यशैया 48:16 - नेवाः बाइबल

¹⁶ “जिगु न्‍ह्यःने वा, अले छिमिसं थ्‍व खँ न्‍यँ! “जिं न्‍हापा घोषणा यानाबलय् निसें हे सुं मदुथाय् थ्‍व खँ धयागु मदु। थ्‍व ज्‍याखँ जूबलय् जि अन हे दु।” आः परमप्रभु परमेश्‍वरं जितः वय्‌कःया आत्‍मानापं छ्वयाहयादीगु दु।

यशैया 48:16 ပူးပေါင်းရင်းမြစ်များ

यशैया 34:1

हे जात-जातियापिं मनूत, जिगु न्‍ह्यःने वा अले बांलाक न्‍यँ। हे मनूत, ध्‍यान ब्‍यु! पृथ्‍वी व अन च्‍वंपिं फुक्‍कसिनं तायेमा। संसार व उकी दयावःगु फुक्‍कसिनं तायेमा।

यशैया 41:1

“हे टापुत, जिगु न्‍ह्यःने सुम्‍क च्‍वँ! जात जातितय्‌सं न्‍हूगु बल कायेमा! इपिं न्‍ह्यःने वयाः खँ ल्‍हाः वयेमा! झीपिं न्‍याय याइगु थासय् मुंवनेनु।

यशैया 43:13

जि हे परमेश्‍वर खः अले सदां दयाच्‍वनी। जिगु ल्‍हातं सुनानं छिमित छुतय् याये फइ मखु। जिं ज्‍या यायेबलय् सुनां उकियात हीके फइ?”

यशैया 45:19

जिं खिउँगु देशय् सुनां मसीक न्‍वमवाना, ‘जिं छन्‍त मफतय् माला’ धकाः याकूबया सन्‍तानयात मधया। जि परमप्रभुं सत्‍य नवाये, जिं पाय्‌छिगु खँ घोषणा याये।”

यशैया 57:3

“हे झाँक्रीतय्‌गु लँय् वनीपिं व व्‍यभिचारीत व वेश्‍यात थें ज्‍या याइपिं, थन वा!

लूका 4:18

“मगाःमचाःपिन्‍त भिंगु खँ न्‍यंकेत परमप्रभुं जितः ल्‍ययादीगुलिं परमप्रभुयागु आत्‍मा जिके च्‍वनादीगु दु। परमप्रभुं चिना तःपिन्‍त त्‍वःताबीत, कांपिन्‍त मिखां खंका बीत, अले न्‍हुत्तुन्‍हुया तःपिन्‍त थना बीत,

यूहन्‍ना 18:20

वय्‌कलं लिसः बियादिल – “संसारया न्‍ह्यःने जिं धयागु दु, जिं न्‍ह्याबलें धर्मशास्‍त्र स्‍यनीगु थाय् थासय् व देगलय् च्‍वनाः स्‍यनेकने यानागु दु। जिं सुयातं गुप्‍त खँ ल्‍हाः मजुया।

यूहन्‍ना 3:34

परमेश्‍वरं छ्वया हःम्‍हय्‌सिनं हे जक परमेश्‍वरयागु वचन नवाइ, छाय्‌धाःसा वय्‌कःयात पवित्र आत्‍मां जाय्‌कादीगु दु।