यशैया 5:1 - नेवाः बाइबल

¹ जिं थः यःम्‍हय्‌सियागु निंतिं छपु म्‍ये हाले, अले वयागु दाखक्‍यबया बारे म्‍ये हाले– यक्‍व सइगु डाँडाय् जिमि यःम्‍ह छम्‍हय्‌सिया छगू दाखक्‍यब दु।

यशैया 5:1 ပူးပေါင်းရင်းမြစ်များ

भजनसंग्रहया सफू 101:1

जिं छिगु सदां दयाच्‍वनीगु दया माया व न्‍याययागु म्‍ये हाले, हे परमप्रभु, जिं म्‍ये हालाः छिगु प्रशंसा याये।

भजनसंग्रहया सफू 45:1

जुजुया निंतिं थ्‍व म्‍ये च्‍वयाबलय् जिगु नुगलय् बाबांलाःगु खँग्‍वः भय्‌बियावःगु दु। जिगु मेचु नं छम्‍ह बांलाःम्‍ह कविया कलम थें जुयाब्‍यूगु दु।

भजनसंग्रहया सफू 60:5

छिं बल्‍लाःगु जव ल्‍हातं जिमित बचय् यानादिसँ, जिमिगु प्रार्थनाया लिसः बियादिसँ। छिं माया यानातःपिं मनूत बचय् जुइमा।

भजनसंग्रहया सफू 80:8

छिं जिमित दाखमा थें मिश्रं हयादिल। छिं मेमेगु जातियापिन्‍त पितिनाः जिमित थःगु देशय् पिनादिल।

श्रेष्‍ठगीत 2:16

जिमि यःम्‍ह प्रिय जिम्‍ह हे खः, जि वय्‌कःयाम्‍ह खः। व लिली स्‍वांया दथुइ चाचाःहिला जुइ।

श्रेष्‍ठगीत 5:16

वयागु म्‍हुतु तसकं साःगुलिं जाः, व तसकं बांलाःम्‍ह खः। व जिमि यःम्‍ह प्रिय खः, जिमि पासा नं खः, हे यरूशलेमया मिसापिं, जिमि प्रिय थथे हे खः।

श्रेष्‍ठगीत 5:2

जि द्यना, अय्‌नं जिगु नुगः न्‍ह्यलं हे चा, स्‍वःसा, जिमि यःम्‍ह प्रियनं लुखाय् घारघार यानाच्‍वंगु दु। “हे जिमि तसकं यःम्‍ह मय्‌जु, जिमि प्रिय, लुखा चाय्‌काब्‍यु, जिमि छुं नं दोष मदुम्‍ह सुकुभत्तु। सुति लखं जिगु छ्यं प्‍याःगु दु, जिगु सँ चान्‍हय्‌सियागु ख्‍वाउँगुलिं प्‍याःगु दु।”

श्रेष्‍ठगीत 6:3

जिमि यःम्‍ह प्रिय जिम्‍ह हे खः, जि वय्‌कःयाम्‍ह खः। व लिली स्‍वांया दथुइ चाः चाहुला जुइ।

यर्मिया 12:10

यक्‍व फैजवाःतय्‌सं जिगु दाखया क्‍यबयात स्‍यंकाब्‍यूगु दु। इमिसं जिगु बुँयात न्‍हुत्तुन्‍हुगु दु, इमिसं जिगु न्‍ह्याइपुगु बुँयात मरुभूमि थें छुं नं मसइगु थाय् यानाब्‍यूगु दु।

यर्मिया 2:21

थःत तसकं यःगु दाखया कचा थें भिंगु माचा कयाः छन्‍त पिनागु खः। तर स्‍व, आः छु जुल? छ छमा ध्‍वग्‍गीगु ज्‍यालगे मजूगु दाखमा जक जूगु दु।

इजकिएल 15:2

“अय् सीमानिम्‍ह मनू, छमा दाखमाया सिँ गय् यानाः गुँइच्‍वंगु मेगु सिमातय् कचा स्‍वयाः भिं जुइ फइ?

इजकिएल 19:10

“‘छिमि मां लःया लिक्‍क पिनातःगु छंगु दाखक्‍यबया दाखया मा थें खः, गुगु यक्‍व लः दुगुलिं फल व कचां जाःगु दु।

होशे 10:1

इस्राएल न्‍यनावनाच्‍वंगु छमा दाखमा खः। वं ला थःगु हे लागि फल सय्‌कल। गुलि यक्‍व वं फल सय्‌कल उलि हे वं वेदीत दय्‌कल। थःगु देशय् गुलि अन्‍न सल उलि हे वं थः पुजा यायेगु ल्‍वहंया थांत बांलाकल।

मत्ती 21:33

येशूं इमित धयादिल – “मेगु छगू उखान नं न्‍यनादिसँ – छम्‍ह तःसिं दु। वं थःगु क्‍यबय् दाख पित। अले प्‍यखें वालं चिनाबिल। वं अन दाख तिसीगु साः नं तयाबिल। अले क्‍यबय् स्‍वयेत छगू बल्‍चा नं दय्‌का थकल। क्‍यब म्‍हय्‌तय्‌त त्‍वःताः व मेगु देशय् वन।

मर्कूस 12:1

थुलि धयादी धुंकाः वय्‌कलं इमित छपु उखान छुनादिल। “छम्‍ह तःसिं दु। वं थःगु क्‍यबय् दाख पित। अले प्‍यखें वालं चिनाबिल। वं अन दाख तिस्‍सिगु साः नं तयाबिल। अले क्‍यब स्‍वयेत छखा बल्‍चा नं दय्‌का थकल। क्‍यबय् ज्‍याकाः व मेगु देशय् वन।

लूका 20:9

अले येशूं मनूतय्‌त छगू उखान कनादिल – “छम्‍ह मनुखं क्‍यबय् दाखमा पिनाः म्‍हय्‌तय्‌त त्‍वःताः थः तःन्‍हुया लागि तापालय् वन।

यूहन्‍ना 15:1

“धात्‍थेंयागु दाखमा जि हे खः, अले दाखमायात स्‍वइम्‍ह जिमि बाः खः।

व्‍यवस्‍था 8:10

छिमिसं नयाः लुधने धुंकाः परमप्रभु छिमि परमेश्‍वरं छिमित भिंगु देश बियादीगुलिं वय्‌कःयात तःधंकि।

व्‍यवस्‍था 8:7

छाय्‌धाःसा परमप्रभु छिमि परमेश्‍वरं छिमित छगू भिंगु देशय् ब्‍वनायंका च्‍वनादीगु दु। अन खुसित, मुहान व बुँगाःचां पिहां वःगु लः बेँसी व पहाड जुयाः न्‍ह्याइ।