1 “थ्व जिमि दास खः, गुम्हय्सित जिं तिबः बी, थ्व जिं ल्ययाम्ह मनू खः, थ्व खनाः जि लय्ता। वयाके जिं जिगु आत्मा तयाबियागु दु, वं जात जातिया निंतिं न्याय हइ।
यहूदाया ल्हातिइ न्ह्याबलें राजदण्ड दइ, वया सन्तानं न्ह्याबलें शासन याइ। जाति जातितय्सं वयात कोसेलि हइ अले इमिसं वयाः वयात भागि याइ।
जुजुं चीमिपिन्त नं उतिग्यंक बिचाः यायेमा, मगाःमचाःपिन्त ग्वाहालि यायेमा अले इमित क्वत्यलातःपिन्त न्हंकाछ्वयेमा।
‘छिमि छम्ह सन्तान न्ह्याबलें जुजु जुयाच्वनी, छंगु सिंहासनयात पुस्तां पुस्ता तक तये।’” सेला
वय्कलं जाति जातितय्गु दथुइ न्याय यानादी। अले यक्व मनूतय्गु ल्वापुख्यापु मिलय् यानादी। इमिसं थःगु तरवारयात मुगलं दायाः हलोया फालि व भालायात ईंचा दय्की। जाति जातितय् दथुइ ल्वापुख्यापु जुइ मखु, अले लडाइँया निंतिं सुनानं स्यनेकने याइ मखु।
व मरुभूमिइ न्याय बाय् च्वनी, अले नायुगु बुँइ धार्मिकता बाय् च्वनी।
“तर छ! हे इस्राएल, जिमि दास, याकूब, सुयात जिं ल्ययागु दु। जिमि पासा अब्राहामया वंश,
छन्त जिं पृथ्वीयागु ताताःपाःगु थासं हया, अले पृथ्वीया कुन्चां जिं छन्त सःता। अले जिं धया, ‘छ जिम्ह दास खः।’ जिं छन्त ल्ययागु दु, त्वःतागु मदु।
व चिल्लाय् दनाः हाली मखु, वा तसकं हाली मखु अले वं लँय् थःगु सः न्यंका जुइ मखु।
परमप्रभुं धयादी, “अय् इस्राएलया मनूत, छिपिं जिगु साक्षी व जिं ल्ययापिं दास खः।” छिमिसं जितः म्हसीकेगु व विश्वास याये फयेमा, अले जि परमेश्वर खः धकाः थुइके फयेमा। मेपिं द्यःतय्त दय्के न्ह्यः हे जि दु, मेपिं फुक्क द्यःत मदये धुंकाः नं जि दइ।
छिपिं मध्ये सुनां परमप्रभुया भय काइ, अले वय्कःया दासया खँ मानय् याइ? जः मदय्क खिउँथाय् जुइपिं, परमप्रभुया नामय् भलसा ति अले थः परमेश्वरयाके हे भलसा या।
स्व, जिमि दास ताःलाइतिनि। वयात च्वछाइ, थकाइ अले वयात तसकं तःधंकी।
वं थःगु प्राणं तसकं सास्ती नये धुंकाः वं जीवनया जः खनी अले थः लुधनी। थःगु ज्ञानं यानाः जिमि धर्मीम्ह दासं यक्वसित धर्मी यानाबी, वं हे इमिगु अधर्म क्वबिइ।
परमप्रभुं धयादी, “जिगु खँय् धाःसा, जिगु बाचा छिमिगु निंतिं थ्व हे जुइ। जिगु आत्मा छंके दु व चिलावनी मखु, अले जिगु वचन जिं छंगु म्हुतुइ तयाबियागु दु। उपिं छंगु म्हुतुइ व छिमि काय् म्ह्याय्पिनिगु म्हुतुइ व छिमि सन्तानतय् म्हुतुइ थनिंनिसें सदांया निंतिं दयाच्वनी।” परमप्रभुं घोषणा यानादी।
मगाःमचाःपिन्त भिंगु खँ न्यंकेत परमप्रभुं जितः ल्ययादीगुलिं परमप्रभु परमेश्वरया आत्मा जिके दु। नुगः क्वतुंवंपिन्त लाय्काबीत, चिना तःपिन्त त्वःताबीत व कुनातःपिन्त छुत्काराया घोषणा यायेत वय्कलं जितः छ्वयाहयादीगु खः।
एदोमपाखें व बोज्रापाखें ह्याउँसे च्वंगु वसः पुनावःम्ह सु खः? झःझः धाःगु वसः पुनाः अले थःगु तःधंगु शक्तिं वयाच्वंम्ह सु खः? “धार्मिकतां न्ववाइम्ह व बचय् यायेत तसकं शक्ति दुम्ह जि हे खः।”
“ ‘उखुन्हु, हे शालतिएलया काय् जिम्ह दास यरूबाबेल, जिं छन्त कयाः अंगूयात थें तये, छाय्धाःसा जिं छन्त ल्ययागु दु’ धकाः दक्व शक्ति दुम्ह परमप्रभुं धयादी।”
“‘हे यहोशू, दकलय् तःधंम्ह पुजाहारी व छंगु न्ह्यःने च्वनीपिं मेपिं पुजाहारी, गुपिं वइतिनिगु खँया चिं खः, सकसिनं थ्व खँ न्यँ– जिं जिमि दास, कचायात हये।
