यशैया 45:5 - नेवाः बाइबल

⁵ जि परमप्रभु खः, जि बाहेक मेपिं सुं नं परमेश्‍वर मदु। छं जितः नाला मकाःसां जिं छन्‍त बल्‍लाके।

यशैया 45:5 ပူးပေါင်းရင်းမြစ်များ

१ राजा 8:60

अले पृथ्‍वीया फुक्‍क जातितय्‌सं परमप्रभु हे परमेश्‍वर खः वय्‌कः बाहेक मेम्‍ह सुं ईश्‍वर मदु धकाः सीमा।

एज्रा 1:2

“फारसयाम्‍ह जुजु कोरेसं थथे धयादी– ‘परमप्रभु स्‍वर्गयाम्‍ह परमेश्‍वरं पृथ्‍वीयागु फुक्‍क राज्‍य जितः बियादीगु दु। वय्‌कलं हे जितः यहूदाया यरूशलेमय् वय्‌कःया निंतिं छगू देगः दय्‌केत उजं बियादीगु दु।

अय्‍यूब 12:18

वय्‌कलं जुजुपिन्‍सं चिकाब्‍यूगु सिखः चफुनादी। अले इमिगु जँय् जँनी चिनादी।

अय्‍यूब 12:21

वय्‌कलं शासकतय्‌के अपमान प्‍वंकादी, अले बल्‍लाःपिन्‍त ल्‍वाभः मदुपिं यानाबी।

भजनसंग्रहया सफू 18:31

परमप्रभु बाहेक मेम्‍ह सु परमेश्‍वर दु? झी परमेश्‍वर बाहेक मेम्‍ह सु ल्‍वहंधी दु?

भजनसंग्रहया सफू 18:32

व हे परमेश्‍वर, सुनां जितः बल्‍लाकल, अले सुनां जिगु लँपुयात तप्‍यंकाबिल।

भजनसंग्रहया सफू 18:33

वय्‌कलं जिगु तुतियात चल्‍लायागु तुति थें यानादी। अले जि ततःजाःथाय् नं तुतिं चुयाच्‍वने फइ।

भजनसंग्रहया सफू 18:39

छिं जितः ल्‍वायेत बल बियादीगु दु। अले जिमि शत्रुतय्‌त जिगु तुतिइ तयादीगु दु।

भजनसंग्रहया सफू 86:10

छाय्‌धाःसा छि तःधंम्‍ह व अजू चायापुगु ज्‍या यानादीम्‍ह खः, छि हे जक परमेश्‍वर खः।

प्रस्‍थान 9:14

मखुसा थ्‍वपालय् जिं छन्‍थाय्, छिमि भारदारतय्‌थाय् व छिमि प्रजायाथाय् तसकं तःधंगु महामारी छ्वयाहये। अले छं थ्‍व पृथ्‍वी न्‍यंक जि थें ज्‍याःम्‍ह मेम्‍ह सुं हे मदु धकाः सी।

यशैया 22:21

जिं छंगु अफिसय् फीगु वसः वयात पुंकेत बी अले छंगु जनी वयात चिकेबी। छंगु फुक्‍क अधिकार वयागु ल्‍हातय् बी। यरूशलेमय् व यहूदाय् च्‍वंपिं मनूतय्‌गु निंतिं व बौ थें जुइ।

यशैया 37:20

आः हे परमप्रभु, जिमि परमेश्‍वर, जिमित वयागु ल्‍हातं त्‍वःतकादिसँ, अले संसारया फुक्‍क देशं छि परमप्रभु जक परमेश्‍वर खः धकाः सीमा।”

यशैया 43:10

परमप्रभुं धयादी, “अय् इस्राएलया मनूत, छिपिं जिगु साक्षी व जिं ल्‍ययापिं दास खः।” छिमिसं जितः म्‍हसीकेगु व विश्‍वास याये फयेमा, अले जि परमेश्‍वर खः धकाः थुइके फयेमा। मेपिं द्यःतय्‌त दय्‌के न्‍ह्यः हे जि दु, मेपिं फुक्‍क द्यःत मदये धुंकाः नं जि दइ।

