4 झीत उद्धार याइम्ह दक्व शक्ति दुम्ह परमप्रभु हे वय्कःया नां खः! वय्कः इस्राएलया पवित्र परमेश्वर खः।
हे परमप्रभु! जितः बचय् यानादीम्ह, जितः शरण बीम्ह! जिगु म्हुतुं पिहांवइगु खँग्वः व जिगु नुगःया प्रार्थना छितः ययेमा!
हे कीचा याकूब, ग्याये मते! हे चिधंगु इस्राएल, जिं हे छन्त ग्वाहालि याये।” परमप्रभु, छन्त उद्धार यानादीम्ह इस्राएलया दक्वसिबय् तःधंम्ह पवित्र परमेश्वरं थथे धयादी।
परमप्रभु छिमित उद्धार याइम्ह खः। इस्राएलया पवित्र परमेश्वरं थथे धयादी, “छिमिगु लागिं हे जिं बेबिलोनया विरोधय् सेना छ्वये। इमिसं हमला याइ अले बेबिलोनीत थःगु जीवन बचय् यायेत बिस्युं वनी। इमित इमिसं घमण्ड यानाच्वंगु इमिगु जहाजय् जबरजस्ती बिसिकेछ्वइ।
जि परमप्रभु, छिमि पवित्र परमेश्वर खः। हे इस्राएलया मनूत जिं हे छिमित सृष्टि यानागु खः, अले जि हे छिमि जुजु खः।”
छाय्धाःसा जि परमप्रभु छिमि परमेश्वर खः, इस्राएलया पवित्र परमेश्वर, छिमि मुक्तिदाता। छन्त त्वतकेत मिश्र देश अले छंगु पलेसा कूश व सेबा जिं बी।
इस्राएलया जुजु व उद्धार यानादीम्ह, दक्व शक्ति दुम्ह परमप्रभुं थथे धयादी – “जि हे शुरु व अन्त खः। जि बाहेक मेपिं सुं नं परमेश्वर मदु।
छिमित दुःखकष्ट ब्यूपिन्त जिं इमिगु थःगु हे ला नके। दाखमद्यं का थें इपिं थःगु हे हिं काइतिनि। अनंलि फुक्क मनूतय्सं थ्व खँ सी जि, परमप्रभु छन्त मुक्ति बीम्ह खः, अले छन्त उद्धार याइम्ह, याकूबया तसकं बल्लाःम्ह खः।”
छाय्धाःसा जि परमप्रभु छिमि परमेश्वर खः, सुनां समुद्रयात चले याइ अले लःया किसिद्वंम्बःयात संकाबी। जिगु नां दक्व शक्ति दुम्ह परमप्रभु खः।
छाय्धाःसा छन्त सृष्टि यानादीम्ह छिमि भाःत खः, वय्कःया नां दक्व शक्ति दुम्ह परमप्रभु खः। इस्राएलया पवित्र परमेश्वर छन्त उद्धार यानादीम्ह खः। वय्कःयात फुक्क पृथ्वीया परमेश्वर धकाः धाइ।
छाय्धाःसा परमप्रभुं याकूबयात मू पुलाः त्वःतकादी। व स्वयाः बल्लाम्हय्सिगु ल्हातं इमित वय्कलं उद्धार यानादी।
पर्वतत दय्कादीम्ह व फय्यात सृष्टि यानादीम्ह परमेश्वर हे खः। वय्कलं मनूतय्त थःगु बिचाः सीकेबी। वय्कलं न्हियात चा यानादी, अले पृथ्वीया ततःजाःगु थासय् न्यासि झायादी। दक्व शक्ति दुम्ह परमप्रभु परमेश्वर वय्कःया हे नां खः।