यशैया 43:12 - नेवाः बाइबल

¹² जिं लिपा जुइगु खँ न्‍हापा हे धयाबियागु दु, बचय् यानागु दु अले घोषणा यानागु दु, “छिमिगु दथुइ जिं हे थ्‍व यानागु दु बिदेशी द्यःतय्‌सं मखु।” परमप्रभुं धयादी, “जि हे परमेश्‍वर खः धयागुया साक्षी छिपिं खः।

यशैया 43:12 ပူးပေါင်းရင်းမြစ်များ

यशैया 37:20

आः हे परमप्रभु, जिमि परमेश्‍वर, जिमित वयागु ल्‍हातं त्‍वःतकादिसँ, अले संसारया फुक्‍क देशं छि परमप्रभु जक परमेश्‍वर खः धकाः सीमा।”

यशैया 37:7

बांलाक न्‍यँ, जिं वयागु बिचाःयात हीकाबी, गुकें यानाः व छुं खबर न्‍यनाः थःगु हे देशय् लिहांवनी। अन जिं वयात तरवारं पालाः स्‍याके बी।’”

यशैया 43:10

परमप्रभुं धयादी, “अय् इस्राएलया मनूत, छिपिं जिगु साक्षी व जिं ल्‍ययापिं दास खः।” छिमिसं जितः म्‍हसीकेगु व विश्‍वास याये फयेमा, अले जि परमेश्‍वर खः धकाः थुइके फयेमा। मेपिं द्यःतय्‌त दय्‌के न्‍ह्यः हे जि दु, मेपिं फुक्‍क द्यःत मदये धुंकाः नं जि दइ।

यशैया 44:8

यक्‍व न्‍हापांनिसें आः तक छिमित छु जिं लिपा जुइगु खँ कनागु मदु ला? उकिं छिपिं ग्‍याये मते वा थुरथुर खाये मते। छिपिं जिगु साक्षी खः। छु जि बाहेक मेपिं परमेश्‍वर दु ला? मदु, अन छुनं मेगु ल्‍वहंधी मदु, मेम्‍ह सुं नं परमेश्‍वर मदु!”

यशैया 45:19

जिं खिउँगु देशय् सुनां मसीक न्‍वमवाना, ‘जिं छन्‍त मफतय् माला’ धकाः याकूबया सन्‍तानयात मधया। जि परमप्रभुं सत्‍य नवाये, जिं पाय्‌छिगु खँ घोषणा याये।”

यशैया 55:4

स्‍व, जिं वयात जाति जातितय् दथुइ साक्षी बीत, व इमि नायः व कप्‍तान जुयेत ल्‍ययागु दु।

व्‍यवस्‍था 32:12

परमप्रभु याकःचां हे इमित लँपु क्‍यनादिल, इपिं विदेशी द्यःतय् ल्‍यू मवं।

व्‍यवस्‍था 32:16

इमिसं मेपिं द्यःतय्‌त मानय् यानाः वय्‌कःयागु नुगः मुइकूगु दु। घच्‍चाइपुगु मूर्ति पुजा यानाः वय्‌कःयात तंचाय्‌कूगु दु।

व्‍यवस्‍था 32:39

“जि छम्‍ह हे जक परमेश्‍वर खः। जि बाहेक मेम्‍ह सुं द्यः मदु। जिं हे मृत्‍यु बी, जिं हे जीवन बी। जिं घाः याये, जिं हे लाय्‌काबी, जिं यानागु ज्‍यायात सुनानं पने फइ मखु।