यशैया 41:5 - नेवाः बाइबल

⁵ टापुत थ्‍व खनाः तसकं ग्‍यात। पृथ्‍वीया ताताःपाःगु देशत थुरथुर खात। इपिं लिक्‍क थ्‍यंकः वल।

यशैया 41:5 ပူးပေါင်းရင်းမြစ်များ

उत्‍पत्ति 10:5

थुमिपाखें हे समुद्र सिथय् च्‍वनीपिं मनूत न्‍यनावन। थुकथं येपेतया सन्‍तान थीथी थाय्, भाय्, जात व जाति जुयाः न्‍यनावन।

भजनसंग्रहया सफू 65:8

छिगु अजू चायापुगु ज्‍या खनाः पृथ्‍वीया कुंकुलामय् च्‍वंपिं मनूत ग्‍याःगु दु। छिं थःगु ज्‍यां निभाः लुइगु थासंनिसें निभाः बीगु थासय् थ्‍यंक लसतां भय्‌बिका ब्‍यूगु दु।

भजनसंग्रहया सफू 65:9

छिं पृथ्‍वीयागु च्‍यूताः कयादी, अले उकियात लः बियाः सय्‌कीगु यानादी। बुँइ अन्‍न सय्‌केत परमेश्‍वरया खुसि लखं जाः। छिं थथे थुकथं यानादी –

भजनसंग्रहया सफू 66:3

परमेश्‍वरयात धा, “छिं यानादीगु ज्‍या गपाय्‌सकं अजू चायापु। छिगु शक्ति नं थुलि तःधं, शत्रुत छिगु न्‍ह्यःने ग्‍यानाः कय्‌कुनी।

भजनसंग्रहया सफू 67:7

परमेश्‍वरं झीत आशिष बियाच्‍वनादीमा। अले पृथ्‍वीया कुंकुलामय् च्‍वंपिं सकल मनूतय्‌सं वय्‌कःयागु भय काइ।

प्रस्‍थान 15:14

थ्‍व खँ न्‍यनाः जातित थुरथुर खात। पलिश्‍तीत देशय् च्‍वंपिनिगु नुगः हीसे च्‍वन।

यशैया 41:1

“हे टापुत, जिगु न्‍ह्यःने सुम्‍क च्‍वँ! जात जातितय्‌सं न्‍हूगु बल कायेमा! इपिं न्‍ह्यःने वयाः खँ ल्‍हाः वयेमा! झीपिं न्‍याय याइगु थासय् मुंवनेनु।

यशैया 41:6

छम्‍हय्‌सिनं मेम्‍हय्‌सित ग्‍वाहालि याइ, अले थः किजायात थथे धाइ, “साहस या!”

इजकिएल 26:18

आः छंगु पतनया दिनय् समुद्र सिथय्‌यागु देशत थुरथुर खाइ। छ तनावंगु खनाः समुद्रया टापुत ग्‍याःगु दु।’”

यहोशू 2:10

छिकपिं मिश्र देशं पिहां झाःबलय् छिकपिनिगु न्‍ह्यःने परमेश्‍वरं लाल समुद्रया लः सुकादीगु अले यर्दन पुर्बयापिं एमोरीतय् निम्‍हं जुजु सीहोन व ओगयात छिकपिन्‍सं भज्‍यंक नाश यानादीगु नं जिमिसं न्‍यनागु दु।

यहोशू 5:1

इस्राएलीतय्‌सं खुसि मछीतले परमप्रभुं यर्दनयात गंगु बँ यानादीगु खँ यर्दनया पच्‍छिमय् च्‍वंपिं एमोरी जुजुपिन्‍सं व समुद्रया सिथय् च्‍वंपिं कनानी फुक्‍क जुजुपिन्‍सं न्‍यन। इस्राएलीतय्‌सं यानाः इमिगु नुगः भाराभारा मिनाः साहस मन्‍त।