यशैया 48:3 - नेवाः बाइबल

³ थ्‍व खँ बांलाक न्‍यँ, छु छु जुइ धकाः जिं यक्‍व न्‍ह्यः हे धायेधुन। व जिं जिगु म्‍हुतुं क्‍यनाबिया, अले जिं उपिं क्‍यनाबिया। जिं व आकाझाकां हे यानाबिया, अले उपिं फुक्‍क जिं धया थें हे जुल।

यशैया 48:3 ပူးပေါင်းရင်းမြစ်များ

यशैया 29:5

तर छं यक्‍व शत्रुत नचुगु धू थें जुइ। अले दया मदुपिंनिगु पुचः याकनं फसं पुइके यंकेगु छ्वसँ थें जुइ। छक्‍वलं, अले मतिइ मतःगु इलय्!

यशैया 30:13

अथे जुयाः थ्‍व पाप छिमिगु निंतिं कुतुं वयेत्‍यंगु छगू तःधंगु पःखाः थें जुइ, गुगु पलखं हे दुनी।

यशैया 37:29

छंगु तं व घमण्‍डया बारे जिं न्‍यनागु दु। अथे जुयाः जिं छंगु न्‍हासय् काकःचा व छंगु म्‍हुतुइ लगाम तयाबी। छ गुगु लँ जुयाः वःगु खः व हे लं जिं छन्‍त लित छ्वयाबी।

यशैया 37:7

बांलाक न्‍यँ, जिं वयागु बिचाःयात हीकाबी, गुकें यानाः व छुं खबर न्‍यनाः थःगु हे देशय् लिहांवनी। अन जिं वयात तरवारं पालाः स्‍याके बी।’”

यशैया 41:22

अय् मूर्तित, लिपा छु जुइतिनि जिमित धा, छिमिगु न्‍हापा जुइ धुंकूगु खँ जिमित धा। गुकिं यानाः जिमिसं बिचाः यानाः उपिं पूरा जुल कि मजू धकाः सीके फइ। अले उकिया लिपांगु लिच्‍वः छु जुइ धकाः जिमिसं सीके फइ। वा छु जुइत्‍यंगु खः व खँ जिमित धयाब्‍यु।

यशैया 41:27

सियोनयात दकलय् न्‍हापा ‘स्‍व, थन छु जुइतिनि’ धकाः धयाम्‍ह जि हे खः। यरूशलेमयात भिंगु खँ न्‍यंकेत छम्‍ह दूत छ्वयाम्‍ह जि हे खः।

यशैया 42:9

स्‍व, न्‍हापायागु खँ ला जुइ धुंकल, आः न्‍हूगु खँ जिं कने। व जुइ न्‍ह्यः हे उकिया बारे जिं छिमित घोषणा याये।”

यशैया 43:9

फुक्‍क जात जातित छथाय् मुं, संसारया फुक्‍क मनूत छथाय् मुं। इमि द्यःत मध्‍ये सुनां जिमित लिपा जुइगु खँ धाये फइ, अले जुइगु खँ न्‍हापा हे घोषणा याये फइ? इपिं पाय्‌छि ठहरय् जुइत थथःगु साक्षी हयेमाः, अले मेपिन्‍सं न्‍यनाः थथे धायेमा, “व सत्‍य खः।”

यशैया 45:21

आः जूवइतिनिगु खँया बारे धा। छिपिं थःथवय् सल्‍लाह या। थ्‍व खँ यक्‍व दँ न्‍ह्यः सुनां धयाबिल? न्‍हापांनिसें सुनां धयाबिल? छु जि परमप्रभुं हे मखु ला? जि बाहेक मेपिं सुं परमेश्‍वर मदु। छम्‍ह धर्मी व मुक्ति बीम्‍ह परमेश्‍वर, जि बाहेक मेपिं सुं नं मदु।

यहोशू 21:45

इस्राएलयापिं मनूतय्‌त बियादीगु छगू छगू बचं परमप्रभुं पूवंकादिल।