यशैया 45:1 - नेवाः बाइबल

¹ “परमप्रभुं थम्‍हं अभिषेक यानादीम्‍ह कोरेसयात धयादी, जात जातितय्‌त त्‍याकेत, जुजुतय्‌गु ल्‍हातं अधिकार लाकाकायेत, शहर शहरया मू ध्‍वाखात चाय्‌केत व ध्‍वाखात वयागु विरोधय् गुबलें तीमफय्‌मा धकाः जिं वयात शक्ति बियागु दु, जि परमप्रभुं जुजु कोरेसयात थथे धाये,

यशैया 45:1 ပူးပေါင်းရင်းမြစ်များ

१ राजा 19:15

परमप्रभुं वयात धयादिल, “हुँ, दमस्‍कसया मरुभूमिइ लिहां हुँ, अन थ्‍यनेधुंकाः छं अरामयाम्‍ह जुजु जुइत हजाएलयात अभिषेक या!

एज्रा 1:1

फारसयाम्‍ह जुजु कोरेसया न्‍हापांगु दँय् यर्मिया अगमवक्तापाखें वःगु परमप्रभुयागु वचन पूवंकेत, परमप्रभुं फारसयाम्‍ह जुजु कोरेसया नुगःयात ग्‍वाकादिल। अथे जुयाः वं च्‍वयाः देशया फुक्‍क थासय् थ्‍व खँ घोषणा याकल।

एज्रा 1:2

“फारसयाम्‍ह जुजु कोरेसं थथे धयादी– ‘परमप्रभु स्‍वर्गयाम्‍ह परमेश्‍वरं पृथ्‍वीयागु फुक्‍क राज्‍य जितः बियादीगु दु। वय्‌कलं हे जितः यहूदाया यरूशलेमय् वय्‌कःया निंतिं छगू देगः दय्‌केत उजं बियादीगु दु।

अय्‍यूब 12:21

वय्‌कलं शासकतय्‌के अपमान प्‍वंकादी, अले बल्‍लाःपिन्‍त ल्‍वाभः मदुपिं यानाबी।

भजनसंग्रहया सफू 73:23

अय्‌नं जि ला न्‍ह्याबलें छिनापं हे दु। छिं जिगु जव ल्‍हाः ज्‍वनादीगु दु।

यशैया 13:2

खालिगु डाँडाय् छगू चिंया ध्‍वाँय् धस्‍वाकि! ततःसलं सिपाइँतय्‌त सः ब्‍यु। अले इमित हमला यायेत, भारदारतय् मू ध्‍वाखां घमण्‍डी शहरय् दुहां वनेत ल्‍हाःभाय् या।

यशैया 13:3

थ्‍व ज्‍या यायेत जिं थुपिं पवित्र मनूतय्‌त ल्‍ययागु दु। जिगु तं प्‍वंकेत जिं इमित सःतागु दु। इपिं जिं त्‍याःगुलिं लय्‌ताइ।

यशैया 41:13

छाय्‌धाःसा जि परमप्रभु छिमि परमेश्‍वर खः। जिं छंगु जव ल्‍हाः ज्‍वनाः छन्‍त थथे धाये, ‘ग्‍याये मते, जिं छन्‍त ग्‍वाहालि याये।’

यशैया 41:2

“सुनां पुर्बं सुं छम्‍हय्‌सित वय्‌कःया सेवा यायेत धार्मिकताय् सःता ग्‍वाकूगु दु? वय्‌कलं जात जातितय्‌त थःगु अधीनय् हयादी, अले जुजुतय्‌त इमिगु न्‍ह्यःने थःगु अधिकारय् हयादी। वं इमित थःगु तरवारं धू थें अले थःगु धनुष वाणं ब्‍वय्‌का यंकीगु छ्वस थें यानादी।

यशैया 41:25

“जिं सुं छम्‍हय्‌सित उत्तरपाखें ल्‍ययागु दु अले व वइ। पुर्बं वयाः वं जिगु नां काइ। भ्‍यातनाःयात न्‍हुतुन्‍हू थें अले कुमालं चा न्‍हुतुन्‍हू थें वं शासकतय्‌त न्‍हुइ।

यशैया 42:6

“जि, परमप्रभुं जिगु धार्मिकताकथं छन्‍त सःतागु दु, जिं छंगु ल्‍हाः ज्‍वनाः छन्‍त रक्षा याये। जिं छन्‍त जिमि मनूतलिसें जिगु बाचाया चिं अले यहूदीमखुपिनिगु निंतिं जः दय्‌काबी।

यशैया 44:28

गुम्‍हय्‌सिनं कोरेसया बारे धाइ, ‘व जिमि जवाः खः, अले जिगु फुक्‍क इच्‍छा वं पूवंकी। यरूशलेमया बारे वं धाइ, “व हाकनं दय्‌केमा,” अले देगःया बारे, “थुकियात हाकनं दय्‌की।”’

यशैया 45:5

जि परमप्रभु खः, जि बाहेक मेपिं सुं नं परमेश्‍वर मदु। छं जितः नाला मकाःसां जिं छन्‍त बल्‍लाके।

