यशैया 41:8 - नेवाः बाइबल

⁸ “तर छ! हे इस्राएल, जिमि दास, याकूब, सुयात जिं ल्‍ययागु दु। जिमि पासा अब्राहामया वंश,

यशैया 41:8 ပူးပေါင်းရင်းမြစ်များ

१ इतिहास 16:13

अय्, वय्‌कःया दास इस्राएलया सन्‍तान, अय्, वय्‌कलं ल्‍ययादीपिं याकूबया काय्‌पिं।

२ इतिहास 20:7

हे जिमि परमेश्‍वर, छिकपिनि थः जाति इस्राएलया न्‍ह्यःने छु छिं थ्‍व देशयापिं मनूतय्‌त पितिना थुकियात छिकपिनि पासा अब्राहामया सन्‍तानतय्‌त न्‍ह्याबलेंया लागि बियादियागु मखु ला?

भजनसंग्रहया सफू 135:4

परमप्रभुं याकूबयात थःगु निंतिं, इस्राएलयात मू वंगु थः प्रजा जुइत ल्‍ययादीगु दु।

भजनसंग्रहया सफू 136:21

इमिगु देश वय्‌कलं थः प्रजायात सर्बय कथं बियादिल, वय्‌कःया दया माया सदां दयाच्‍वनी।

भजनसंग्रहया सफू 136:22

वय्‌कलं थः दास इस्राएलयात वयागु सर्बय बियादिल, वय्‌कःया दया माया सदां दयाच्‍वनी।

भजनसंग्रहया सफू 33:12

धन्‍य खः व जातिया मनूत, गुगु जातिया परमेश्‍वर परमप्रभु खः। इपिं धन्‍यपिं खः, सुयात परमप्रभुं थः सर्बय जुइत ल्‍ययादिल।

यशैया 14:1

परमप्रभुं याकूबया घरानायात दया यानादी, वय्‌कलं इस्राएलयात हाकनं छकः थः मनूकथं ल्‍ययाः इमिगु थःगु हे देशय् पलिस्‍था यानादी, अन पिने वःपिं मनूत इपिंनापं मिलय् जू वइ अले याकूबया घरानानापं मिलय् जुयाच्‍वनी।

यशैया 29:22

अथे जुयाः अब्राहामयात त्‍वःतकादीम्‍ह परमप्रभुं याकूबया घरानायात थथे धयादी, “याकूब आः लाजय् लाइ मखुत, न इमिगु ख्‍वाः वँचुसे च्‍वनी।

यशैया 42:1

“थ्‍व जिमि दास खः, गुम्‍हय्‌सित जिं तिबः बी, थ्‍व जिं ल्‍ययाम्‍ह मनू खः, थ्‍व खनाः जि लय्‌ता। वयाके जिं जिगु आत्‍मा तयाबियागु दु, वं जात जातिया निंतिं न्‍याय हइ।

यशैया 42:19

तर जिमि दासत बाहेक मेपिं सु कांपिं दु धकाः? वा जिं छ्वयापिं दूत थें ख्‍वाँय्‌पिं सु दु धकाः? जिं थःगु लागिं अलग यानाम्‍ह थें ज्‍यापिं कांपिं सु दु धकाः? परमप्रभुया दास थें कांम्‍ह मेपिं सु दु धकाः?

यशैया 43:1

तर आः, हे याकूब, छन्‍त सृष्‍टि यानादीम्‍ह, हे इस्राएल, छन्‍त आकार ब्‍यूम्‍ह परमप्रभुं थथे धयादी, “ग्‍याये मते, छाय्‌धाःसा जिं छन्‍त मू पुलाः त्‍वःतकागु दु। जिं छन्‍त छंगु नां कयाः सःतागु दु, छ जिम्‍ह हे खः।

यशैया 43:10

परमप्रभुं धयादी, “अय् इस्राएलया मनूत, छिपिं जिगु साक्षी व जिं ल्‍ययापिं दास खः।” छिमिसं जितः म्‍हसीकेगु व विश्‍वास याये फयेमा, अले जि परमेश्‍वर खः धकाः थुइके फयेमा। मेपिं द्यःतय्‌त दय्‌के न्‍ह्यः हे जि दु, मेपिं फुक्‍क द्यःत मदये धुंकाः नं जि दइ।

यशैया 43:5

ग्‍याये मते, छाय्‌धाःसा जि छनापं हे दु। जिं छिमि सन्‍तातय्‌त पुर्बंनिसें हये, पच्‍छिमंनिसें छिमित छथाय् मुंके।

यशैया 44:21

“हे याकूब, हे इस्राएल, थुपिं खँ लुमंकी, छाय्‌धाःसा छ जिमि दास खः। जितः सेवा यायेत जिं छन्‍त दय्‌कागु खः। हे इस्राएल, जिं छन्‍त गुबलें ल्‍वःमंके मखु।

