन ला मोजमज्‍जा यानाच्‍वंगु दु। पशुत स्‍यायेगु, फैत स्‍यायेगु, ला नयेगु व दाखमद्य त्‍वनेगु ज्‍या जुयाः च्‍वंगु दु। छिमिसं धाइ, “कन्‍हय् ला झी सि हे सी, उकिं नयाःत्‍वनाः मोजमज्‍जा यायेनु!”

यशैया 24:9

सुनानं दाखमद्य त्‍वनाः लसतां म्‍ये हाली मखु, भिंगु अय्‌ला धकाः त्‍वंपिन्‍त खाइसे च्‍वने धुंकल।

यशैया 28:1

धिक्‍कार, एफ्राइमया अय्‌लाःगुलुतय्‌गु घमण्‍डया श्रीपेचयात! धिक्‍कार, सुकूगनावनीगु स्‍वांया श्रीपेचयात गुगु छकः तसकं बांलाःगु खः! थ्‍व शहर दाखमद्यं काःपिनिगु छगू यक्‍व सइगु ब्‍यासिया च्‍वय् पाखे लाः।

यशैया 28:3

एफ्राइमया अय्‌लाःगुलुतय्‌गु घमण्‍डया श्रीपेचयात, पालि तलय् तयाः न्‍हुत्तुन्‍हुइतिनि।

यशैया 5:22

धिक्‍कार इमित, सुनां दाखमद्य त्‍वनेत तसकं बल्‍ला तायेकी, अले अय्‌ला ल्‍वाकछ्यायेत तसकं हे सःस्‍यू धकाः जुइ।

यशैया 56:12

इपिं फुक्‍कसिनं थथे धाइ, “वा, जितः दाखमद्य हय्‌के ब्‍यु! झीसं अय्‌लाः नं यक्‍व त्‍वनेनु! कन्‍हय् नं थौं थें हे जुइ वा थौं स्‍वयाः अप्‍वः बांलाइ।”

हबकूक 2:15

“धिक्‍कार दु वयात, सुनां जःलाखःलातय्‌त दाखमद्य त्‍वंकी थःगु तमय् वया वं इमित अय्‌लाःगुलुत जुइत करंकाकी थथे वं इमिगु नांगासू स्‍वयाः इमित लज्‍या चाय्‌के फइ।

हबकूक 2:5

धात्‍थें हे मनूतय्‌त दाखमद्यं ध्‍वखा बी, व तःधंछुया जुइ अले व गुबलें याउँक च्‍वने फइ मखु, छाय्‌धाःसा व चिहान थें लोभी खः। व मृत्‍यु थें गुबलें लुधनी मखु। वं दक्‍व जात जतितय्‌त थःथाय् मुंकी, अले दक्‍व मनूतय्‌त कुनी।

लूका 21:34

“अय्‌जूगुलिं छिमिसं होश‍ यानाच्‍वँ। भ्‍वय् जक नया जुइगु, अय्‌लाः थ्‍वँ जक त्‍वना जुइगु, अले थ्‍व जीवनयागु धन्‍दा कयाः जुइगु याना जुल धाःसा छिमिसं मसीक जिं धयागु दिं वइ।

रोमी 13:13

थुकथं झीगु चालचलन जलय् च्‍वंपिनिगु थें याये माल, उकिं झीसं मोजमज्‍जा यायेगु, अय्‌लाः त्‍वना जुइगु, व्‍यभिचार यायेगु, लाः लाः थे सना जुइगु, ल्‍वापु यायेगु, नुगः मुइकेगु त्‍वःताछ्वये माल।

१ कोरिन्‍थी 6:10

खुँत, लोभीत, अय्‌लाः त्‍वनाजुइपिं, कर्पिन्‍त मभिंका जुइपिं, अले थगय् यानाजुइपिं – थज्‍याःपिं मनूतय्‌त परमेश्‍वरयागु राज्‍यय् दुकाइ मखु।

गलाती 5:21

डाहा यायेगु, अय्‌लाः थ्‍वँ त्‍वना जुइगु, मोजमज्‍जा यानाजुइगु, थथे हे मेमेगु ज्‍या यानाजुइगु। थज्‍याःपिं परमेश्‍वरयागु राज्‍यय् दुहां वने फइ मखु धकाः जिं न्‍हापा नं धायेधुन, आः नं थ्‍व हे खँ जिं छिमित धयाच्‍वना।

१ शमूएल 25:36

अबीगेल छेँ थ्‍यनाः वं अन नाबालं जुजुपिन्‍त नकेगु भ्‍वय् थें नयाच्‍वंगु खन। नाबाल लय्‌तायाः दाखमद्य त्‍वनाः तसकं काय्‌काच्‍वंगु दु। अथे जुयाः वया कलातं वयात सुथ तक नं छुं मधासे च्‍वन।