यशैया 48:5 - नेवाः बाइबल

⁵ अथे जुयाः जिं छन्‍त थुपिं खँत न्‍हापा हे धया। अले जिं छन्‍त न्‍हापा हे थ्‍व जुइ न्‍ह्यः हे धयाबियागु खः, छं थथे धाये मफयेमा धकाः, ‘जिगु द्यःतय्‌सं थुपिं याःगु खः। जिगु सिँ व ढलोटं दय्‌काः तःगु मूर्तितय्‌गु आज्ञां थथे जूगु खः।’

यशैया 48:5 ပူးပေါင်းရင်းမြစ်များ

यशैया 43:19

स्‍व, जिं छगू न्‍हूगु ज्‍या यानाच्‍वनागु दु, व आः जुया वइतिनि, छु छिमिसं व मखं ला? जिं मरुभूमिइ छपु लँपु दय्‌का च्‍वनागु दु, अले गंगु बँय् खुसिचात न्‍ह्याकाः च्‍वनागु दु।

यशैया 44:7

जि थें ज्‍याःम्‍ह सु दु? वं थ्‍व घोषणा यायेमा। जिं यक्‍व न्‍हापा थः प्रजायात थापं यानाबलय् निसें छु जूगु खः वं जितः ध्‍वाथुइक कनेमा। अले इमित छु जुइ वं न्‍हापा हे धायेमा।

यशैया 44:8

यक्‍व न्‍हापांनिसें आः तक छिमित छु जिं लिपा जुइगु खँ कनागु मदु ला? उकिं छिपिं ग्‍याये मते वा थुरथुर खाये मते। छिपिं जिगु साक्षी खः। छु जि बाहेक मेपिं परमेश्‍वर दु ला? मदु, अन छुनं मेगु ल्‍वहंधी मदु, मेम्‍ह सुं नं परमेश्‍वर मदु!”

यशैया 45:20

“छिपिं फुक्‍कं छथाय् मूंवा। छिपिं जात-जातियापिं शरण कायेत वःपिं, फुक्‍क जिगु न्‍ह्यःने वा। सिँया मूर्तित क्‍वबिया जुइपिं, अले बचय् याये मफुपिं द्यःतय्‌के प्रार्थना याइपिं छुं हे मस्‍यूपिं खः।

यशैया 46:10

शुरुंनिसें अन्‍त तक, व न्‍हापा पुर्खातय्‌गु इलंनिसें आः जू वइगु ई तकया खँ जिं छिमित सीकेबी। जिं धाये, जिगु योजना दया हे च्‍वनी जिं थःत यःकथं याये।

यशैया 48:3

थ्‍व खँ बांलाक न्‍यँ, छु छु जुइ धकाः जिं यक्‍व न्‍ह्यः हे धायेधुन। व जिं जिगु म्‍हुतुं क्‍यनाबिया, अले जिं उपिं क्‍यनाबिया। जिं व आकाझाकां हे यानाबिया, अले उपिं फुक्‍क जिं धया थें हे जुल।

लूका 1:70

थथे जुइ धकाः ला वय्‌कलं न्‍हापा हे पवित्रपिं अगमवक्तातय्‌गु म्‍हुतुं न्‍ववानादीगु खः।

प्रेरित 15:18

परमप्रभुं धयादीगु थ्‍व खँ, न्‍हापांनिसें हे धयावयाच्‍वंगु खः।’”