यशैया 48:14 - नेवाः बाइबल

¹⁴ “छिपिं फुक्‍क छथाय् मूं वयाः न्‍यँ, द्यःत मध्‍ये सुनां थुपिं खँ न्‍हापा हे कंगु दु? परमप्रभुं ल्‍ययातःम्‍हं हे बेबिलोनया विरोधय् वय्‌कःया इच्‍छा पूवंकी, अले वय्‌कःया बल्‍लाःगु ल्‍हाः बेबिलोनीतय् विरोधय् ल्‍ह्वनी।

यशैया 48:14 ပူးပေါင်းရင်းမြစ်များ

उत्‍पत्ति 49:1

याकूबं थःकाय्‌पिं फुक्‍कसित सःताः धाल, “छिपिं फुक्‍क थन वा, छिमित लिपा छु छु जुइतिनि धकाः जिं छिमित धाये।

उत्‍पत्ति 49:2

“सकसिनं न्‍यँ, याकूबया काय्‌पिं छिमि बाः इस्राएलं धाःगु खँ न्‍यँ।

यशैया 13:19

बेबिलोन छगू तसकं बांलाःगु राज्‍य खः। अन च्‍वंपिं मनूतय्‌सं उकी हे गर्व याइ। तर परमेश्‍वरं सदोम व गमोरायात थें उकियात नाश यानादी।

यशैया 21:9

स्‍वयादिसँ! सलया पुचः दुगु रथय् छम्‍ह मनू वयाच्‍वंगु दु। अले वं लिसः बियाः थथे धाइ, ‘बेबिलोन स्‍यने धुंकूगु दु, उकिया कतां कियाः दय्‌कातःगु मूर्तित कुचा कुचा जुयाः बँय् कुतुं वयाच्‍वंगु दु।’”

यशैया 41:22

अय् मूर्तित, लिपा छु जुइतिनि जिमित धा, छिमिगु न्‍हापा जुइ धुंकूगु खँ जिमित धा। गुकिं यानाः जिमिसं बिचाः यानाः उपिं पूरा जुल कि मजू धकाः सीके फइ। अले उकिया लिपांगु लिच्‍वः छु जुइ धकाः जिमिसं सीके फइ। वा छु जुइत्‍यंगु खः व खँ जिमित धयाब्‍यु।

यशैया 43:9

फुक्‍क जात जातित छथाय् मुं, संसारया फुक्‍क मनूत छथाय् मुं। इमि द्यःत मध्‍ये सुनां जिमित लिपा जुइगु खँ धाये फइ, अले जुइगु खँ न्‍हापा हे घोषणा याये फइ? इपिं पाय्‌छि ठहरय् जुइत थथःगु साक्षी हयेमाः, अले मेपिन्‍सं न्‍यनाः थथे धायेमा, “व सत्‍य खः।”

यशैया 44:28

गुम्‍हय्‌सिनं कोरेसया बारे धाइ, ‘व जिमि जवाः खः, अले जिगु फुक्‍क इच्‍छा वं पूवंकी। यरूशलेमया बारे वं धाइ, “व हाकनं दय्‌केमा,” अले देगःया बारे, “थुकियात हाकनं दय्‌की।”’

यशैया 44:7

जि थें ज्‍याःम्‍ह सु दु? वं थ्‍व घोषणा यायेमा। जिं यक्‍व न्‍हापा थः प्रजायात थापं यानाबलय् निसें छु जूगु खः वं जितः ध्‍वाथुइक कनेमा। अले इमित छु जुइ वं न्‍हापा हे धायेमा।

यशैया 45:13

कोरेसयात जिगु धार्मिकताया निंतिं थनागु दु। जिं वयागु फुक्‍क लँपु तप्‍यंकाबी। वं जिगु शहर हाकनं दय्‌की, अले ज्‍वनायंकूपिं फुक्‍कसित छुत्‍कारा यानाबी। धिबा वा छुं कोसेलि मकासें हे थथे याइ।” दक्‍व शक्ति दुम्‍ह परमप्रभुं धयादी।

यर्मिया 50:44

स्‍व! यर्दनया झालं यक्‍व घाँय्‌ख्‍यः दुगु थासय् सिंह वः थें, जिं बेबिलोनयात पलखं हे वयागु देशं लिनाछ्वये। अले सुयात जिं ल्‍यये वयात हे जिं तये। छाय्‌धाःसा जि थें जाःम्‍ह सु दु? सुनां जितः चुनौती बी फु? जिगु न्‍ह्यःने दनाच्‍वने फुम्‍ह सु फैजवाः दु?”

मर्कूस 10:21

थ्‍व न्‍यनाः वय्‌कःयात व खनाः माया वन, अले थथे धयादिल – “अझ नं छं छता याये मानि, थःके दुगु फुक्‍कं मियाः नये मखंपिन्‍त इनाब्‍यु। अले छन्‍त स्‍वर्गय् धनसम्‍पत्ति दइ। थुलि याये धुंकाः जि नाप वा।”