यशैया 48:13 - नेवाः बाइबल

¹³ जिं थःगु हे ल्‍हातं पृथ्‍वीया जग स्‍वनागु दु, जिगु जव ल्‍हातं आकाशयात चक्‍कंकागु दु। गुबलय् जिं इमित सःते अले इपिं फुक्‍क छथाय् मुं वइ।

यशैया 48:13 ပူးပေါင်းရင်းမြစ်များ

अय्‍यूब 37:18

छु छिं आकाशयात वय्‌कलं थें न्‍यंकाः दय्‌कूगु धातुया न्‍हाय्‌कं थें छाके फु ला?

भजनसंग्रहया सफू 102:25

दकलय् न्‍हापां छिं पृथ्‍वी सृष्‍टि यानादिल, अले थःगु हे ल्‍हातं आकाश दय्‌कादिल।

भजनसंग्रहया सफू 147:4

वय्‌कलं नगुतय्‌गु ल्‍याः क्‍वःछिनादी, अले फुक्‍कसिगु नां तयादी।

प्रस्‍थान 20:11

खुन्‍हु तक परमप्रभुं आकाश व पृथ्‍वी, समुद्र व उकी दुगु फुक्‍कं दय्‌कादिल। अले न्‍हय्‌न्‍हु खुन्‍हु आराम कयादिल। उकिं परमप्रभुं विश्रामबारयात आशिष बियाः उकियात पवित्र यानादिल।

यशैया 40:12

सुनां समुद्रयात थःगु ल्‍हातं ज्‍वनाः तये फइ? सुनां आकाशयात ल्‍हातं नापय् याये फइ? सुनां पृथ्‍वीया चा दालाय् तःगु दु वा डाँडा व पर्वतयात पाय्‌छिकथं ताल्‍जुइ लने फु?

यशैया 40:21

छु छं छुं नं मस्‍यू ला? छु छन्‍त न्‍हापा हे धाःगु मखु ला? पृथ्‍वी गुकथं शुरु जुल, छु छं न्‍यनागु मदु ला?

यशैया 40:22

वय्‌कः पृथ्‍वी च्‍वय् आकाश स्‍वयाः नं च्‍वय् थःगु सिंहासनय् च्‍वनादीम्‍हय्‌सिनं व दय्‌कादीगु खः, क्‍वय् पृथ्‍वीइ मनूत बुइँचा थें जक खः। वय्‌कलं आकाशयात इलां थें चक्‍कंकादीगु दु, अले अन बाय् च्‍वनेत पाल थें चक्‍कंकादीगु दु।

यशैया 40:26

च्‍वय् आकाशय् मिखा ब्‍वयाः स्‍व, अनयागु फुक्‍क नगुत सुनां दय्‌कूगु खः? वय्‌कलं हे मखु ला? वय्‌कलं उपिं फुक्‍क नगु व नक्षत्रतय्‌त नां कयाः सःतादी, वय्‌कःया तःधंगु शक्तिया कारणं उपिं छगू नं तनावनी मखु।

यशैया 42:5

परमप्रभु परमेश्‍वरं आकाश दय्‌काः उकियात चकंकादिल, अले पृथ्‍वी व उकी दुगु फुक्‍कयात न्‍यनावंकादिल, अले वय्‌कलं अन दुपिं मनूतय्‌त सासः व थुखे उखे जुइपिन्‍त जीवन बियादी। परमप्रभु परमेश्‍वरं थथे धयादी –

यशैया 44:24

“परमप्रभुं थथे धयादी, छन्‍त उद्धार यानादीम्‍ह अले छन्‍त गर्भय् दय्‌कादीम्‍ह, “जि हे परमप्रभु खः, गुम्‍हय्‌सिनं फुक्‍कं दय्‌कादिल, गुम्‍हय्‌सिनं याकःचां हे आकाशयात चकंकादिल, गुम्‍हय्‌सिनं थम्‍हं हे पृथ्‍वीयात न्‍यनावंकादिल,

यशैया 45:12

पृथ्‍वी जिं हे दय्‌काःगु खः, अले उकी दुपिं मनूत नं जिं हे सृष्‍टि यानागु खः। जिगु हे ल्‍हाःया ज्‍यां आकाशयात चक्‍कंकागु खः। अले उकी दुगु नक्षत्र व नगुत पाय्‌छिकथं मिलय् यानातयागु दु।

यशैया 45:18

परमप्रभुं स्‍वर्ग सृष्‍टि यानादिल। वय्‌कः हे परमेश्‍वर खः। वय्‌कलं पृथ्‍वीयात बां लुइकादिल, वय्‌कलं उकियात थापं यानादिल। वय्‌कलं पृथ्‍वीयात झिजांमिजां जुइत सृष्‍टि यानादीगु मखु, तर मनूत च्‍वनेत दय्‌कादीगु खः। वय्‌कलं थथे धयादी, “जि हे परमप्रभु खः, जि बाहेक मेपिं सुं नं द्यः मदु।

यशैया 51:13

आकाशयात चकंकादीम्‍ह पृथ्‍वीया जग तयादीम्‍ह थः सृष्‍टिकर्तायात छाय् ल्‍वःमंकागु? छन्‍त नाश यायेत सनीपिं खनाः अले मभिंगु ज्‍या याइपिनिगु तंया कारणं छाय् छ थःगु जीवनय् भय कयाः म्‍वानाच्‍वनागु? अत्‍याचारीया तं गन वन?

यर्मिया 51:15

“परमप्रभुं पृथ्‍वीयात थःगु बलं दय्‌कादिल। वय्‌कलं थःगु बुद्धिं संसारयात थापं यानादिल। थःगु दुग्‍यानं वय्‌कलं आकाशयात चक्‍कंकादिल।

रोमी 4:17

थ्‍व हे खँ थथे च्‍वयातःगु दु – “जिं छन्‍त यक्‍व जात जातिया अबु याये धुन।” अब्राहामं विश्‍वास यानाच्‍वंम्‍ह परमेश्‍वरं व झी अबु धकाः स्‍यू। परमेश्‍वरं सीम्‍हय्‌सित हानं म्‍वाके फु, अले द हे मदुगु चिज नं दय्‌कादी फु।