यशैया 43:2 - नेवाः बाइबल

² छ तःजाःगु लखं जुयाः वनीबलय् जि छनापं हे दइ। छ खुसि जुयाः वनीबलय् उकिं छन्‍त त्‍वपुइ मखु। छ मिं जुयाः वनीबलय् उकिं छन्‍त थिइ मखु। उकिया मि जलं छन्‍त छ्वय्‌की मखु।

यशैया 43:2 ပူးပေါင်းရင်းမြစ်များ

अय्‍यूब 5:19

खुगू विपत्तितपाखें वय्‌कलं छन्‍त बचय् यानादी। न्‍हय्‌कःखुसीया विपत्तिं नं छंगु छुं स्‍यनी मखु।

भजनसंग्रहया सफू 23:4

न्‍ह्याथे हे तसकं खिउँसे च्‍वंगु लं वनेमाःसां जि छतिं हे ग्‍याये मखु, प्रभु! छाय्‌धाःसा छि जिलिसें दी, छिगु कथिं व तुतामं नं जितः ब्‍वलंकाबी।

भजनसंग्रहया सफू 32:6

उकिं ई दनिबलय् हे छितः विश्‍वास याइपिन्‍सं छिगु प्रार्थना यायेमाः। अले दुःखकष्‍टया खुसिबाः वःसां इमित स्‍यंके फइ मखु।

भजनसंग्रहया सफू 66:10

हे परमेश्‍वर, छिं जिमित जाँचय् यानादीगु दु, छिं जिमित वहःयात जाँचय् याःथें जाँचय् यानादीगु दु।

भजनसंग्रहया सफू 66:12

छिं जिमित जिमि शत्रुतय्‌पाखें न्‍हुकेबियादिल। जिपिं लः व मिया दथुं जुयाः वना। तर छिं जिमित आः सुरक्षित थासय् हयादीगु।

भजनसंग्रहया सफू 91:15

इमिसं जितः सःतीबलय् जिं इमित लिसः बी, इमित दुःख जुइबलय् जि इपिंनापं च्‍वने, जिं इमित बचय् याये, अले इज्‍जत याये।

प्रस्‍थान 14:29

इस्राएलीत धाःसा समुद्रया दथुं गंगु बँ जुयाः न्‍यासि वन। इमिगु जवंखवं लः पखाः जुयाच्‍वन।

प्रस्‍थान 3:12

परमेश्‍वरं धयादिल, “जि छनापं दइ। अले जिं हे छन्‍त छ्वयागु खः धयागु खँया चिं थ्‍व जुइ, छं थः मनूतय्‌त मिश्रं पित हये धुंकाः छिमिसं थ्‍व हे पर्वतय् परमेश्‍वरयात आराधना याइ।”

यशैया 29:6

दक्‍व शक्ति दुम्‍ह परमप्रभु नँ न्‍याःगु सः, भुखाय्, तःधंगु सः, चाकः फय् व ग्‍वःफय्, नाश याइगु मिंनापं झायादी।

यशैया 30:27

स्‍व! च्‍यानाच्‍वंगु तं व ख्‍वातुक वयाच्‍वंगु कुँत्‍याःनापं परमप्रभु थः हे थःगु तःधंगु नां क्‍यनेत तापाकं झायाच्‍वंगु दु। वय्‌कःया म्‍हुतुसि तमं जाः अले वय्‌कःया मे भस्‍म याइगु मि थें च्‍वं।

यशैया 41:10

अथे जुयाः ग्‍याये मते, छाय्‌धाःसा जि छनापं हे दु। नुगः क्‍वतुंके मते, छाय्‌धाःसा जि हे छिमि परमेश्‍वर खः। जिं छन्‍त बल्‍लाके। जिं छन्‍त ग्‍वाहालि याये। जिगु धार्मिकताया जव ल्‍हातं जिं छन्‍त तिबः बी।

यशैया 41:14

हे कीचा याकूब, ग्‍याये मते! हे चिधंगु इस्राएल, जिं हे छन्‍त ग्‍वाहालि याये।” परमप्रभु, छन्‍त उद्धार यानादीम्‍ह इस्राएलया दक्‍वसिबय् तःधंम्‍ह पवित्र परमेश्‍वरं थथे धयादी।

यशैया 43:5

ग्‍याये मते, छाय्‌धाःसा जि छनापं हे दु। जिं छिमि सन्‍तातय्‌त पुर्बंनिसें हये, पच्‍छिमंनिसें छिमित छथाय् मुंके।