यशैया 45:4

जिमि दास याकूबया निंतिं, जिं ल्‍ययागु इस्राएलया निंतिं, जिं छन्‍त छंगु नां कयाः सःतागु दु। छं जितः नाला मकाःसां जिं छन्‍त तःधंगु इज्‍जत बियागु दु।

यशैया 48:12

“हे याकूबया सन्‍तान, जिं ल्‍ययाम्‍ह इस्राएल, जिगु खँ ध्‍यान बियाः न्‍यँ! जि परमेश्‍वर खः, जि हे शुरु व अन्‍त खः।

यशैया 49:3

वय्‌कलं धयादिल, “छ जिमि दास इस्राएल खः। जिं छंके जिगु गौरव क्‍यनाबी।”

यशैया 51:2

छिमि पुर्खा अब्राहाम व छिमिगु फुक्‍क जातियात बुइकूम्‍ह सारायात स्‍व। जिं सःताबलय् अब्राहाम छम्‍ह जक दु, अले जिं वयात आशिष बियाः वयात यक्‍व दय्‌काबिया।

यशैया 63:16

तर छि ला जिमि अबु खः। अब्राहामं जिमित म्‍हमस्‍यूसां अले इस्राएलं जिमित नाला मकाःसां, छि, हे परमप्रभु, जिमि अबु खः। छिगु नां न्‍हापांनिसें हे जिमित उद्धार याइम्‍ह खः।

यर्मिया 33:24

“थुपिं मनूतय्‌सं जिं ल्‍ययागु निगू राज्‍ययात जि, परमप्रभुं त्‍वःतूगु दु धकाः धयाच्‍वंगु छं मस्‍यू ला? अथे जुयाः थुमिसं जि मनूतय्‌त तसकं मयय्‌कीगु अले इमित छगू जाति खः धकाः मानय् मयाः।

लेवी 25:42

छाय्‌धाःसा इस्राएलीत जिमि दासदासीत खः। इमित जिं मिश्र देशं पित हयागु खः। इमित दासतय्‌त थें न्‍यायेमिइ याये मज्‍यू।

मलाकी 1:2

परमप्रभुं धयादी, “जिं छिमित माया यानागु दु।” “तर छिमिसं धाइगु, ‘छिं जिमित गय् यानाः माया यानादियागु दु लय्?’ “परमप्रभुं धयादी, ‘एसाव याकूबया दाजु, मखु ला?’ अय्‌नं जिं छिमि पुर्खा याकूबयात ल्‍यया।

मत्ती 3:9

‘अब्राहाम हे जिमि बाः खः, उकिं जिमित छुं नं जुइ मखु’ धकाः धयाजुइ मते, छाय्‌धाःसा जिं छिमित धाये – परमेश्‍वरं अब्राहामया निंतिं थुपिं ल्‍वहँतं नं मस्‍त दय्‌कादी फु।

गलाती 3:19

अय्‌सा व्‍यवस्‍था छाय् बिल लय्? मभिंगु ज्‍याखँ सीके बीत परमेश्‍वरं झीत व्‍यवस्‍था बियादीगु खः। अय्‌नं परमेश्‍वरं बाचा चिनातःम्‍ह ख्रीष्‍ट मझातले जक व्‍यवस्‍था दयाच्‍वनी। थ्‍व व्‍यवस्‍था परमेश्‍वरं स्‍वर्गदूततय्‌पाखें मोशायात बीके हयादीगु खः। थुकथं मोशा मनूत व परमेश्‍वरया दथुइ ज्‍या याइम्‍ह जुल।

व्‍यवस्‍था 10:15

अय्‌नं छिमि पुर्खातय्‌त परमेश्‍वरं माया यानाः ल्‍ययादिल। अथे जुयाः मेगु फुक्‍क जातितय् दथुं वय्‌कलं छिपिं, इमि सन्‍तानतय्‌त ल्‍ययादिल। थथे छिपिं थौं तक नं वय्‌कःयागु ल्‍यःपिं मनूत खः।

व्‍यवस्‍था 14:2

छाय्‌धाःसा छिपिं परमप्रभु छिमि परमेश्‍वरया लागिं छगू पवित्र जाति खः। परमप्रभुं पृथ्‍वीइ दुपिं जातितपाखें छिमित थः विशेष मनूत, मू वंगु सम्‍पत्ति जुइत ल्‍ययादीगु दु।

याकूब 2:23

थुकथं धर्मशास्‍त्रय् च्‍वयातःगु थ्‍व खँ पूवन – “अब्राहामं परमेश्‍वरयात अथे विश्‍वास याःगुलिं हे वयात धर्मीम्‍ह मनू धकाः धयादिल।” “अब्राहाम जिम्‍ह पासा खः” धकाः परमेश्‍वरं हे धयादिल।