यशैया 48:9 - नेवाः बाइबल

⁹ जिगु थःगु हे नांया कारणं जिं थःगु तंयात प्‍वंकेगु लिबाका च्‍वनागु खः, अले जिगु महिमाया निंतिं छन्‍त त्‍वःतामछ्वयेत जिं व पना तयागु दु।

यशैया 48:9 ပူးပေါင်းရင်းမြစ်များ

भजनसंग्रहया सफू 106:8

अय्‌नं वय्‌कलं थःम्‍हं बचं बियादीगु थें थःगु तःधंगु शक्ति क्‍यनेत इमित बचय् यानादिल।

भजनसंग्रहया सफू 143:11

हे परमप्रभु, छिगु नांया लागि जिगु जीवनयात रक्षा यानादिसँ। छिगु धार्मिकताया कारणं जितः थ्‍व दुःखपाखें पित हयादिसँ।

भजनसंग्रहया सफू 25:11

हे परमप्रभु! थःगु नांयात तःधंकेत जिगु पाप न्‍ह्याक्‍व हे तःधंसां क्षमा यानादिसँ।

भजनसंग्रहया सफू 78:38

वय्‌कः दयादुम्‍ह जूगुलिं वय्‌कलं इमित क्षमा यानादिल। वय्‌कलं इमित नाश यानामदी। वय्‌कलं तःकः मछि थःगु तं क्‍वलाकादिल। वय्‌कलं थःगु तं प्‍वंकामदी।

भजनसंग्रहया सफू 79:9

हे परमेश्‍वर, जिमित ग्‍वाहालि यानाः बचय् यानादिसँ। थःगु नांया महिमाया निंतिं जिमिगु पापयात क्षमा यानादिसँ।

हितोपदेश 19:11

बुद्धि दुपिं मनूतय्‌सं थःगु तंयात क्‍वत्‍यला तइ। अले नुगलय् स्‍याःगु खँयात नं मिखा तिस्‍सिनाबीगु इमिगु तःजिगु गुण खः।

यशैया 30:18

अय्‌नं परमप्रभुं छिमिगु निंतिं दया यायेगु मतिइ तयादी। छिमिगु निंतिं माया यायेत वय्‌कः दनादी, छाय्‌धाःसा परमप्रभु न्‍याय यानादीम्‍ह परमेश्‍वर खः। वय्‌कःयात लं च्‍वनीम्‍ह धन्‍य खः।

यशैया 37:35

“जिं थःगु व जिमि च्‍यः दाऊदया कारणं थ्‍व शहरयात रक्षा यानाः बचय् याये।”

यशैया 43:25

“जि, जि व हे खः, गुम्‍हय्‌सिनं छंगु अपराध थःगु हे लागिं क्षमा यानाबी, जिं छंगु पाप गुबलें लुमंके मखु।

यशैया 48:11

जिं छु याये थःगु हे कारणं जिं व याये। जिं थःगु नां बेइज्‍जत याकेबिइ मखु, अले जिगु गौरव नं द्यःतय्‌त इनाबी मखु।

यशैया 65:8

परमप्रभुं थथे धयादी, “गथे दाखया ज्‍वाँय्‌लय् रस दया, मनूतय्‌सं धाइ, ‘उकियात स्‍यंके मते, छाय्‌धाःसा उकी झन अप्‍वः रस दइजुइ,’ अथे हे जिं जिमि दासतय्‌गु कारणं इपिं फुक्‍कसित नाश याये मखु।

यर्मिया 14:7

जिमिसं यानागु मभिंगु ज्‍यां जिमिगु विरोधय् साक्षी ब्‍यूसां हे परमप्रभु, छिगु नां तःधंकेत छुं ज्‍या यानादिसँ। जिमिसं तःकः मछि हे छितः त्‍वःतागु दु। जिमिसं छिगु विरोधय् पाप यानागु दु।

इजकिएल 20:14

तर गुगु जातियापिं मनूतय्‌गु मिखाया न्‍ह्यःने जिं इमित पित हया, उपिं जातियापिं मनूतय्‌गु मिखाया न्‍ह्यःने जिगु नां अपवित्र मजुइमा धकाः जिं जिगु नांया इज्‍जतयात रक्षा यायेगु ज्‍या याना।

इजकिएल 20:22

तर जिं इमित पित हयागु खंपिं जातितय्‌गु न्‍ह्यःने जिगु नां बदनाम मजुइमा धकाः जिं थःगु ल्‍हाःयात पना, जिं जिगु नांया इज्‍जतयात रक्षा यायेगु ज्‍या याना।

इजकिएल 20:44

हे इस्राएलया घराना, छिमिगु मभिंगु पहःचहः व स्‍यंगु ज्‍याकथं मखु, तर जिं जिगु नांया इज्‍जतयात रक्षा यायेत जिं छिपिंलिसे व्‍यवहार यायेबलय् छिमिसं जि हे परमप्रभु खः धकाः सी। परमप्रभु परमेश्‍वरं धयादी।’”

इजकिएल 20:9

तर जिं अथे मयाना, छाय्‌धाःसा जिं जिगु नांया इज्‍जतयात रक्षा यायेगु ज्‍या याना। जिं इस्राएलीतय्‌त मिश्र देशं पितहःगु खंपिं जःखः च्‍वंगु जातितय्‌गु दथुइ जिं थःगु नांयात बदनाम जुइके मबिया।

इजकिएल 36:21

जिं जिगु पवित्र नांया लागि धन्‍दा कयागु खः, गुकियात इपिं वंगु जाति जातितय्‌गु दथुइ इस्राएलया घरानां अपवित्र याःगु खः।

यहोशू 7:9

कनानी व थ्‍व देशयापिं मेपिं मनूतय्‌सं थ्‍व खँ न्‍यनेवं इमिसं जिमित घेरय् यानाः पृथ्‍वीं जिमिगु नां हुया बी। अनं लिपा छिं थःगु तःधंगु नांया लागिं छु यानादी?”

१ शमूएल 12:22

थःगु तःधंगु नांया कारणं परमप्रभुं छिमित त्‍वःतादी मखु, छाय्‌धाःसा वय्‌कलं छिमित थः प्रजा यायेगु क्‍वःछिनादीगु दु।