यशैया 48:18 - नेवाः बाइबल

¹⁸ छं जिगु आज्ञात बांलाक मानय् जक याःगु जूसां छंके शान्‍ति खुसि थें अले छंके धार्मिकता समुद्रया लबुत थें वइगु।

यशैया 48:18 ပူးပေါင်းရင်းမြစ်များ

भजनसंग्रहया सफू 119:165

छिगु स्‍यनातःगु खँयात माया याइपिन्‍त तःधंगु शान्‍ति दइ, इमित लुफिं हाइगु छुं कारण दइ मखु।

भजनसंग्रहया सफू 36:8

छिं इमित गाक्‍क नकेबियाच्‍वनादीगु दु। छिं थःगु लसताया खुसिं इमित लः त्‍वंकेबियाच्‍वंगु दु।

यशैया 33:21

अन परमप्रभु झी दक्‍व शक्ति दुम्‍ह च्‍वनादी। व ततःधंगु खुसित व खुसितय्‌गु थाय् जुइ। चतंनं चले याइगु लःजहाज अन चले याइ मखु। ततःधंगु जहाज नं अन यंकी मखु।

यशैया 42:24

सुनां याकूबयात लुतय्‌ याकेत अले इस्राएलयात लुतय् याइपिनिगु ल्‍हातय् तयाबिल? वय्‌कः व हे परमप्रभु खः सुया विरोधय् झीसं पाप यानागु खः। वय्‌कःया इच्‍छा कथं मनूतय्‌सं थःगु जीवन हनेगु इच्‍छा मयाः। वय्‌कलं बियादीगु नियम मानय् मयाः।

यशैया 45:8

“हे च्‍वय्‌यागु आकाश, जिगु धार्मिकताया वा वय्‌कि। सुपाचं उकियात क्‍वफाना हयेमा। पृथ्‍वी चक्‍कनेमा, अले उद्धार व धार्मिकतानापं ब्‍वलनेमा। जि, परमप्रभुं हे थ्‍व सृष्‍टि यानागु खः।

यशैया 54:13

छिमि सकलें काय्‌पिन्‍त परमप्रभुं हे स्‍यनेगु याइ, अले छिमि काय् म्‍ह्याय्‌पिन्‍त सुख शान्‍ति दइ।

यशैया 61:10

जि परमप्रभुया कारणं तसकं लय्‌ताये। जिगु प्राणं जिमि परमेश्‍वरयाके लय्‌ताइ। छाय्‌धाःसा वय्‌कलं जितः उद्धारया वसः पुंकादीगु दु, अले वय्‌कलं जितः धार्मिकताया वसतं त्‍वपुयादीगु दु। गथे ब्‍याहा याइम्‍ह मिजंनं थःगु छेनय् पुजाहारीं थें समाः याइ अले भम्‍चां थःत तसकं मू मू वंगु तिसां समाः याइ।

यशैया 61:11

गथे बुँइ माचात बुया वइ, अले क्‍यबय् पुसात बुया वइ, अथे हे परमप्रभु परमेश्‍वरं धार्मिकता व प्रशंसा फुक्‍क जातितय् न्‍ह्यःने हयादी।

यशैया 62:1

यरूशलेमया धार्मिकता सुथ न्‍हापांया जः थें खनेमदुतले, अले वयागु मुक्ति च्‍यानाच्‍वंगु मिप्‍वाःया जः थें खनेमदुतले, सियोनया निंतिं जि सुम्‍क च्‍वने मखु। यरूशलेमया निंतिं जि सुम्‍क च्‍वने मखु।

यशैया 66:12

परमप्रभुं थथे धयादी, “जिं शान्‍तियात खुसि थें अले जाति-जातितय्‌गु सम्‍पत्ति खुसिबाः थें यरूशलेमपाखे न्‍ह्याकाबी। छिमिसं दुरु त्‍वनेखनी अले छिमित ब्‍वहलय् क्‍वबियायंकी, अले मुलय् म्‍हितकीगु याइ।

होशे 10:12

थःगु निंतिं धार्मिकताया पुसात प्‍यु, न्‍ह्याबलें दयाच्‍वनीगु दयामायाया फल मुंकी। छिमिसं बाझः तयातःगु छाःगु बुँ पा, छाय्‌धाःसा परमप्रभुयात मालेगु ई थ्‍व हे खः, गुकिं यानाः वय्‌कः झायाः छिमित धार्मिकताया आशिष प्‍वंकादीमा।

आमोस 5:24

तर न्‍याय धाःसा खुसि थें अले धार्मिकता गुब्‍सं मसुइगु खुसि थें न्‍ह्याना च्‍वनेमा।

मत्ती 23:37

“हे यरूशलेमय् च्‍वंपिं मनूत, छिमिसं अगमवक्तातय्‌त स्‍याना छ्वल, अले परमेश्‍वरं छ्वयाहयादीपिं दूततय्‌त ल्‍वहँतं कय्‌का छ्वल। जिं छिमित माखां थः खाचातय्‌त त्‍वपुया तः थें गुलि बचय् यायेत स्‍वये धुन। अय्‌नं छिपिं मानय् मजू।

रोमी 14:17

परमेश्‍वरयागु राज्‍य नयेगु व त्‍वनेगु जक मखु, बरु पवित्र आत्‍मां बियादीगु धार्मिकता, शान्‍ति व आनन्‍द खः।

व्‍यवस्‍था 32:29

इपिं बुद्धि दुपिं जूगु जूसा थ्‍व खँ थुइके फइगु खः। थःपिन्‍त छु जुइ धकाः इमिसं सीकेफइगु खः।

व्‍यवस्‍था 5:29

जिगु भय काइगु व न्‍ह्याबलें जिगु आज्ञा मानय् याइगु इमिगु मन जूगु जूसा इपिं व इमि सन्‍तानतय्‌गु न्‍ह्याबलें भिं जुइ।