यशैया 47:6 - नेवाः बाइबल

⁶ जि जिमि प्रजा खनाः तंम्‍वयागु खः, अले जिं थः हे मनूयात अशुद्ध ठहरे याना। जिं इमित छंगु ल्‍हातय् बिया, तर छं इमित दयामाया मयात। बुरातय्‌त नं छं थःगु झ्‍यातुगु ककुसिँ क्‍वबिकल।

यशैया 47:6 ပူးပေါင်းရင်းမြစ်များ

२ शमूएल 24:14

दाऊदं गादयात लिसः बिल, “जि तसकं आपतय् लाःगु दु। जितः परमप्रभुया ल्‍हातय् हे लाके ब्‍यु। छाय्‌धाःसा वय्‌कः तसकं दयादुम्‍ह खः। तर जि मनूतय्‌गु ल्‍हातय् लाये म्‍वाःलेमा।”

२ इतिहास 10:11

जिमि अबुं छिमित झ्‍यातुगु जुवा क्‍वबिकादीगु खः, तर जिं उगु जुवायात झन झ्‍यातुइकाबी। जिमि अबुं छिमित कोर्रां दाय्‌कादीगु खः, तर जिं छिमित बिच्‍छितय्‌सं न्‍याकाबी।”

२ इतिहास 28:9

तर अन ओदेद धाःम्‍ह परमप्रभुया छम्‍ह अगमवक्ता दु। सिपाइँत सामरियाय् लिहां वयाच्‍वंबलय् व इमित नापलाः वन। वं इमित धाल, “परमप्रभु छिमि पुर्खातय् परमेश्‍वर यहूदा खनाः तंचायादीगुलिं वय्‌कलं इमित छिमिगु ल्‍हातय् बियादिल। तर छिमिसं तसकं तंम्‍वयाः इमित स्‍याःगु खँ स्‍वर्गय् तक थ्‍यंगु दु।

२ इतिहास 36:17

अथे जुयाः परमप्रभुं इमित हमला यायेत बेबिलोनयाम्‍ह जुजुयात हयादिल। व जुजुं यहूदाया ल्‍याय्‌म्‍हपिं मिजंतय्‌त देगः दुने तरवारं स्‍यात। वं ल्‍याय्‌म्‍हपिं, ल्‍यास्‍यपिं, बुरापिं, मिसा मिजं, कमजोरपिं सुयातं नं बाकि मतः। इपिं सकसितं परमेश्‍वरं वयागु ल्‍हातय् बियादिल।

२ इतिहास 36:20

तरवारं बचय् जूपिन्‍त वं बेबिलोनय् यंकल। अन इपिं फारस देश बमल्‍लातले जुजु व वया सन्‍तानया च्‍यः जुयाच्‍वन।

एज्रा 5:12

अय्‌नं जिमि पुर्खातय्‌सं स्‍वर्गयाम्‍ह परमेश्‍वरयात तंचाय्‌कूगुलिं वय्‌कलं जिमि पुर्खातय्‌त बेबिलोनयाम्‍ह कल्‍दी जुजु नबूकदनेसरया ल्‍हातय् बियादिल। नबूकदनेसरं थ्‍व देगःयात भज्‍यंक स्‍यंकाबिल अले मनूतय्‌त बेबिलोनय् ज्‍वना यंकल।

भजनसंग्रहया सफू 69:26

छाय्‌धाःसा छिं सजाँय ब्‍यूम्‍हय्‌सित इमिसं लित्तुली। छिं घाःपाः याःम्‍हय्‌सिगु दुःखया बारे खँ ल्‍हाइ।

यशैया 10:6

जितः तंम्‍वय्‌किपिं परमेश्‍वरयात मानय् याइ मखुपिनिगु देशय् हमला यायेत जिं अश्‍शूरीतय्‌त छ्वयाहयागु दु। लँय् च्‍वंगु धूयात तुतिं न्‍हुतुन्‍हू थें मनूतय्‌त न्‍हुत्तुन्‍हुयेत व लुतय् यानाकायेत जिं अश्‍शूरीतय्‌त छ्वयाहयागु दु।”

यशैया 13:16

इमिगु हे न्‍ह्यःने इमि मस्‍तय्‌त छ्ववानाः स्‍याइगु जुइ, इमिगु छेँ लुतय् याइ अले इमि मिसातय्‌त बलात्‍कार याइ।

यशैया 14:17

संसारयात मरुभूमि दय्‌काब्‍यूम्‍ह व अन दुगु शहरतय्‌त नाश याःम्‍ह थ्‍व हे मखु ला? छु ज्‍वनायंकिपिन्‍त छेँ वने मब्‍यूम्‍ह मनू नं थ्‍व हे मखु ला?”

