यशैया 47:1 - नेवाः बाइबल

¹ “अय् बेबिलोनया कुमारी म्‍ह्याय्, छ क्‍वय् क्‍वहां हुँ, धुलय् फेतु! अय् बेबिलोनीतय् म्‍ह्याय्, सिंहासन त्‍वःताः बँय् फेतु! आवंलि छन्‍त क्‍वमिलु व नाइसे च्‍वम्‍ह धाइ मखु।

यशैया 47:1 ပူးပေါင်းရင်းမြစ်များ

अय्‍यूब 2:13

इपिं न्‍हय्‌न्‍हु तक चान्‍हि बँय् वनापं हे फ्‍यतुनाच्‍वन। अय्‍यूबयात सुनानं छसः नं मधाः, छाय्‌धाःसा इमिसं अय्‍यूबं गुलि दुःख स्‍यूगु खः व खन।

अय्‍यूब 2:8

चासुवय्‌त छकू चायागु तज्‍याःगु थलया कुचा कयाः अय्‍यूब नउलय् च्‍वन।

भजनसंग्रहया सफू 137:8

हे नाश जुइगु बेबिलोन छं जिमित छु छु यात उकिया लागि छन्‍त बदला काइम्‍ह धन्‍य खः।

भजनसंग्रहया सफू 18:27

क्‍वमिलुपिन्‍त छिं बचय् यानादी, तःधंछुया जुइपिन्‍त धाःसा क्‍वह्यंकादी।

भजनसंग्रहया सफू 89:44

छिं वयागु गौरव सिधय्‌कादीगु दु, अले वयागु सिंहासन बँय् वांछ्वयादीगु दु।

यशैया 13:1

आमोजया काय् यशैयां बेबिलोनया बारे दर्शनय् खंगु अगमवाणी थ्‍व हे खः–

यशैया 13:13

अथे जुयाः जिगु तमं व दिंखुन्‍हु आकाशयात थरथर खाकाबी। अले जि दक्‍व शक्ति दुम्‍ह परमप्रभुया क्रोधं पृथ्‍वी सनी।”

यशैया 14:1

परमप्रभुं याकूबया घरानायात दया यानादी, वय्‌कलं इस्राएलयात हाकनं छकः थः मनूकथं ल्‍ययाः इमिगु थःगु हे देशय् पलिस्‍था यानादी, अन पिने वःपिं मनूत इपिंनापं मिलय् जू वइ अले याकूबया घरानानापं मिलय् जुयाच्‍वनी।

यशैया 21:1

समुद्र सिथय्‌या मरुभूमिया बारे अगमवाणी– मरुभूमिइ ग्‍वःफय् वः थें छगू ग्‍यानपुगु देशं तःधंगु विनाश वइतिनि।

यशैया 23:12

वय्‌कलं धयादिल, “अय् कुमारी सीदोन, आः छं गुबलें नं लसता हने खनी मखुत। दं, साइप्रस टापुपाखे हुँ, छन्‍त अन नं आराम दइ मखु।”

यशैया 26:5

वय्‌कलं घमण्‍डीतय्‌त क्‍वमिलु यानादी। इपिं बाय् च्‍वनाच्‍वंगु बल्‍लाःगु शहर नाश यानादी। अले उकियात चुंचुं यानाः धुलय् मिलय् यानादी।

यशैया 3:26

सियोनया मू ध्‍वाखा ध्‍वाखाय् ख्‍वःसः जक जुइ अले मनू सीगुलिं नुगः मछिंका बँय् फेतुनाच्‍वम्‍ह मिसा थें फुक्‍क शहर झिजांमिजां दनी।

यशैया 37:22

वयागु विरोधय् परमप्रभुं थथे धयादीगु दु – “‘अय् सियोनया कुमारी म्‍ह्याय् छन्‍त हेपे याःगु दु, छन्‍त हेस्‍याःगु दु। यरूशलेमया म्‍ह्याय्‌नं छ बिस्‍युं वंबलय् छ्यं क्‍वाःगु दु,

यशैया 52:2

छंके दुगु धू थाथा या! हे यरूशलेम, दं अले सिंहासनय् फेतु, हे ज्‍वनायंकूपिं यरूशलेमयापिं मनूत, छंगु गःपतय् चिनातःगु त्‍वःतकाब्‍यु।

यर्मिया 13:18

जुजु व राजमातायात धा, “सिंहासनं कुहां वा, छाय्‌धाःसा छिमिगु छेनं गौरवं जाःगु मुकुट कुतुं वनी।”

यर्मिया 46:11

“हे मिश्र देशयाम्‍ह कुमारी म्‍ह्याय्, च्‍वय् गिलादय् वनाः मलम का! तर छं म्‍वाःम्‍वाकं थीथी कथंयागु वासः पाइगु, छ लाइ मखु।

यर्मिया 48:18

“हे दीबोनय् च्‍वंपिं मनूत, थःगु गौरवं कुहां वयाः गंगु जमिनय् च्‍वँ, छाय्‌धाःसा मोआबयात नाश याइम्‍ह छंगु विरोधय् वइ। वं छंगु छचाःखेरं पःखाः ग्‍वयातःगु शहरत नाश याइ।

