यशैया 48:8 - नेवाः बाइबल

⁸ थुपिं खँया बारे छं न न्‍यंगु दु, न छुं स्‍यू। न्‍हापांनिसें हे छंगु न्‍हाय्‌पं चाःगु मदु। छ गुलि धोखा बीम्‍ह खः धकाः जिं स्‍यू। छ बूसांनिसें हे जिराहा धकाः धयातःगु खः।

यशैया 48:8 ပူးပေါင်းရင်းမြစ်များ

भजनसंग्रहया सफू 40:6

छिं जितः थ्‍व खँ थुइके बियादिल, जिगु न्‍हाय्‌पं चाय्‌कादिल, बलि बीगु व छाय्‌छी यायेगु ज्‍यां छि लय्‌मताः, छिं होमबलि व पापबलि नं यय्‌कामदी।

भजनसंग्रहया सफू 51:5

स्‍वः, जि बूबलय् हे पापी खः। मांया प्‍वाथय् दुबलय् निसें पापं जाःम्‍ह खः।

भजनसंग्रहया सफू 58:3

मभिंपिं मनूतय्‌सं मसीतले मभिंगु ज्‍या जक यानाच्‍वनी। बूसांनिसें हे इमिसं मखुगु खँ ल्‍हायेगु व बेक्‍वःगु लँय् जुइगु याइ।

यशैया 21:2

जिं तसकं ग्‍यानापुगु दर्शन खनागु दु तसकं धोखा बीम्‍हं धोखा बी, लुतय् याइम्‍हय्‌सिनं लुतय् याइ। अय् एलाम, हमला या, अय् मादी, शहरयात घेरा लगय् या! बेबिलोनं ब्‍यूगु दुःखकष्‍ट परमप्रभुं दिकादी।

यशैया 26:11

हे परमप्रभु, इमिसं छिं ल्‍ह्वनादीगु ल्‍हापाखे ध्‍यान मब्‍यू। छिके थः प्रजाया निंतिं गुलि जोश दु इमित क्‍यनादिसँ। अले इपिं लाजय् लाइ। छिं तयार यानादीगु सजाँय इमित प्‍वंकादिसँ।

यशैया 33:1

धिक्‍कार, छ नाश याइम्‍हय्‌सित, गुम्‍ह थः हे नाशय् लाःगु मदुनि! धिक्‍कार, छ विश्‍वासघातीयात, सुयात मेपिं सुनानं विश्‍वासघात याःगु मदुनि! गुबलय् छं नाश यायेगु दिकी, उबलय् छन्‍त नं नाश यानाछ्वइ। गुबलय् छं विश्‍वासघात यायेगु दिकी उबलय् छन्‍त नं विश्‍वासघात याइ।

यशैया 42:25

अथे जुयाः वय्‌कलं इमित थःगु तं प्‍वंकादीगु खः, अले लडाइँ यानाः स्‍यायेगुया दुःखकष्‍ट याकेबियादिल। मि थें ज्‍याःगु वय्‌कःया तं फुक्‍क इस्राएलय् च्‍याःगु दु। तर छु जुयाच्‍वंगु दु, व इमिसं गुबलें थुइका काःगु मदु, वपाखें इमिसं छुं नं सय्‌का काःगु मदु।

यशैया 46:8

“हे विद्रोही मनूत, थ्‍व खँयात लुमंकी, उकियात मनय् पक्‍का या अले नुगलय् तयाति”।

यशैया 47:11

विपत्ति छन्‍थाय् वइ। छं उकियात गुगु जादुनं चीकाछ्वयेगु। विनाश छन्‍थाय् वइ, गुकियात छं प्रायश्‍चित यानाः नं चीकाछ्वये फइ मखु। छं न्‍हापांनिसें सीके मफुगु नाश छक्‍वलं छन्‍थाय् वइ।

यशैया 48:4

छाय्‌धाःसा जिं स्‍यू कि छिपिं जिराहापिं खः, छिमिगु गःपः नँयागु थें च्‍वं, अले छिमिगु कपाः कँय्‌यागु थें च्‍वं।