यशैया 14:6

गुकिं न्‍ह्याबलें मनूतय्‌त तमं दाया हे च्‍वनीगु खः अले सह याये मफय्‌क जाति जातितय्‌त क्‍वत्‍यलाः दुःखकष्‍ट बीगु खः।

यशैया 43:28

अथे जुयाः जिं छंगु देगःया थकालितय्‌त अशुद्ध ठहरय् याना। जिं याकूबया लागिं पूर्ण नाश हयागु दु, जिं इस्राएलयात बदनाम जुइके बियागु दु।”

यर्मिया 50:42

इमिसं धनुष व भाला घानातःगु दु। इपिं तसकं नुगः छाःपिं, इमिके दयामाया धाःसा मदु। इपिं सल गयाः वइबलय् इमिगु सः समुद्रयागु थ्‍वःसः थें च्‍वं। हे बेबिलोन! इपिं छन्‍त हमला यायेत लडाइँया लागिं झ्‍वःलिंक वःपिं मनूत थें वइ।

विलाप 1:14

“जिगु ब्‍वहलय् ककुसिँ थें हे वय्‌कलं थःगु हे ल्‍हातं जिं यानागु मभिंगु ज्‍या जिके तयादिल इपिं नितुनिला जिगु गःपतय् यग्‍गात। वय्‌कलं जिगु शक्तियात ताःमलाकादिल। परमप्रभुं जितः थः शत्रुतय्‌गु ल्‍हातय् लःल्‍हानादिल, तर जि इपिंनापं ल्‍वाये हे मफुत।

विलाप 1:21

“मनूतय्‌सं जिगु झसुकाः न्‍यंगु दु, अय्‌नं जितः ह्ययेकीपिं सुं हे मदु। जिमि दक्‍व शत्रुतय्‌सं जिगु दुःखकष्‍टया खँ न्‍यंगु दु। छिं थथे यानादीगुलिं इपिं लय्‌ताःगु दु। छिं धयादीगु दिं हयादिसँ, गुकिं यानाः इपिं नं जि थें जुइमा।

विलाप 2:2

परमप्रभुं छप्‍तिं हे दयामाया मयासें यहूदाया फुक्‍क बस्‍तीत नुनाछ्वयादिल। थःगु तम्‍वय् वय्‌कलं यहूदाया म्‍ह्याय्‌या किल्‍लात थुनादिल। वय्‌कलं व राज्‍य व वया शासकतय्‌त बँय् क्‍वथलाः क्‍वह्यंकादिल।

विलाप 4:16

परमप्रभुं थःम्‍हं हे इमित उखेलाः थुखेलाः मदय्‌क छ्यालब्‍याल यानादिल, वय्‌कलं आः हाकनं गुबलें हे इमित वास्‍ता यानादी मखुत। मनूतय्‌सं पुजाहारीतय्‌त हनाबना तःगु मदु, न थकालितय्‌त छुं ग्‍वाहालि याःगु दु।

विलाप 5:12

शासकतय्‌त थथःगु ल्‍हातं यख्‍खाःगु दु, थकालिपिन्‍त भचा नं हनाबना याःगु मदु।

इजकिएल 24:21

छं इस्राएलया घरानायात धा, ‘परमप्रभु परमेश्‍वरं थथे धयादी – स्‍व! जिं थःगु पवित्रथाय् अर्थात छिमिगु सुरक्षा व गर्वया मूल, छिमिगु मिखाया नानिचा, छिमिसं दुनुगलंनिसें यय्‌कूगु थाय्‌यात अपवित्र याये त्‍यनागु दु। छिमिसं अन त्‍वःताःवःपिं छिमि काय् म्‍ह्याय्‌पिन्‍त तरवारं स्‍याइगु जुइ।

इजकिएल 28:16

तर यक्‍व थासय् दुगु व्‍यापारया कारणं ल्‍वापुख्‍यापुं जायाः छ पापी जुल। उकिं जिं छन्‍त परमेश्‍वरया पर्वतं अपमान यानाः कुतुकाछ्वया, हे सुरक्षा बीम्‍ह करूब, जिं छन्‍त मि थें थीगु ल्‍वहंतय्‌गु दथुं नाश याना।

ओबदिया 1:10

“छं थःकिजा याकूबयात अत्‍याचार यानाः स्‍याःगुलिं, छं थःगु ख्‍वाः मनूतय्‌त क्‍यने छालि मखु, अले छ न्‍ह्याबलेंया निंतिं नाश जुइ।

ओबदिया 1:16

गथे छं जिगु पवित्र पर्वतय् त्‍वन, अथे हे दक्‍व जातितय्‌सं त्‍वनातुं च्‍वनी। इमिसं सजाँयया ख्‍वलां त्‍वनां हे च्‍वनी, अले इतिहासं मदयावनी।

जकरिया 1:12

अले परमप्रभुया दूतं धाल, “हे दक्‍व शक्ति दुम्‍ह परमप्रभु, न्‍हयेदंनिसें छि यरूशलेम व यहूदाया शहरतलिसे तंचायादीगु दु। ग्‍वःन्‍हु तक छिं इमित दया यानादी मखु?”

जकरिया 1:15

अय्‌नं जि सुरक्षित जुयाः याउँक च्‍वनाच्‍वंपिं मेमेगु जातितलिसे तसकं तंम्‍वयागु दु। जि थः मनूतलिसें भचा जक तम्‍वयागु खः। अय्‌नं जिं सजाँय बीगु यानागु उपिं जातितय्‌सं इमित बांमलाःगु व्‍यवहार यात।’

मत्ती 7:2

छाय्‌धाःसा गथे छिमिसं मेपिन्‍त दोष बिल, अथे हे छिमित नं दोष बी। गुलि छिमिसं कर्पिन्‍त बिल, उलि हे छिमित नं बी।

व्‍यवस्‍था 28:50

इमिगु ख्‍वाः ग्‍यानपुस्‍से च्‍वनी। इमिके बुरा बुरीपिन्‍त हनाबना व मस्‍तय्‌त माया दइ मखु।

याकूब 2:13

छाय्‌धाःसा परमेश्‍वरं न्‍याय यानादीबलय् दया माया मदुम्‍ह मनूयात दया माया यानादी मखु। दया माया दुपिं मनूतय्‌त दया माया हे क्‍यनादी।