यर्मिया 50:1

बेबिलोन व बेबिलोनीतय्‌गु देशया बारे यर्मिया अगमवक्तापाखें परमप्रभुं धयादीगु वचन थ्‍व हे खः,

यर्मिया 50:42

इमिसं धनुष व भाला घानातःगु दु। इपिं तसकं नुगः छाःपिं, इमिके दयामाया धाःसा मदु। इपिं सल गयाः वइबलय् इमिगु सः समुद्रयागु थ्‍वःसः थें च्‍वं। हे बेबिलोन! इपिं छन्‍त हमला यायेत लडाइँया लागिं झ्‍वःलिंक वःपिं मनूत थें वइ।

यर्मिया 51:1

परमप्रभुं थथे धयादी, “स्‍व! जिं थःम्‍हं हे बेबिलोनयागु विरोधय् व लेब-कमाइयापिं मनूतय्‌गु विरोधय् छगू नाश याइगु आत्‍मायात ग्‍वाके।

यर्मिया 51:33

दक्‍व शक्ति दुम्‍ह परमप्रभु, इस्राएलया परमेश्‍वरं थथे धयादी, “बेबिलोन खलाया न्‍हुइत्‍यंगु छ्व थें खः। व लइगु ई याकनं वइ।”

यर्मिया 51:51

इस्राएलया मनूतय्‌सं धाइगु, “जिपिं मछालेमाःगु दु, छाय्‌धाःसा जिमित ब्‍वःब्‍यूगु दु। अले जिमिगु ख्‍वाः लज्‍यां ह्याउँसे च्‍वने धुंकल। छाय्‌धाःसा विदेशीत जिमि परमप्रभुया देगलय् दुहां वंगु दु।”

विलाप 2:10

म्‍ह्याय् सियोनया थकालिपिं बँय् फेतुनाः छुं हे मधासे च्‍वनाच्‍वनी, इमिसं थथःगु छेनय् धू तःगु दु अले भाग्रां फिनाच्‍वंगु दु। यरूशलेमया ल्‍यासेपिन्‍सं थथःगु छ्यं बँय् तक हे क्‍वछुका तःगु दु।

विलाप 2:21

“ल्‍याय्‌म्‍ह व बुरातय्‌गु सीम्‍ह गल्‍लि गल्‍लिइ धुलय् अथें लानाच्‍वंगु दु। जिमि ल्‍यासेपिं व ल्‍याय्‌म्‍हपिं मनूतय्‌त तरवारं स्‍यानाः क्‍वथला तःगु दु। थःगु तंया दिनय् छिं छुं हे दयामाया मयासें इमित पालाः स्‍यानादीगु दु।

विलाप 4:5

न्‍हापा सासाःगु नसा नइपिं मनूत आः नये मखनाः फोहर वांछ्वइगु थासय् नयेगु माला जूगु दु। थिकेथिकेगु लं फिनाः हुर्के जूपिं आः इपिं फोहर वान्‍छ्वया तःगु थासय् मालाच्‍वंगु दु।

इजकिएल 26:16

अबलय् समुद्रया सिथय् दुगु देशयापिं फुक्‍कं शासकतय्‌सं थथःगु सिंहासनं क्‍वहां वयाः थथःगु वसः त्‍वइ, बुत्ता भरय् यानातःगु वसः त्‍वइ। ग्‍यानाः इपिं थुरथुर खाइ। इपिं बँय् च्‍वनाः थरथर खायाच्‍वनी, अले छ खनाः वातां जुइ।

इजकिएल 28:17

थः बांलाःगुलिं छंगु मन तःधंछुयाः, वैभवं यानाः छंगु बुद्धि स्‍यनावन। जिं छन्‍त बँय् वांछ्वयाबिया, जिं छन्‍त जुजुपिनिगु न्‍ह्यःने इमित क्‍यनेत तयाबिया।

योना 3:6

थ्‍व खँ निनवेया जुजुयाथाय् थ्‍यनेवं वं सिहासनं दना वयाः थःगु वसः त्‍वःताः भांग्रां फित। अले नउलय् वनाः फ्‍यतुल।

हाग्‍गै 2:22

जिं राज्‍य राज्‍यया गद्दी फातापुइकाबी व देश देशतय्‌गु शक्ति मदय्‌काबी। जिं रथ व उकी च्‍वनावइपिं सिपाइँतय्‌त फातापुइकाबी। सलत क्‍वदइ अले इमि सल गयावइपिन्‍सं छम्‍हय्‌सिनं मेम्‍हय्‌सित स्‍याइ।

जकरिया 2:7

“वा, छिपिं बेबिलोन शहरय् च्‍वनीपिं सियोनया मनूत, अनं बिस्‍युं वा!”

प्रकाश 18:7

वं थथःम्‍हं तुं तःधं जुयाः गुलि मोज यात, उलि हे छिमिसं नं वयात दुःखकष्‍ट व ख्‍वबि ब्‍यु। वयागु मनं थथे धाः ‘जि ला महारानी जुयाच्‍वनागु दु। जि विधवा मिसा मखु। जिं गुबलें हे नं दुखं च्‍वनेमाली मखु।’