यशैया 41:19 - नेवाः बाइबल

¹⁹ मरुभूमिइ जिं ताय्‌गः सिमा, खयः सिमा, मेहदीया सिमात व जैतूनया सिमात बुयाः वय्‌काबी। जिं गंगु बँय् स्‍वसिमा, धूपी व सिसौया सिमातनापं हे बुयाः वय्‌काबी।

यशैया 41:19 ပူးပေါင်းရင်းမြစ်များ

यशैया 27:6

आः वइगु दिनय् याकूबया सन्‍तान इस्राएलया मनूतय्‌सं हा कयाच्‍वनी। अले इस्राएल मुखू ह्वयावइ व फल सय्‌की अले फुक्‍क पृथ्‍वी फलं जाइ।

यशैया 32:15

च्‍वय्‌नं आत्‍मा झीके प्‍वंकामहतले अले मरुभूमि बांलाक अन्‍न सइगु बुँ व बांलाक अन्‍न सइगु बुँत गुँ मजुतले अथे जुइ।

यशैया 35:1

झिजांमिजां दंगु बँ व गंगु बँ लय्‌ताइ। मरुभूमि लय्‌ताइ अले ह्वइ।

यशैया 43:19

स्‍व, जिं छगू न्‍हूगु ज्‍या यानाच्‍वनागु दु, व आः जुया वइतिनि, छु छिमिसं व मखं ला? जिं मरुभूमिइ छपु लँपु दय्‌का च्‍वनागु दु, अले गंगु बँय् खुसिचात न्‍ह्याकाः च्‍वनागु दु।

यशैया 51:3

परमप्रभुं धात्‍थें हे सियोनयात सान्‍त्‍वना बियादी, अले वय्‌कलं इमिगु झिजांमिजां दंगु थाय्‌यात दया यानादी, अले मरुभूमियात अदनया बगैँचा थें व अनयागु गंगु बँयात परमप्रभुया क्‍यब दय्‌कादी। अन लसता व आनन्‍द, सुभाय्‌या म्‍येया सः न्‍यनेदइ।

यशैया 55:13

अनंलि कंमाया पलेसा सल्‍लाया सिमा, व न्‍हाय्‌कंमाया पलेसा मेहदीया सिमात बुया वइ। थथे परमप्रभुया हनाबनाया निंतिं जुइ। थ्‍व गुबलें नाश मजुइगु सदां सदांया निंतिं चिं जुइ।”

यशैया 60:13

“लेबनानया गौरव छन्‍थाय् वइ, थाकुराःमात, सल्‍लाया सिमात व सिसौया सिमात नं जिगु पवित्रथाय् तसकं बांलाकेत वइ। अले जिगु पवित्रथाय् गौरवं जाइ।

यशैया 60:21

अनंलि छिमि फुक्‍क प्रजात धर्मी जुइ, इमिसं सदांया निंतिं देशय् अधिकार याइ। जिगु गौरव क्‍यनेत इपिं जिं पिनागु माचा थें खः, अले इपिं जिगु ल्‍हाःया ज्‍या खः।

यशैया 61:11

गथे बुँइ माचात बुया वइ, अले क्‍यबय् पुसात बुया वइ, अथे हे परमप्रभु परमेश्‍वरं धार्मिकता व प्रशंसा फुक्‍क जातितय् न्‍ह्यःने हयादी।

यशैया 61:3

व सियोनय् दुखं च्‍वनाच्‍वंपिन्‍त नौया पलेसा तसकं बांलाःगु श्रीपेच, व दुखं पलेसा लसताया चिकं बीत, ख्‍वःगु नुगःया पलेसा प्रशंसाया वसः पुंकाबीत, वय्‌कःया गौरव खनेदयेमा धकाः इमित परमप्रभुं हे पिनादीगु धार्मिकताया स्‍वसिमात धकाः धाइ।

इजकिएल 47:12

खुसिया सिथय् निखेंपाखे थीथी कथंयागु फलयागु सिमात बुया वइ। उमिगु हः सुकूगनावनी मखु। उमिगु फल गुबलें फुइ मखु। उमिसं फुक्‍क लाय् हे फल बी, छाय्‌धाःसा उमित प्‍याकिगु लः पवित्र थासं न्‍ह्याइगु खः। उमिगु फल नयेत व उमिगु हः ल्‍वय् लाय्‌केत जुइ।”

होशे 14:8

अय् एफ्राइमया मनूत, मूर्तितनापं जिगु छुं हे ज्‍या मदु। जिं छिमिगु प्रार्थनाया लिसः बी अले छिमिगु सुसाःकुसाः याये। जि न्‍ह्याबलें वाउँसे च्‍वनीगु सल्‍लाया सिमा थें खः। जि हे छिमिगु आशिषया मूल खः।”

जकरिया 1:8

चान्‍हय् दर्शनय् जिं छम्‍ह मनूयात ह्याउँम्‍ह सल गयाच्‍वंगु खना। व यरूशलेमया छगू न्‍हसिकापय्‌ दुगु मेहदीया सिमातय् दथुइ दनाच्‍वन। वयागु ल्‍युने ह्याउँपिं, भुयुपिं व तुयुपिं सल दु।