यशैया 43:3 - नेवाः बाइबल

³ छाय्‌धाःसा जि परमप्रभु छिमि परमेश्‍वर खः, इस्राएलया पवित्र परमेश्‍वर, छिमि मुक्तिदाता। छन्‍त त्‍वतकेत मिश्र देश अले छंगु पलेसा कूश व सेबा जिं बी।

यशैया 43:3 ပူးပေါင်းရင်းမြစ်များ

उत्‍पत्ति 10:7

कूशया काय्‌पिं – सेबा, हवीला, सब्‍ता, रामाह व सब्‍तका। रामाहया काय्‌पिं – शेबा व ददान।

भजनसंग्रहया सफू 72:10

तर्शीश व तापाक तापाक च्‍वंगु समुद्रया सिथय् च्‍वंपिं जुजुतय्‌सं वयात कर पुलेहइ। शेबा व सेबाया जुजुपिन्‍सं वयात देछा छाःवइ।

प्रस्‍थान 10:7

फारोया भारदारतय्‌सं वयात धाल, “गुबलय् तक थ्‍व मनुखं झीत दुःख बियाच्‍वनीगु खः? वया मनूतय्‌त इमि परमप्रभु परमेश्‍वरया आराधना यायेत वनेबियादिसँ। छिं आः तक नं मिश्र देश गुलि स्‍यने धुंकल धयागु मस्‍यूनि ला?”

प्रस्‍थान 20:2

“छिपिं दास दासी जुयाच्‍वंगु मिश्र देशं पित हयाम्‍ह जि परमप्रभु छिमि परमेश्‍वर खः।

हितोपदेश 11:8

दुःखकष्‍टया इलय् धर्मीपिं मनूतय्‌त बचय् याइ। इमिगु पलेसा दुष्‍टतय्‌त लाःवनी।

हितोपदेश 21:18

दुष्‍ट मनूतय्‌सं धर्मी मनूतय्‌त बीत स्‍वःगु दुःख थःपिन्‍सं हे फयेमाली।

यशैया 19:20

मिश्र देशय् दक्‍व शक्ति दुम्‍ह परमप्रभुया निंतिं व छगू चिं व साक्षी जुइ। तच्‍वकं दुःख बीपिनिगु कारणं इमिसं परमप्रभुयात पुकारय् याइबलय् वय्‌कलं इमिगु निंतिं छम्‍ह मुक्तिदाता व छम्‍ह रक्षा याइम्‍ह छ्वयाहयादी, अले वय्‌कलं इमित छुत्‍कारा यानादी।

यशैया 20:3

अनंलि परमप्रभुं धयादिल, “गुकथं जिमि दास यशैया मिश्र देश व कूश देशया ग्‍यानापुगु दुःखया चिं जुइमाः धकाः स्‍वदँ तक पचिंनांगा व लाकां मदय्‌क न्‍यासि जुल,

यशैया 30:11

थ्‍व लँपु त्‍वःति! थ्‍व लँपुं लिहां वा! अले इस्राएलया पवित्र परमेश्‍वरनापं जिमिगु सामना यायेगु दिकी!”

यशैया 41:14

हे कीचा याकूब, ग्‍याये मते! हे चिधंगु इस्राएल, जिं हे छन्‍त ग्‍वाहालि याये।” परमप्रभु, छन्‍त उद्धार यानादीम्‍ह इस्राएलया दक्‍वसिबय् तःधंम्‍ह पवित्र परमेश्‍वरं थथे धयादी।

यशैया 42:8

“जि परमप्रभु खः, जिगु नां थ्‍व हे खः, जिगु महिमा जिं मेपिन्‍त बी मखु, जिगु प्रशंसा मूर्तितय्‌त बी मखु।

यशैया 43:11

जि खः, जि हे परमप्रभु खः। जि बाहेक मुक्ति बीम्‍ह सुं हे मदु।

यशैया 45:14

परमप्रभुं थथे धयादी, “मिश्र देशय् सःगु व कूश देशया व्‍यापार अले उपिं ततःधिकःपिं शेबाया मनूत व जात जातित छन्‍थाय् वइ, अले इपिं छंगु हे जुइ। इपिं सिखलं चिनातःगु अवस्‍थाय् छंगु ल्‍यूल्‍यू वइ, इपिं छंगु न्‍ह्यःने क्‍वछुइ अले थथे धकाः छन्‍त बिन्‍ति याइ, ‘धात्‍थें हे परमेश्‍वर छिलिसे दी, मेम्‍ह सुं मदु, वय्‌कः बाहेक सुं मेम्‍ह परमेश्‍वर मदु।’”

यशैया 45:15

हे परमेश्‍वर, इस्राएलया मुक्तिदाता। धात्‍थें छि हे परमेश्‍वर खः, सुनां थःत सुपिका तयादी।