“सूर्य लुया वइगु थासंनिसें सूर्य बिनावनीगु थाय् तक जात जातितय्गु दथुइ जिगु नां तःधनी। फुक्क थासय् जिगु नामय् धुपाँय् च्याकी अले नाले बहःगु देछा छाइ, छाय्धाःसा जाति जातितय् दथुइ जिगु नां तःधनी,” दक्व शक्ति दुम्ह परमप्रभुं धयादी।
पत्रुसं थथे धयाच्वंबलय् तसकं थीगु सुपाँय् वयाः इमित त्वपुल। अले सुपाँय् दुनें थथे धयाहःगु सः ताये दत – “थ्व जि यःम्ह काय् खः। थ्व लिसे जि तसकं लय्तायागु दु। थ्वं धाःगु खँ न्यँ।”
पवित्र आत्मा सुकुभतु थें जुयाः वय्कःयागु म्हय् कुहां झाल। अबलय् हे स्वर्गं थथे धकाः धयाहल – “छ जि यःम्ह काय् खः। छ खनाः जि लय्ताः।”
“मगाःमचाःपिन्त भिंगु खँ न्यंकेत परमप्रभुं जितः ल्ययादीगुलिं परमप्रभुयागु आत्मा जिके च्वनादीगु दु। परमप्रभुं चिना तःपिन्त त्वःताबीत, कांपिन्त मिखां खंका बीत, अले न्हुत्तुन्हुया तःपिन्त थना बीत,
अले परमप्रभुं दया माया यानादीगु थुबलय् हे खः धकाः नं न्यंका जुइत जितः छ्वयाहयादीगु खः।”
अले सुपाँचं थथे धकाः न्ववाना हल – “थ्व जिं ल्यया तयाम्ह जिम्ह काय् खः, थ्वयागु खँ न्यँ।”
ई वइ, अले वये नं धुंकल, आः छिपिं फुक्कं जितः त्वःताः छ्यालब्याल जुयाः थथःगु थासय् वनी। थुकथं जि याकःचा जुइ, अय्नं जि याकःचा जुइ मखु, छाय्धाःसा जि नाप बाः दी।
परमेश्वरं छ्वया हःम्हय्सिनं हे जक परमेश्वरयागु वचन नवाइ, छाय्धाःसा वय्कःयात पवित्र आत्मां जाय्कादीगु दु।
सितिं वनीगु नसायागु निंतिं ज्या याये मते, बरु मनूया काय्नं बीगु अनन्त जीवन तक दयाच्वनीगु नसायागु निंतिं ज्या या। परमेश्वर बाःनं जितः थ्व हे ज्या यायेत छ्वयाहयादीगु खः।”
अले हानं गथे परमेश्वरं थ्व हे नासरतयाम्ह येशूयात पवित्र आत्मां जाय्काः यक्व शक्ति बियादिल। अले येशूं फुक्कसितं भिंकाः शैतानं दुःखकष्ट बियातःपिन्त लाय्कादिल। छाय्धाःसा परमेश्वर वय्कः नाप दीगु खः धकाः छिकपिन्सं नं स्यू।
इमिसं फुक्क खँ न्यने धुंकाः पत्रुसयात ब्वःबीगु त्वःताः थथे धकाः परमेश्वरयात तःधंकल – “अय्सा परमेश्वरं यहूदीमखुपिन्त नं पश्चाताप याकाः म्वाकादिल खनी।”
“अले पावलं नं थथे धाल – परमेश्वरं थ्व मुक्ति यहूदीमखुपिन्त बियादीगु दु धकाः छिकपिन्सं सीकि, अले इमिसं न्यनाः विश्वास याइ।”
तर प्रभुं वयात धयादिल – “छ हुँ छाय्धाःसा यहूदीमखुपिन्त, जुजुपिन्त व इस्राएलीतय्त नं जिगु नां न्यंके छ्वयेत जिं थ्व मनूयात ल्ययागु दु।
संसार मदुनिबलय् हे परमेश्वरं झीत वय्कःया न्ह्यःने धर्मी ठहरय् जुइत व पवित्र यायेत ल्ययादीगु खः।
वय्कलं झीत थथे तःधंगु दया माया यानादीगुलिं झीसं वय्कःयात तःधंकेमाः। वय्कलं थः यःम्ह काय्पाखें झीत दया माया यानादिल।
परमेश्वरया चिधंम्ह स्वयाः नं अज्ज चिधंम्ह मनू जितः हे ख्रीष्टयागु तःजिगु भिंगु खँ यहूदीमखुपिन्त न्यंकः वनेगु ज्या परमेश्वरं लःल्हानादिल।
थःयसें फुक्कं त्वःताः दास थें जुयादिल, अले झीपिं थें मनू जन्म कयादिल।
वय्कलं हे झीत शैतानयागु खिउँगु राज्यं लिगनाः थः यःम्ह काय्यागु राज्यय् हयादिल।
वय्कः मनूतय्सं ज्यालगय् मजू धकाः चीकूगु, अय्नं परमेश्वरं ल्ययादीगु, म्वाःगु व तःजिगु ल्वहं खः। उकिं प्रभुयाथाय् वा।
थ्व हे खँ धर्मशास्त्रय् थथे च्वयातःगु दु – “स्व, जिं ल्यया तयागु छगः तसकं हे थिकेगु मू ल्वहं सियोनय् तये, अले उकियात विश्वास याःपिन्सं लज्या चाये माली मखु।”