6 छं थुपिं खँत न्यंगु दु, थुपिं फुक्क खँयात बांलाक स्व! छु छं थुकियात मानय् मयायेगु ला? “आवंलि जिं छन्त न्हूगु न्हूगु खँ व छं मस्यूगु गुप्ति खँ कने।
बुद्धि दुपिन्सं थ्व खँय् च्यूताः तयेमा। इमिसं परमप्रभुया सदां दयाच्वनीगु दया मायाया बारे बिचाः यायेमा।
जिं थःगु म्हुतुसिं छिगु म्हुतुं पिहां वःगु फुक्क विधि कनागु दु।
अय् जिमि प्रजा, दाइँ याइगु खलय् हायातःपिं! दक्व शक्ति दुम्ह परमप्रभु इस्राएलया परमेश्वरपाखें जिं छु न्यनागु दु, व जिं छिमित धाये।
छं यक्व खँ खंगु दु, तर ध्यान ब्यूगु मदु। छंगु न्हाय्पं ला चाःगु हे दु, अय्नं छं छुं नं ताःगु मदु।”
“जि परमप्रभु खः, जिगु नां थ्व हे खः, जिगु महिमा जिं मेपिन्त बी मखु, जिगु प्रशंसा मूर्तितय्त बी मखु।
स्व, न्हापायागु खँ ला जुइ धुंकल, आः न्हूगु खँ जिं कने। व जुइ न्ह्यः हे उकिया बारे जिं छिमित घोषणा याये।”
स्व, जिं छगू न्हूगु ज्या यानाच्वनागु दु, व आः जुया वइतिनि, छु छिमिसं व मखं ला? जिं मरुभूमिइ छपु लँपु दय्का च्वनागु दु, अले गंगु बँय् खुसिचात न्ह्याकाः च्वनागु दु।
थुपिं न्हापायागु खँ मखु, न्हूगु दय्कूगु खः, थौं स्वयाः न्ह्यः छं थुपिं खँया बारे न्यंगु मदु। अथे जुयाः छं थथे धाये फइ मखु, ‘खः, जिं उपिं खँ स्यू।’
“हे थ्व पुस्तायापिं मनूत, परमप्रभुयागु वचनय् ध्यान ब्यु। “छु जि इस्राएलया लागि मरुभूमि वा तसकं खिउँगु देश जुल ला? छाय् जिमि प्रजां थथे धाइगु, ‘जिपिं थःयत्थे वने दु। आः छिथाय् गुबलें वये मखुत।’
‘जितः प्रार्थना या, अले जिं छन्त लिसः बी। छं मस्यूगु ततःधंगु व गुप्ति खँ जिं छन्त कने।’
“जाति जातियात कँ, अले झण्डा ल्ह्वनाः न्यंकि, छुं खँ नं सुचुके मते, तर थथे धा, ‘बेबिलोनयात कब्जा याइ, वया द्यः बेल लज्याय् लाइ, वया द्यः मरोदकयात नाश याइ। वयागु शालिकतय्त बेइज्जत याइ, वयागु मूर्तित आतंकं जाइ।’
गुगुं शहरय् लडाइँया तुरही पुइबलय् मनूत मग्याइ ला? परमप्रभुं मछ्वतले छु गुगुं शहरय् विपत्ति वइ ला?
न्यँ, परमप्रभुं यरूशलेमय् च्वंपिं सकसित सःता च्वनादीगु दु। हे परमप्रभु! छिगु नांया भय कायेगु ज्ञान खः। “राजदण्ड व उकियात ल्यःम्हय्सिगु खँ बांलाक न्यँ।
जिं छिमित खिउँथाय् धयागु खँ छिमिसं न्हिनय् बय्बय् या। अथे हे जिं छिमित न्हाय्पनय् धयागु खँ छिमिसं कःसिइ च्वनाः बय्बय् या।
आवंनिसें जिं छिमित दास धकाः धाये मखुत, छाय्धाःसा मालिकं याःगु ज्याखँ दासं सी मखु। जिं छिमित जिमि पासापिं धकाः धयागुलिं बाःनं जितः धयादिक्व खँ जिं छिमित धयागु दु।
पवित्र आत्मां छिपिं जायेवं छिमिके शक्ति दइ। अले छिपिं यरूशलेमय्, यहूदियाय् व सामरियांनिसें सारा संसार न्यंक जिगु साक्षी जुइ।”
धर्मशास्त्रय् थथे च्वयातःगु दु – “मनुखं मखंगु, मन्यंगु, व मतिइ मतःगु खँ परमेश्वरं थःत माया याना च्वंपिनिगु निंतिं तयार यानादिल।”
“आः छं खंगु, जुयाच्वंगु खँ, अले लिपा जुइतिनिगु खँ फुक्कं च्व।
थुलि जुइ धुंकाः जिं थस्वयाबलय् स्वर्गया लुखा चालाच्वंगु खना। दकलय् न्हापालाक तुरही पुयाहःगु सः थें च्वंक जिं थथे धयाहःगु ताल – “थन थाहां वा, अले छु छु जुइतिनि धकाः जिं छन्त क्यने।”