यशैया 48:15

खः, धात्‍थें हे जिं थ्‍व धयागु खः। जिं वयात सःतागु दु। जिं वयात हये, अले व थःगु ज्‍याय् ताःलाइ।

यर्मिया 27:6

आः जिं थ्‍व फुक्‍क देशत थः दास बेबिलोनयाम्‍ह जुजु नबूकदनेसरयात बी धुन, अले वयागु सेवा यायेमा धकाः गुँपशुत नं वयात बिया।

यर्मिया 43:10

अले इमित धा, ‘दक्‍व शक्ति दुम्‍ह परमप्रभु, इस्राएलया परमेश्‍वरं थथे धयादी – जिं थःम्‍हं हे थः दास बेबिलोनया जुजु नबूकदनेसरयात सःते, अले जिं सुचुका तयागु थुपिं ल्‍वहंतय्‌गु च्‍वय् वयागु सिंहासन थापं याये। वं उकिया च्‍वय् थःगु पाल ग्‍वइ।

यर्मिया 50:3

छाय्‌धाःसा उत्तरपाखें छगू जातिं वयात हमला याइ, अले वयागु देशयात झिजांमिजां दंगुथाय् यानाबी। अन सुं च्‍वनी मखु, मनूत व पशुत निथिं बिस्‍युं वनी।”

यर्मिया 50:35

“बेबिलोनीतय्‌गु विरोधय् छपु तरवार!” परमप्रभुं धयादी, “बेबिलोनय् च्‍वंपिनिगु विरोधय् अले वया हाकिमत व बुद्धि दुपिं मनूतय्‌गु विरोधय्।

यर्मिया 51:11

“वाण च्‍वामुकि! ढालत का! परमप्रभुं मादीतय् जुजुपिन्‍त ग्‍वाकादीगु दु, छाय्‌धाःसा बेबिलोनयात नाश यायेगु हे वय्‌कःया बिचाः खः। परमप्रभुं बदला कयादी, थःगु देगःया निंतिं बदला।

यर्मिया 51:30

बेबिलोनया सिपाइँतय्‌सं लडाइँ यायेगु त्‍वःतूगु दु। इपिं ला थथःगु किल्‍ला दुने हे च्‍वनीगु। इमिगु बल कम जुइ धुंकल। इपिं मिस्‍त थें जूगु दु। इमिगु च्‍वनीगु थाय् मिं नकाबी धुंकल, उकिया ध्‍वाखाया गजबारत त्‍वथुलाबी धुंकल।

यर्मिया 51:58

दक्‍व शक्ति दुम्‍ह परमप्रभुं थथे धयादी, “बेबिलोनया तःब्‍यागु पःखाःयात जगंनिसें थुनाबी। अले उकिया ततःजाःगु ध्‍वाखात छ्वय्‌काबी, मनूतय्‌सं अथें थःत त्‍यानु चाय्‌की, यक्‍व देशयापिं दकःमितय्‌सं मफतय् ज्‍या यात छाय्‌धाःसा इमिगु ज्‍या मिं भस्‍म जुइ।”

इजकिएल 29:20

जिं वयागु कुतःया लागि वयात मिश्र देश बियागु दु छाय्‌धाःसा वया सेनां थ्‍व जिगु लागि यात, परमप्रभु परमेश्‍वरं धयादी।

दानिएल 5:6

वयागु ख्‍वाः वँचुसे च्‍वन। तसकं ग्‍याःगुलिं वयागु निगुलिं पुलि थुरथुर खात।

दानिएल 7:5

“अले भालू थें च्‍वम्‍ह निम्‍हम्‍ह जन्‍तु खना। व छखेपाखें दनाच्‍वंगु दु। वयागु म्‍हुतुया वायागु दथुइ स्‍वपु बपिक्‍वँय् दु। छगू सलं वयात धाल, ‘दनाः प्‍वाः जाय्‌क ला न।’

दानिएल 8:3

जिं स्‍वयाबलय्, अन खुसिया सिथय् निपु ततःपुगु नेकू दुम्‍ह छम्‍ह भ्‍याःचा दनाच्‍वंगु खना। वयागु छपु नेकू मेगु स्‍वयाः ताहाक। व ताहाःगु नेकू लिपा बुयावःगु खः।

दानिएल 8:4

व भ्‍याःचां पच्‍छिम, उत्तर व दच्‍छिनपाखे ब्‍वांय्‌ब्‍वांय् जुयाः च्‍वयाच्‍वंगु जिं खना। वयात पने फुम्‍ह छम्‍ह नं पशु मदु। सुनानं वयागु शक्तिपाखें बचय् याये मफुत। वं थःयत्‍थें यात अले व झन बल्‍लात।

नहूम 2:6

खुसिया बाँधया लुखा चाय्‌काबी अले जुजुया दरबार दुनी।

नहूम 3:13

छंगु सिपाइँत बल्‍लाइ मखु व ग्‍वाहालि मदुपिं मिसात थें जूगु दु। छंगु देशया मू ध्‍वाखात शत्रुतय्‌गु निंतिं चालाच्‍वंगु दु। ध्‍वाखाया गजबारत मिं नःगु दु।