यशैया 5:10 - नेवाः बाइबल

¹⁰ झिगू हेक्‍टर दाखबय् नं निइछगू लिटर जक दाखमद्य बी अले झिफा पुसां फछि जक अन्‍न सय्‌की।”

यशैया 5:10 ပူးပေါင်းရင်းမြစ်များ

प्रस्‍थान 37:22

त्‍वाःदेवा, उकियागु मुखू व कचात मुगलं दायातःगु भिंगु लुँयागु छगू हे कुचायागु जुल।

यशैया 32:13

अले जिमि मनूतय्‌गु जमिनय् कंमा व झाःया निंतिं ख्‍वः। खः, लसतां जाःगु फुक्‍क छेँया निंतिं थ्‍व न्‍ह्याइपुगु शहरया निंतिं विलाप या।

यशैया 7:23

उगु इलय् ११.५ किलोग्राम वहः मू तूगु द्वःछिमा दाखमा दुगु क्‍यबय् कंमा व झाः जक बुया वइ।

यर्मिया 48:33

मोआबया यक्‍व सइगु क्‍यबत व बुँनं लसता व खुसि वने धुंकूगु दु। जिं दाख तिसीगु थासं दाखया ति वयेगु दिकाबियागु दु। लय्‌तायाः हा हां सुनानं उकियात न्‍हुइ मखु। इमिगु हाःसः लसताया हाःसः मखु।

योएल 1:17

पुसा चाग्‍वारा क्‍वय् सेकुन, धुकुति उजाड यानाबिल, अले अन्‍नया धुकुति न्‍हनावन, छाय्‌धाःसा अन्‍न सुकूगनावने धुंकल।

लेवी 26:26

अथे जूगुलिं जिं छिमिथाय् अन्‍न वय्‌केबी मखु। उबले झिम्‍ह मिसां छगू हे भुतुलिइ मरि छुइ। अले इमिसं छिमित नयेत बीबलय् सुयातं गाइ मखु।

लेवी 27:16

“‘सुनानं थः पुर्खाया सम्‍पत्तिया छुं ब्‍व परमप्रभुया निंतिं छाल धाःसा उकी गुलि पुसा वनी वःकथं उकिया मू क्‍वःछ्यु। गथेकि छगू होमेर तछ्वया पुसा वनीगु बुँया नेय्‌गू वहःयागु शेकेल।

हाग्‍गै 1:6

छिमिसं यक्‍व पी, कम जक लइ, नयेत ला नइ, लुधनी मखु, त्‍वनेत ला त्‍वनी, प्‍याःचाः लनी मखु, वसः ला पुनी तर लुमुइ मखु। कमय् याःगु धिबा नं ह्वगं म्‍हिचाय् तः थें जुइ।”

हाग्‍गै 2:16

निइमुरिया अन्‍न आशा याःम्‍हसित झिगू मुरी जक दइगु। दाख तिसीगु थासय् नेय्‌गू लिटर दाखमद्य काः वःम्‍हसिनं निइगू लिटर जक काये खनीगु।

व्‍यवस्‍था 28:38

छिमिसं बुँइ यक्‍व पुसा ह्वली अय्‌नं कम अन्‍न मुनी, छाय्‌धाःसा क्‍वःबुइँचां छिमिगु अन्‍न नइ।

व्‍यवस्‍था 28:39

छिमिसं दाखक्‍यब पिनाः उकी ज्‍या याइ अय्‌नं छिमिसं दाखमद्य त्‍वनेखनी मखु, दाख मुने खनी मखु, छाय्‌धाःसा कीचातय्‌सं उपिं नयाबी।