यशैया 45:21

आः जूवइतिनिगु खँया बारे धा। छिपिं थःथवय् सल्‍लाह या। थ्‍व खँ यक्‍व दँ न्‍ह्यः सुनां धयाबिल? न्‍हापांनिसें सुनां धयाबिल? छु जि परमप्रभुं हे मखु ला? जि बाहेक मेपिं सुं परमेश्‍वर मदु। छम्‍ह धर्मी व मुक्ति बीम्‍ह परमेश्‍वर, जि बाहेक मेपिं सुं नं मदु।

यशैया 49:26

छिमित दुःखकष्‍ट ब्‍यूपिन्‍त जिं इमिगु थःगु हे ला नके। दाखमद्यं का थें इपिं थःगु हे हिं काइतिनि। अनंलि फुक्‍क मनूतय्‌सं थ्‍व खँ सी जि, परमप्रभु छन्‍त मुक्ति बीम्‍ह खः, अले छन्‍त उद्धार याइम्‍ह, याकूबया तसकं बल्‍लाःम्‍ह खः।”

यशैया 60:16

माम्‍हं थः मस्‍तय्‌त बिचाःसंचाः याःथें जाति जाति व जुजुपिन्‍सं छन्‍त बिचाः संचा याइ, उबलय् छं परमप्रभु थःत मुक्ति बीम्‍ह, उद्धार याइम्‍ह व याकूबया दक्‍व शक्ति दुम्‍ह खः धकाः थुइकी।

यशैया 63:8

वय्‌कलं धयादिल, “धात्‍थें हे थुपिं जिमि प्रजा खः, उपिं काय्‌पिं गुपिन्‍सं जितः ध्‍वखा बी मखु।” अथे जुयाः वय्‌कः इमित मुक्ति बीम्‍ह जुयादिल।

यर्मिया 14:8

हे इस्राएलया आशा, दुःखया इलय् वयात उद्धार यानादीम्‍ह, थ्‍व देशय् छि छाय् परदेशी थें जुयादियागु? छाय् छि छचा जक च्‍वनेत थःगु पाल ग्‍वइम्‍ह लँजुवाः थें जुयादियागु?

यर्मिया 16:21

परमप्रभुं धयादी, “उकिं जिं थःम्‍हं हे इमित स्‍यने, थुपालय् जिं इमित जिगु तागत व बल क्‍यने। अले इमिसं जिगु नां ‘परमप्रभु’ खः धकाः सी।”

इजकिएल 39:7

“‘जिं थःगु पवित्र नां जिगु प्रजा इस्राएलया दथुइ क्‍यने। जिं थःगु पवित्र नांयात अपमान याकेबी मखु। अले जात जातिं जि परमप्रभु हे इस्राएलया पवित्र परमेश्‍वर खः धकाः सी।

होशे 13:4

“तर जि ला परमप्रभु छिमि परमेश्‍वर खः। जिं छिमित मिश्र देशं पित हयागु खः। छिमिसं जि बाहेक सुं मेपिन्‍त परमेश्‍वर धकाः मानय् मयायेगु, छाय्‌धाःसा छिमित उद्धार याइम्‍ह जि जक खः।

लेवी 11:44

जि परमप्रभु छिमि परमेश्‍वर खः। छिमिसं थःपिन्‍त अर्पण यानाः पवित्र याना तयेमाः, छाय्‌धाःसा जि पवित्र खः। बँय् घिसय् जुया जुइपिं छुं नं कथंयाम्‍ह जन्‍तुपाखें छिपिं अशुद्ध जुइ मते।

आमोस 9:7

“अय् इस्राएलीत, छिपिं जिगु निंतिं कूशया सन्‍तान थें खः” परमप्रभुं धयादी। “छु जिं इस्राएलीतय्‌त मिश्र देशंनिसें, पलिश्‍तीतय्‌त कप्‍तोरंनिसें, अले अरामीतय्‌त कीरंनिसें लिकानाः हयागु मखु ला?

जकरिया 9:9

हे म्‍ह्याय् सियोन, लय्‌ताया च्‍वँ! हे म्‍ह्याय् यरूशलेम तसलं हा! स्‍व, छिमि जुजु छिमिथाय् झायादीगु दु। वय्‌कः धर्मीम्‍ह व मुक्ति बियादीम्‍ह खः। वय्‌कः क्‍वमिलुम्‍ह खः, वय्‌कः गधा गया, गधाया मचा गयाः झायादीगु दु।

यहूदा 1:25

येशू ख्रीष्‍टपाखें झीत मुक्ति बियादीम्‍ह, छम्‍ह हे जक परमेश्‍वर सदां तःधना च्‍वनेमा। अले फुक्‍क शक्ति, अधिकार नं वय्‌कःयाके हे सदां दयाच्‍वनेमा। आमेन।