यशैया 41:26 - नेवाः बाइबल

²⁶ छिपिं मध्‍ये गुम्‍ह द्यवं शुरुंनिसें थ्‍व क्‍यनाब्‍यूगु दु अले झीसं सीके फत? शुरुंनिसें सुनां थ्‍व क्‍यनाबिल अले पाय्‌छि जू धकाः झीसं धायेफत? थ्‍व खँ झीत सुनानं धयाब्‍यूगु मदु, न्‍हापा सुनानं छगू बचं धाःगु मदु। छिमिसं धाःगु वचन सुनानं न्‍यंगु मदु।

यशैया 41:26 ပူးပေါင်းရင်းမြစ်များ

यशैया 41:22

अय् मूर्तित, लिपा छु जुइतिनि जिमित धा, छिमिगु न्‍हापा जुइ धुंकूगु खँ जिमित धा। गुकिं यानाः जिमिसं बिचाः यानाः उपिं पूरा जुल कि मजू धकाः सीके फइ। अले उकिया लिपांगु लिच्‍वः छु जुइ धकाः जिमिसं सीके फइ। वा छु जुइत्‍यंगु खः व खँ जिमित धयाब्‍यु।

यशैया 41:4

शुरुंनिसें पुस्‍तातय्‌त सःताः थ्‍व ज्‍या पूवंकूम्‍ह सु खः? छु! जि हे मखु ला? जि परमप्रभु, इपिंनापं न्‍हापा अले लिपाथ्‍यंक च्‍वनाच्‍वनाम्‍ह जि व हे खः।”

यशैया 43:9

फुक्‍क जात जातित छथाय् मुं, संसारया फुक्‍क मनूत छथाय् मुं। इमि द्यःत मध्‍ये सुनां जिमित लिपा जुइगु खँ धाये फइ, अले जुइगु खँ न्‍हापा हे घोषणा याये फइ? इपिं पाय्‌छि ठहरय् जुइत थथःगु साक्षी हयेमाः, अले मेपिन्‍सं न्‍यनाः थथे धायेमा, “व सत्‍य खः।”

यशैया 44:7

जि थें ज्‍याःम्‍ह सु दु? वं थ्‍व घोषणा यायेमा। जिं यक्‍व न्‍हापा थः प्रजायात थापं यानाबलय् निसें छु जूगु खः वं जितः ध्‍वाथुइक कनेमा। अले इमित छु जुइ वं न्‍हापा हे धायेमा।

यशैया 45:21

आः जूवइतिनिगु खँया बारे धा। छिपिं थःथवय् सल्‍लाह या। थ्‍व खँ यक्‍व दँ न्‍ह्यः सुनां धयाबिल? न्‍हापांनिसें सुनां धयाबिल? छु जि परमप्रभुं हे मखु ला? जि बाहेक मेपिं सुं परमेश्‍वर मदु। छम्‍ह धर्मी व मुक्ति बीम्‍ह परमेश्‍वर, जि बाहेक मेपिं सुं नं मदु।

यशैया 46:9

न्‍हापाया पुलांगु खँयात लुमंकी। जि परमेश्‍वर खः, जि बाहेक मेपिं सुं मदु। जि परमेश्‍वर खः, जि थें ज्‍याःम्‍ह मेपिं सुं मदु।