यशैया 48:7

थुपिं न्‍हापायागु खँ मखु, न्‍हूगु दय्‌कूगु खः, थौं स्‍वयाः न्‍ह्यः छं थुपिं खँया बारे न्‍यंगु मदु। अथे जुयाः छं थथे धाये फइ मखु, ‘खः, जिं उपिं खँ स्‍यू।’

यशैया 50:5

परमप्रभु परमेश्‍वरं जिगु न्‍हाय्‌पं चाय्‌कादीगु दु अथे जुयाः जि विद्रोही जुयागु मदु। अले जि वय्‌कःपाखें फहिला वनागु मदु।

यशैया 57:4

छं सुयात गिजय् यानाच्‍वनागु? छिमिसं सुयागु विरोधय् खँ ल्‍हानाः मे पिकयाच्‍वनागु? छु छिपिं हे विद्रोही मनूत थें ज्‍या याइपिं अले मखुगु खँ ल्‍हाइपिं थें ज्‍या याइपिं, मखु ला?

यर्मिया 3:20

तर विश्‍वासघाती कलातं थें छं जितः ध्‍वंलात, हे इस्राएलया घराना,” परमप्रभुं धयादी।

यर्मिया 5:11

इस्राएलया घराना व यहूदाया घरानां जितः विश्‍वासघात यात,” परमप्रभुं धयादी।

यर्मिया 5:21

हे मूर्ख व बुद्धि मदुपिं मनूत, छिपिं मिखा दयाः नं मखंपिं, न्‍हाय्‌पं दयाः नं मताःपिं, थ्‍व खँ न्‍यँ!

यर्मिया 6:10

जिं सुयात धायेगु व सुयात ख्‍याच्‍वः बियेगु? जिगु खँ सुनां न्‍यनी? इमिगु न्‍हाय्‌पं बन्‍द जूगु दु। इमिसं न्‍यने मफु। परमप्रभुया वचनयात इमिसं कुंखिनीगु, इमि व न्‍यने हे मयः।

होशे 5:7

इपिं परमप्रभुनापं विश्‍वास यायेबहः मजुल। इमिसं मेमेपिंपाखें काय्‌म्‍ह्याय् बुइकल। अले अमइया नखः चखतं इपिं व इमिगु बुँनापं इमित नाश याइ।

होशे 6:7

इमिसं ला आदमं थें बाचा त्‍वाथल। इमिसं अन जिगु विरोधय् विश्‍वास यायेबहः मजुइक व्‍यवहार यात।

होशे 7:9

विदेशीतय्‌सं वयागु बल नाश यानाबी, अय्‌नं वं व खँ मस्‍यू। वयागु छेनय् गनं गनं तुयुगु सँ खनेदयावःगु दु अय्‌नं वं व खँ नं मस्‍यू।

मलाकी 2:11

यरूशलेमय् व इस्राएल देश न्‍यंकं यहूदायापिं मनूत विश्‍वासघाती जूगु दु अले घच्‍चाइपुगु ज्‍या याःगु दु। यहूदाया मिजंतय्‌सं परदेशी द्यःत पुजा याइपिं मिस्‍तलिसें ब्‍याहा यानाः परमप्रभुं माया यानादीगु पवित्र थाय्‌यात अपवित्र याःगु दु।

एफिसी 2:3

झीपिं नं छकः इपिं थें हे जुइ धुनागु दु, झीसं नं थःत यःथें यानाः मोजमज्‍जा याना जुइ धुन। थुकथं मेपिं थें झीपिं नं परमेश्‍वरयागु तं फये मालीपिं जुइ धुन।

व्‍यवस्‍था 31:16

अले परमप्रभुं मोशायात धयादिल, “छिमि पुर्खा थें छ सिनावने त्‍यंगु दु। छ सिनावने धुंकाः थुपिं मनूत देशय् दुहां वने धुंकाः व्‍यभिचारी थें जितः पत्‍याः मयाइपिं जुइ, इमिसं अन मेपिं द्यःतय्‌त पुजा याइ। इमिसं जितः त्‍वःताः जिं इपिंलिसें चिनागु बाचा त्‍वाथुली।

व्‍यवस्‍था 31:18

मेपिं द्यःतपाखे वनाः इमिसं याःगु फुक्‍क मभिं ज्‍यां यानाः उखुन्‍हु धात्‍थें हे जिं थःगु ख्‍वाः सुचुके।