यर्मिया 42:11

छिपिं आः ग्‍यानाच्‍वंगु बेबिलोनया जुजुलिसें ग्‍याये मते, परमप्रभुं धयादी, छाय्‌धाःसा छिमित वयागु ल्‍हातं बचय् यायेत व त्‍वःतकेत जि छिपिंलिसें दु।

यर्मिया 46:28

हे जिम्‍ह दास याकूब, छ ग्‍याये मते, छाय्‌धाःसा जि छलिसें दु,” परमप्रभुं धयादी। “गुगु गुगु देशय् जिं छिमित छ्यालब्‍याल याना, व फुक्‍क देशयात नाश यानाबी। छिमित धाःसा भज्‍यंक नाश याये मखु। जिं छन्‍त सजाँय मब्‍यूसे त्‍वःते ला मखु अय्‌नं भिंकेबलय् खःकथं न्‍याय यानाः भिंके।”

दानिएल 3:23

थुकथं स्‍वम्‍ह चिनातःपिं मनूत ह्वाना ह्वाना च्‍यानाच्‍वंगु मिया भट्टीइ दुने लात।

हाग्‍गै 1:13

परमप्रभुया दूत हाग्‍गैनं परमप्रभुयागु बुखँ मनूतय्‌त न्‍यंकल। परमप्रभुं धयादी, “जि छिपिंलिसें दु।”

जकरिया 13:9

थ्‍व हे स्‍वब्‍वय् छब्‍व मनूतय्‌त जाँचय् यायेत मिं वहः यचुकीगु थें जिं इमित यचुके। लुँयात जाँचय् यानागु थें जिं इमित जाँचय् याये, अबलय् इमिसं जिगु नामं बिन्‍ति याइ। अले जिं इमित लिसः बी, ‘इपिं जि प्रजा खः’ धकाः जिं इमित धाये। अले इमिसं धाइ, ‘परमप्रभु जिमि परमेश्‍वर खः।’”

मलाकी 4:1

“स्‍व! मि च्‍यानाच्‍वंगु भट्टी थें च्‍वंगु व दिं वयाच्‍वंगु दु। उखुन्‍हु सकल घमण्‍डीत व मभिंगु ज्‍या याइपिं सु थें याकनं च्‍याइ। व दिनं इमित हा व कचा तक हे ल्‍यं मदय्‌क छ्वय्‌काबी,” दक्‍व शक्ति दुम्‍ह परमप्रभुं धयादी।

मत्ती 1:23

“ब्‍याहा मयानिम्‍ह छम्‍ह मिसां काय् बुइकी, वय्‌कःया नां इम्‍मानुएल तइ।” इम्‍मानुएल धाःगु “परमेश्‍वर झीनाप दु” धइगु खः।

२ तिमोथी 4:17

उबलय् प्रभुं हे जि नाप झायाः जितः बांलाक भिंगु खँ न्‍यंकेत शक्ति बियादिल। अय्‌जूगुलिं जिं यहूदीमखुपिन्‍त भिंगु खँ न्‍यंके फत। थुकथं वय्‌कलं जितः सिंहयागु म्‍हुतुं बचय् यानादिल।

२ तिमोथी 4:22

प्रभु छंगु नुगलय् दीमा। परमेश्‍वरं छिमित दया माया यानादीमा।

हिब्रू 11:29

विश्‍वासं हे इस्राएलीत बँय् न्‍यासि वने थें लाल समुद्र छिनावन। मिश्र देशय् च्‍वंपिं नं अथे हे समुद्र छिनाः वंबलय् दुनाः सित।

यहोशू 1:5

छ म्‍वानाच्‍वंतले छंगु विरोधय् सुं दनाच्‍वने फइ मखु। गथे जि मोशानापं च्‍वना, अथे हे जि छनापं च्‍वने। जिं छन्‍त गुबलें त्‍वःते मखु, गुबलें त्‍यागय् याये मखु।

यहोशू 1:9

जिं छन्‍त आज्ञा बियागु, मखु ला? बल्‍ला व साहसी जु! ग्‍याये मते, नुगः क्‍वतुंके मते, छाय्‌धाःसा छ न्‍ह्याथाय् वंसां परमप्रभु छिमि परमेश्‍वर छनापं दइ।”