यशैया 48:1 - नेवाः बाइबल

¹ “हे याकूबया घराना न्‍यँ! छिमित इस्राएलया नामं सःतूगु खः। अले छिपिं यहूदाया वंशपाखें वःगु खः। छिमिसं परमप्रभुया नामं पाफःगु दु, अले छिमिसं इस्राएलया परमेश्‍वरया नामं प्रार्थना याइ, तर सत्‍यता व धार्मिकतां मखु।

यशैया 48:1 ပူးပေါင်းရင်းမြစ်များ

उत्‍पत्ति 32:28

व मनुखं धाल, “आवंलि छंगु नां याकूब मखु, इस्राएल जुल। छाय्‌धाःसा छं परमेश्‍वर व मनूतलिसे कुश्‍ती ल्‍वानाः त्‍याकल।”

उत्‍पत्ति 35:10

परमेश्‍वरं वयात धयादिल, “छंगु नां याकूब खः। आः थनिंनिसें छंगु नां याकूब मखु, इस्राएल जुइ।” थुकथं वय्‌कलं वयागु नां इस्राएल तयादिल।

२ राजा 17:34

इमिसं थौं तक नं थःगु पुलांगु थितिकुति यानाच्‍वंगु दु। इमिसं न परमप्रभुयात आराधना यात, न इमिसं वय्‌कलं इस्राएल नां बियादीम्‍ह याकूबया सन्‍तानयात बियादीगु आज्ञा, नियम व विधि मानय् यात।

२ राजा 5:20

परमेश्‍वरया मनू एलीशाया च्‍यः गेहजीं मनमनं धाल, “जिमि मालिकं थ्‍व अरामी नामानयात वं हःगु छुं मकासें याउँक छ्वल, धात्‍थें परमप्रभु म्‍वाःम्‍ह खः थें, जिं नामानया ल्‍युने ब्‍वाँय् वनाः वयाके छुं कयाः हये।”

भजनसंग्रहया सफू 63:11

जुजु परमेश्‍वरलिसे लय्‌तायाच्‍वनी। वय्‌कःयात विश्‍वास याइपिन्‍सं वय्‌कःयात तःधंकी। मखुगु खँ ल्‍हानाजुइपिनिगु म्‍हुतुप्‍वाः धाःसा ति।

भजनसंग्रहया सफू 66:3

परमेश्‍वरयात धा, “छिं यानादीगु ज्‍या गपाय्‌सकं अजू चायापु। छिगु शक्ति नं थुलि तःधं, शत्रुत छिगु न्‍ह्यःने ग्‍यानाः कय्‌कुनी।

भजनसंग्रहया सफू 68:26

परमेश्‍वरयात वय्‌कःया मनूतय्‌गु सभाय् तःधंकि। याकूबया सन्‍तान फुक्‍कसिनं परमप्रभुयात तःधंकि।

भजनसंग्रहया सफू 68:27

दक्‍वसिबय् न्‍हापां दक्‍वसिबय् चिधंगु बेन्‍यामीन कुलयापिं मनूत, अनंलि यहूदा कुलया न्‍ह्यलुवाःत व इमिगु पुचः, वयां ल्‍यू जबूलून व नप्‍ताली कुलया न्‍ह्यलुवाःत।

प्रस्‍थान 23:13

“जिं धयागु फुक्‍क खँ बांलाक न्‍यँ। मेपिं द्यःतय्‌गु पुजा याये मते। इमिगु नां तक नं काये मते।

हितोपदेश 5:16

थःगु तुंया लः पिने लँय् छाय् बाः वंकेबीगु।

यशैया 26:13

हे परमप्रभु जिमि परमेश्‍वर, मेपिन्‍सं जिमित राज्‍य याःगु दु, तर छिगु नांयात जक जिमिसं हनाबना तये।

यशैया 44:5

छम्‍हय्‌सिनं धाइ, ‘जि परमप्रभुयाम्‍ह खः’। मेम्‍हय्‌सिनं जि याकूबया सन्‍तान खः धकाः धाइ, मेपिन्‍सं थःगु ल्‍हातय् ‘परमप्रभुया’ धकाः च्‍वइ, अले हानं मेम्‍हय्‌सिनं धाइ व छम्‍ह इस्राएली खः।”

यशैया 45:23

जिं थःगु हे नामं पाफयागु दु, जि विश्‍वास याये बहःम्‍ह जुयाः जिगु म्‍हुतुं छगू वचन घोषणा यानागु दु, गुगु जिं हाकनं लित काये मखु। फुक्‍क मनूतय्‌सं जिगु न्‍ह्यःने पुलिं चुइ। अले फुक्‍कसिनं जिगु भक्ति याये धकाः पा फइ।

यशैया 46:12

हे छाःगु नुगः दुपिं व धार्मिकतापाखें तापाःपिं, जिगु खँयात न्‍यँ!

