यशैया 45:9 - नेवाः बाइबल

⁹ “धिक्‍कार वयात, सु थः सृष्‍टिकर्तानापं ल्‍वाइ, व बँय् लानाच्‍वंगु तज्‍याःगु चाया थलया कुचात मध्‍ये छकू कुचा जक खः। छु चां कुमाःयात ‘छं छु दय्‌का च्‍वनागु धकाः न्‍यनी ला?’ छु चाया थलं ‘जितः दय्‌केगु सीप मदु धकाः धाइ ला?’

यशैया 45:9 ပူးပေါင်းရင်းမြစ်များ

अय्‍यूब 10:9

छिं जितः चायात थें आकार बियादीगु खँ लुमंकादिसँ। छिं जितः हाकनं धुलय् ल्‍वाकछ्यानादीगु ला?

अय्‍यूब 33:13

परमेश्‍वरं मनूया उजूरया लिसः बियादी मखु धकाः छिं छाय् परमेश्‍वरयात दोष बियादीगु?

अय्‍यूब 40:2

“दक्‍व शक्ति दुम्‍ह परमेश्‍वरलिसें जवाःसवाः याइम्‍हय्‌सिनं वय्‌कःयात भिंके फइ ला? परमेश्‍वरयात दोष ब्‍यूम्‍हय्‌सिनं वय्‌कःयात लिसः बीमा।”

अय्‍यूब 9:12

वय्‌कलं लाकाकयादिल धाःसा सुनां वय्‌कःयात पने फइ? ‘छिं छु यानादियागु’ धकाः, सुनां वय्‌कःयात न्‍यने फइ?

अय्‍यूब 9:4

वय्‌कः ज्ञान दुम्‍ह खः। वय्‌कः बल दुम्‍ह खः। वय्‌कःया विरोधय् जिद्दी यानाः सु बचय् जुइ फत?

हितोपदेश 21:30

परमप्रभुयागु विरोधय् सुं नं मनूया बुद्धि, ज्ञान व ग्‍वसाः ताःलाये फइ मखु।

उपदेशक 6:10

छु द हे दु वयागु नां छुइकल, अले मनूत सु खः धकाः थुइ हे धुंकल। थः स्‍वयाः बल्‍लाःम्‍हय्‌सित सुनानं विरोध याये फइ मखु।

यशैया 10:15

छु पां वयात छ्यलीम्‍ह मनू स्‍वयाः थःत तःधं याये फइ ला? छु कःतिं थःत छ्यलीम्‍ह स्‍वयाः थःत तःधं याये फइ ला? धाय्‌की तुतां छ्यलीम्‍हय्‌सित तुतांम्‍ह हे छ्यःगु थें अथवा गुगु सिँ मखु उकियात सिँयागु मुगःचां ल्‍ह्वंगु थें।

यशैया 29:16

कुमालं न्‍हायाः तःगु चा थें धकाः छिमिसं मतिइ तयाः खँयात अःखः जःखः याइ! छु दय्‌कातःगु थलबलं दय्‌कीम्‍हय्‌सित “छं जितः दय्‌कूगु मखु” धकाः धाइ ला? “छं जितः दय्‌कूगु मखु?” छु दय्‌कूगु थलबलं कुमाःया खँय् “वं छुं नं मस्‍यू” धकाः धाये फइ ला?

यशैया 45:10

धिक्‍कार वयात, सुनां थः अबुयात थथे धाइ, ‘छिं जितः छाय् बुइकागु?’ अथवा वया थः मांयात थथे धाइ, ‘छिं जितः छाय् बुइकागु?’

यशैया 64:7

छिगु नां काइपिं छम्‍ह नं मदु, छितः ज्‍वनेगु सुनानं कुतः याइ मखु, छाय्‌धाःसा छिं थःगु ख्‍वाः जिपिंपाखें सुपिकादीगु दु, अले जिमित जिमिगु पापया शक्तिइ त्‍वःतादीगु दु।

यशैया 64:8

अय्‌नं हे परमप्रभु, छि जिमि अबु खः। जिपिं चा खः, अले छि धाःसा कुमाः खः। जिपिं छिगु हे ल्‍हाःया ज्‍यात खः।

यर्मिया 18:6

“हे इस्राएलया मनूत, छु जिं छन्‍त थ्‍व कुमालं थें याये मफु ला?” परमप्रभुं धयादी, “हे इस्राएलया घराना, गथे चा कुमाःया ल्‍हातय् दु, अथे हे छ नं जिगु ल्‍हातय् दु।

यर्मिया 36:29

यहूदायाम्‍ह जुजु यहोयाकीमयात थथे नं धा, ‘परमप्रभुं थथे धयादी – छं व भ्‍वंया थू छ्वय्‌काः थथे धाल, “छाय् छं व भ्‍वंया थूलय् बेबिलोनयाम्‍ह जुजु धात्‍थें वइ, अले थ्‍व देशयात नाश यानाः थनयापिं मनूत व पशुतय्‌त स्‍याइ धकाः च्‍वयागु?”

यर्मिया 50:24

हे बेबिलोन, जिं छंगु लागि जाः तया। छं सी न्‍ह्यः हे छ उकी तक्‍यन। छन्‍त मालाः ज्‍वंगु दु। छाय्‌धाःसा छं परमप्रभुया विरोध याना जुल।

दानिएल 4:35

“पृथ्‍वीयापिं सकलें मनूत परमेश्‍वरया न्‍ह्यःने छुं नं मखु, स्‍वर्गया दूतत व पृथ्‍वीयापिं मनूतय्‌त वय्‌कलं थः यःथें यानादी। सुनानं वय्‌कःया ल्‍हाः पने फइ मखु अले वय्‌कःयात छिं छु यानादियागु? धकाः न्‍यने फइ मखु।”

१ कोरिन्‍थी 10:22

थज्‍याःगु ज्‍याखँ यानाच्‍वन धाःसा झीपिं खनाः प्रभु लय्‌तायादी मखु। छु झीपिं प्रभु स्‍वयाः बल्‍ला ला?