यशैया 44:6

इस्राएलया जुजु व उद्धार यानादीम्‍ह, दक्‍व शक्ति दुम्‍ह परमप्रभुं थथे धयादी – “जि हे शुरु व अन्‍त खः। जि बाहेक मेपिं सुं नं परमेश्‍वर मदु।

यशैया 44:8

यक्‍व न्‍हापांनिसें आः तक छिमित छु जिं लिपा जुइगु खँ कनागु मदु ला? उकिं छिपिं ग्‍याये मते वा थुरथुर खाये मते। छिपिं जिगु साक्षी खः। छु जि बाहेक मेपिं परमेश्‍वर दु ला? मदु, अन छुनं मेगु ल्‍वहंधी मदु, मेम्‍ह सुं नं परमेश्‍वर मदु!”

यशैया 45:1

“परमप्रभुं थम्‍हं अभिषेक यानादीम्‍ह कोरेसयात धयादी, जात जातितय्‌त त्‍याकेत, जुजुतय्‌गु ल्‍हातं अधिकार लाकाकायेत, शहर शहरया मू ध्‍वाखात चाय्‌केत व ध्‍वाखात वयागु विरोधय् गुबलें तीमफय्‌मा धकाः जिं वयात शक्ति बियागु दु, जि परमप्रभुं जुजु कोरेसयात थथे धाये,

यशैया 45:6

थुकथं मनूतय्‌सं निभाः लुइगु थासंनिसें निभाः बीगु थासय् तक जि बाहेक मेपिं सुं नं मदु धकाः सीकेफय्‌मा। जि परमप्रभु खः, जि बाहेक मेपिं द्यः मदु।

यशैया 46:9

न्‍हापाया पुलांगु खँयात लुमंकी। जि परमेश्‍वर खः, जि बाहेक मेपिं सुं मदु। जि परमेश्‍वर खः, जि थें ज्‍याःम्‍ह मेपिं सुं मदु।

यशैया 47:8

“अथे जुयाः हे सुखय् भुलय् जुयाच्‍वंपिं, थःगु रक्षायात वास्‍ता मयासें च्‍वनाच्‍वंपिं, अले थःगु नुगलय् जि हे खः, ‘जि थें ज्‍याःम्‍ह सुं मदु’ धकाः धयाजुइपिं, ‘जि गुबलें भाःत सीम्‍ह थें जुइ मखु, वा काय्‌म्‍ह्याय्‌पिं त्‍वःता च्‍वनेमाली मखु धयागु खँय् ध्‍यान ब्‍यु!’

इजकिएल 30:24

जिं बेबिलोनयाम्‍ह जुजुया ल्‍हाःयात बल्‍लाकाः जिगु तरवार वयागु ल्‍हातय् बी। तर जिं फारोया लप्‍पा त्‍वथुलाबी, व धाःसा वयागु न्‍ह्यःने सी थें च्‍वंक घाःपाः जूम्‍ह मनू थें हाली।

योएल 2:27

अले जि इस्राएलया दथुइ दु, जि परमप्रभु छिमि परमेश्‍वर खः अले जि बाहेक मेपिं सुं मदु धकाः छिमिसं सी। जिमि प्रजा गुबलें मछालपुइका च्‍वने माली मखु।

यूहन्‍ना 1:1

दक्‍वसिबय् न्‍हापा हे वचन दु, अले थ्‍व वचन परमेश्‍वर नाप दु। थ्‍व वचन हे परमेश्‍वर खः।

व्‍यवस्‍था 32:39

“जि छम्‍ह हे जक परमेश्‍वर खः। जि बाहेक मेम्‍ह सुं द्यः मदु। जिं हे मृत्‍यु बी, जिं हे जीवन बी। जिं घाः याये, जिं हे लाय्‌काबी, जिं यानागु ज्‍यायात सुनानं पने फइ मखु।

व्‍यवस्‍था 4:35

परमप्रभु हे परमेश्‍वर खः, वय्‌कः बाहेक मेम्‍ह सुं मदु धकाः थुइकेत उपिं फुक्‍क छिमित क्‍यंगु खः।

व्‍यवस्‍था 4:39

परमप्रभु हे च्‍वय् स्‍वर्गय् व क्‍वय् पृथ्‍वीइ परमेश्‍वर खः अले वय्‌कः बाहेक मेम्‍ह सुं मदु धकाः छिमिसं थौं सीका का, अले नुगलय् ति।