यशैया 51:1

“हे धार्मिकताया ल्‍यूल्‍यू जुइपिं व परमप्रभुयात मालीपिं, जिगु खँ न्‍यँ, गुगु ल्‍वहंपाखें छिमित दय्‌कल अले गुगु ल्‍वहं चानाः छिमित लिकागु खः, उकियात स्‍व।

यशैया 51:2

छिमि पुर्खा अब्राहाम व छिमिगु फुक्‍क जातियात बुइकूम्‍ह सारायात स्‍व। जिं सःताबलय् अब्राहाम छम्‍ह जक दु, अले जिं वयात आशिष बियाः वयात यक्‍व दय्‌काबिया।

यशैया 58:2

छाय्‌धाःसा न्‍हियान्‍हिथं इमिसं जितः माली। अले इपिं जिगु लँ सीकेमास्‍ति वःपिं थें खने दु, अले इपिं छु पाय्‌छि जू व हे याइपिं व जिगु आज्ञा मानय् याइपिं थें खने दु। इमिसं जिके खःकथं क्‍वछीगु फ्‍वनाच्‍वनी, अले परमेश्‍वर इमिगु न्‍ह्यःने वयेमा धकाः इच्‍छा यानाच्‍वनी।

यशैया 62:8

परमप्रभुं थःगु जव ल्‍हातं अले थःगु दक्‍वसिबय् बल्‍लाःगु ल्‍हातं पाफयादीगु दु, “जिं हाकनं गुबलें छंगु अन्‍न छिमि शत्रुतय्‌त नयेत बिइ मखु। अले छं गुगु न्‍हूगु दाखमद्यया निंतिं ज्‍या याःगु दु, व परदेशीतय्‌सं गुबलें त्‍वने दइ मखु।

यशैया 64:6

जिपिं सकलें अशुद्ध मनूत थें जूगु दु, अले झीगु फुक्‍क धर्मया ज्‍या भ्‍वाथःगु कापः थें खः। जिपिं फुक्‍कं सिमाहः थें गनावनी अले जिमिगु पापं जिमित फसं थें पुइकायंकी।

यशैया 65:16

सुनां थ्‍व देशय् सुवाःयात फ्‍वनी, वं धात्‍थें परमेश्‍वरया नामं थथे याइ, थ्‍व देशय् पाफइपिन्‍सं परमेश्‍वरया नामय् हे पा फइ, छाय्‌धाःसा न्‍हापा न्‍हापाया दुःखत ल्‍वमने धुंकी, अले उपिं जिगु न्‍ह्यःनं सुपिकातःगु जुइ।

यर्मिया 4:2

छिमिसं सत्‍य, न्‍याय व खःकथं ‘धात्‍थें परमप्रभु म्‍वाःम्‍ह खः’ धया पाफल धाःसा वय्‌कःपाखें जाति जातितय्‌त आशिष दइ। अले इमिसं वय्‌कःयात तःधंकी।”

यर्मिया 44:26

तर हे मिश्र देशयापिं सकलें यहूदाया मनूत, परमप्रभुया वचन न्‍यँ! परमप्रभुं धयादी, ‘जिगु तःधंगु नामय् जिं पाफयाच्‍वनागु दु कि मिश्र देशय् च्‍वनाच्‍वंपिं सुं नं यहूदाया मनूतय्‌सं नं “गथे परमप्रभु धात्‍थें म्‍वाःम्‍ह खः” धकाः आवंलि गुबलें जिगु नामं पा फइ मखु वा जिगु नां काइ मखु।

यर्मिया 5:2

अनच्‍वंपिं मनूतय्‌सं ‘धात्‍थें परमप्रभु म्‍वाःम्‍ह खः’ धया पाफःसां इमिसं मखुगु खँ ल्‍हानाच्‍वंगु दु।”

लेवी 19:12

“‘जिगु नां कयाः मखुगु पाफयाः थः परमेश्‍वरया नां क्‍वह्यंके मते। जि परमप्रभु छिमि परमेश्‍वर खः।

मीका 2:7

हे याकूबया घराना, थथे धायेमाःगु खः ला? “परमप्रभुया आत्‍मा तंचायादीगु दु ला? वय्‌कलं थज्‍याःगु ज्‍या यानादी ला?” “तप्‍यंगु लँपुइ जुइपिन्‍त छु जिगु वचनं भिं मयाइ ला?

सपन्‍याह 1:5

छेँयागु कःसि च्‍वनाः नगुत पुज्‍याइपिन्‍त, क्‍वछुनाः परमप्रभुया नामं पाफया नं मोलोखया नामं नं पाफइपिन्‍त,

जकरिया 5:3

अले वं जितः धाल, “देशया दक्‍व थासय् लाये त्‍यंगु सराःया बारे उकी च्‍वयातःगु दु। उकिया छखेपाखे फुक्‍क खुँतय्‌त देशं पितिनाछ्वइ धकाः च्‍वयातःगु दु। अले मेखेपाखे मखुगु पाफइपिन्‍त नं पितिनाछ्वइ धकाः च्‍वयातःगु दु।

