यशैया 42:9 - नेवाः बाइबल

⁹ स्‍व, न्‍हापायागु खँ ला जुइ धुंकल, आः न्‍हूगु खँ जिं कने। व जुइ न्‍ह्यः हे उकिया बारे जिं छिमित घोषणा याये।”

यशैया 42:9 ပူးပေါင်းရင်းမြစ်များ

१ राजा 11:36

जिगु नां तयेत ल्‍ययागु शहर यरूशलेमय् जिगु न्‍ह्यःने जिम्‍ह दास दाऊदया छप्‍वाः मत च्‍यानाच्‍वनेमा धकाः छगू कुल जिं वया काय्‌यात बी।

यशैया 43:19

स्‍व, जिं छगू न्‍हूगु ज्‍या यानाच्‍वनागु दु, व आः जुया वइतिनि, छु छिमिसं व मखं ला? जिं मरुभूमिइ छपु लँपु दय्‌का च्‍वनागु दु, अले गंगु बँय् खुसिचात न्‍ह्याकाः च्‍वनागु दु।

यशैया 48:3

थ्‍व खँ बांलाक न्‍यँ, छु छु जुइ धकाः जिं यक्‍व न्‍ह्यः हे धायेधुन। व जिं जिगु म्‍हुतुं क्‍यनाबिया, अले जिं उपिं क्‍यनाबिया। जिं व आकाझाकां हे यानाबिया, अले उपिं फुक्‍क जिं धया थें हे जुल।

यशैया 48:5

अथे जुयाः जिं छन्‍त थुपिं खँत न्‍हापा हे धया। अले जिं छन्‍त न्‍हापा हे थ्‍व जुइ न्‍ह्यः हे धयाबियागु खः, छं थथे धाये मफयेमा धकाः, ‘जिगु द्यःतय्‌सं थुपिं याःगु खः। जिगु सिँ व ढलोटं दय्‌काः तःगु मूर्तितय्‌गु आज्ञां थथे जूगु खः।’

यशैया 48:6

छं थुपिं खँत न्‍यंगु दु, थुपिं फुक्‍क खँयात बांलाक स्‍व! छु छं थुकियात मानय् मयायेगु ला? “आवंलि जिं छन्‍त न्‍हूगु न्‍हूगु खँ व छं मस्‍यूगु गुप्‍ति खँ कने।

यूहन्‍ना 13:19

जुइ न्‍ह्यः हे जिं थथे जुइ धकाः धयागुलिं थथे जुल धाय्‌वं जि व हे खः धकाः छिमिसं विश्‍वास याइ।

प्रेरित 15:18

परमप्रभुं धयादीगु थ्‍व खँ, न्‍हापांनिसें हे धयावयाच्‍वंगु खः।’”

यहोशू 21:45

इस्राएलयापिं मनूतय्‌त बियादीगु छगू छगू बचं परमप्रभुं पूवंकादिल।