यशैया 45:4 - नेवाः बाइबल

⁴ जिमि दास याकूबया निंतिं, जिं ल्‍ययागु इस्राएलया निंतिं, जिं छन्‍त छंगु नां कयाः सःतागु दु। छं जितः नाला मकाःसां जिं छन्‍त तःधंगु इज्‍जत बियागु दु।

यशैया 45:4 ပူးပေါင်းရင်းမြစ်များ

भजनसंग्रहया सफू 136:22

वय्‌कलं थः दास इस्राएलयात वयागु सर्बय बियादिल, वय्‌कःया दया माया सदां दयाच्‍वनी।

यशैया 43:1

तर आः, हे याकूब, छन्‍त सृष्‍टि यानादीम्‍ह, हे इस्राएल, छन्‍त आकार ब्‍यूम्‍ह परमप्रभुं थथे धयादी, “ग्‍याये मते, छाय्‌धाःसा जिं छन्‍त मू पुलाः त्‍वःतकागु दु। जिं छन्‍त छंगु नां कयाः सःतागु दु, छ जिम्‍ह हे खः।

यशैया 43:14

परमप्रभु छिमित उद्धार याइम्‍ह खः। इस्राएलया पवित्र परमेश्‍वरं थथे धयादी, “छिमिगु लागिं हे जिं बेबिलोनया विरोधय् सेना छ्वये। इमिसं हमला याइ अले बेबिलोनीत थःगु जीवन बचय् यायेत बिस्‍युं वनी। इमित इमिसं घमण्‍ड यानाच्‍वंगु इमिगु जहाजय् जबरजस्‍ती बिसिकेछ्वइ।

यशैया 44:1

“तर आः हे जिमि दास याकूब, जिं ल्‍ययाम्‍ह इस्राएल न्‍यँ,

यशैया 44:28

गुम्‍हय्‌सिनं कोरेसया बारे धाइ, ‘व जिमि जवाः खः, अले जिगु फुक्‍क इच्‍छा वं पूवंकी। यरूशलेमया बारे वं धाइ, “व हाकनं दय्‌केमा,” अले देगःया बारे, “थुकियात हाकनं दय्‌की।”’

मत्ती 24:22

परमेश्‍वरं व ईयात चिहाकय्‌का मदीसा सुं हे बचय् जुइ मखु। वय्‌कलं थःम्‍हं ल्‍ययातःपिं मनूतय्‌गु निंतिं व ईयात चिहाकय्‌कादी।”

मर्कूस 13:20

परमेश्‍वरं व ईयात चिहाकय्‌का मदीसा सुं हे बचय् जुइ मखु। वय्‌कलं थःम्‍हं ल्‍ययातःपिं मनूतय्‌गु निंतिं व ईयात चिहाकय्‌कादी।

प्रेरित 17:23

छाय्‌धाःसा जिं चाःहुलाः छिकपिनि पुजा याइथाय् स्‍वः वनाबलय् अन छथाय् थथे धकाः आखः कियातःगु खना – ‘म्‍हमस्‍यूम्‍ह द्यःयात।’ छिकपिन्‍सं म्‍हमसीकं पुजा याना च्‍वंम्‍हय्‌सिगु हे खँ जिं न्‍यंकाच्‍वनागु खः।

रोमी 11:7

अले छु जुल लय्? इस्राएलीतय्‌सं छु कायेत कुतः यानाच्‍वंगु खः व काये मफुत। ल्‍यया तःपिन्‍सं धाःसा काये खन। मेपिन्‍सं परमेश्‍वरया खँ मन्‍यंसे अतेरि जुयाच्‍वन।

रोमी 9:6

यहूदी जातयापिन्‍सं थौं तकं ख्रीष्‍टयात विश्‍वास मयाःसां परमेश्‍वरं बाचा चिनाः धयादीगु वचन सितिं वंगु जुइ मखु। छाय्‌धाःसा यहूदी जातय् बूपिं सकलें परमेश्‍वरया मनूत मखु।

एफिसी 2:12

बिचाः या, छिपिं ख्रीष्‍टपाखें तापाना च्‍वंपिं खः। छिपिं इस्राएलयागु हकं पिनेलाःपिं, परमेश्‍वरं चिनादीगु बाचां पिनेलाःपिं, आशा धयागु हे त्‍वफिका च्‍वंपिं, व परमेश्‍वर हे मदय्‌का च्‍वंपिं जुयाच्‍वंगु खः।

१ थेसलोनिकी 4:5

परमेश्‍वरयात म्‍हमस्‍यूपिं थें मभिंगु मतिइ तयाः मखु।