मलाकी 3:5

दक्‍व शक्ति दुम्‍ह परमप्रभुं धयादी, “अबलय् जि न्‍याय यायेत छिमिथाय् वये। अले तन्‍त्रमन्‍त्र याइपिं, व्‍यभिचारीत, मखुगु साक्षी बीपिं, ज्‍यामितय्‌त ज्‍यालाय् स्‍याइपिं अले भाःत मदुपिं मिस्‍त, मां-बौ मदुपिं मस्‍तय्‌त क्‍वत्‍यलातःपिं, परदेशीतय्‌गु न्‍याय लाका काइपिं, जि खनाः मग्‍याइपिं थुपिं सकसिगु विरोधय् जिं हथासं साक्षी बी।”

गन्‍ती 24:7

इमिगु घलं लः भय्‌बियावइ, इमिसं प्‍यूगु पुसायात माक्‍व लः दइ। इमि जुजु अगाग स्‍वयाः नं तःधं जुइ, इमिगु राज्‍य अज्‍ज तःधनावनी।

मत्ती 23:13

“शास्‍त्रीत व फरिसीत, छिमित धिक्‍कार दु। छिपिं निपाः ख्‍वाःपाः दुपिं खः, छाय्‌धाःसा छिमिसं मनूतय्‌त दुहां वने हे मफय्‌क स्‍वर्गया राज्‍ययागु लुखा तिनाब्‍यूगु दु। छिपिं न थःपिं हे दुहां वनी, न दुहां वनीपिन्‍त हे दुछ्वइ।

यूहन्‍ना 1:47

नथानेलयात थःथाय् वयाच्‍वंगु खनाः येशूं वयात धयादिल – “छ ला छम्‍ह तसकं स्‍वजाम्‍ह इस्राएली खः।”

यूहन्‍ना 4:24

परमेश्‍वर आत्‍मा जुयादीगुलिं वय्‌कःयात आराधना याइपिन्‍सं सत्‍य व आत्‍मां आराधना यायेमाः।”

रोमी 2:17

छिमिसं “जिपिं यहूदी खः” धकाः व्‍यवस्‍थाया भलसाय् च्‍वनाः “परमेश्‍वरयात म्‍हस्‍यू” धकाः धक्‍कु त्‍वःता जुल।

रोमी 9:6

यहूदी जातयापिन्‍सं थौं तकं ख्रीष्‍टयात विश्‍वास मयाःसां परमेश्‍वरं बाचा चिनाः धयादीगु वचन सितिं वंगु जुइ मखु। छाय्‌धाःसा यहूदी जातय् बूपिं सकलें परमेश्‍वरया मनूत मखु।

रोमी 9:8

अय्‌जूगुलिं अब्राहामया इच्‍छां दुपिं सन्‍तान जुइवं परमेश्‍वरया सन्‍तान जुइ मखु। बचंया सन्‍तान जक परमेश्‍वरया सन्‍तान खः।

व्‍यवस्‍था 10:20

थः परमप्रभु परमेश्‍वरया ग्‍याःभय का अले वय्‌कःया सेवा या। वय्‌कः नाप नापं जु, अले वय्‌कःया नामय् जक पाफयेगु या।

व्‍यवस्‍था 33:28

अले इस्राएलीत याउँक च्‍वनाच्‍वनी, अन्‍न व न्‍हूगु दाखमद्यया देशय् आकाशं सुति लः कुतुं वइगु थासय् याकूबया सन्‍तान जक दयाच्‍वनी।

व्‍यवस्‍था 5:28

छिमिसं जितः धाःगु थ्‍व खँ परमप्रभुं ताल, अले वय्‌कलं जितः धयादिल, “मनूतय्‌सं छन्‍त छु खँ धाःगु खः व जिं ताः। इमिसं छु छु धाल व पाय्‌छि जू।

व्‍यवस्‍था 6:13

छिमिसं परमप्रभु छिमि परमेश्‍वरयागु ग्‍याःभय का, वय्‌कःयागु जक सेवा या अले वय्‌कःया हे नामय् पाफयेगु या।

१ तिमोथी 4:2

धर्मयागु ख्‍वाःपालं पुयाः मखुगु खँ ल्‍हाना जुइपिन्‍सं थथे याना जुइ। थुमिगु मतिइ मिइ छुयातःगु नँयागु नालुं पुकातये धुंकल।

प्रकाश 2:9

“छिमिसं कष्‍ट फयाच्‍वंगु व चीमि जुयाच्‍वंगु जिं स्‍यू। अय्‌नं छिपिं ला तःमि खः। यहूदी मखुसां यहूदी खः धकाः धया जुइपिन्‍सं छिमित मभिंका जूगु नं जिं स्‍यू। इपिं शैतान नाप मिलय् जूपिं खः।

प्रकाश 3:9

स्‍व, यहूदीत मखुसां यहूदीत खः धकाः मखुगु खँ ल्‍हानाजुइपिं शैतानयागु बाखं कनीगु छेँय् मुनिपिन्‍त जिं यायेगु स्‍यू। स्‍व, जिं इमित छिमिथाय् छ्वयाहयाः छिमिगु तुति भागि याकेहये। अले जक जिं माया याना तयापिं मनूत छिपिं हे खः धकाः इमिसं सीकी।