यशैया 41:18 - नेवाः बाइबल

¹⁸ नांगा डाँडां जिं खुसिबाः न्‍ह्याकाबी, अले ब्‍यासिइ लःया मूलत पिकयाबी। जिं मरुभूमिइ लःया पुखू व गंगु बँयात लःया मूलय् हिइकाबी।

यशैया 41:18 ပူးပေါင်းရင်းမြစ်များ

भजनसंग्रहया सफू 104:10

छिं गुँच्‍वय् व गालय् गालय् लःधाः हाय्‌कादिल।

भजनसंग्रहया सफू 105:41

वय्‌कलं ल्‍वहं तछ्यानादिल, अले अनं लः पिहां वल। मरुभूमिइ लः खुसि थें न्‍ह्यात।

भजनसंग्रहया सफू 107:35

वय्‌कलं मरुभूमियात लःया पुखू, अले गंगु बँयात लः बुयावइगु थाय् यानादिल।

भजनसंग्रहया सफू 126:4

हे परमप्रभु! नेगेवया गंगु बँय् खुसित न्‍ह्याःगु थें हे जिमिगु अवस्‍था हाकनं बांलाकादिसँ।

भजनसंग्रहया सफू 46:4

छगू खुसि दु गुकियागु लःधालं परमेश्‍वरया शहर, दक्‍वसिबय् तःधंम्‍ह च्‍वनादीगु थाय्‌यात लय्‌ताय्‌की।

यशैया 12:3

बुंगाःचाया लखं लसता हः थें अथे हे थ्‍व मुक्तिं यानाः छिपिं लय्‌ताइ।

यशैया 30:25

व यक्‍व स्‍यायेगु दिंखुन्‍हु धरहरात क्‍वःदलीबलय् फुक्‍क ततःजाःगु पर्वतत व फुक्‍क डाँडाय् लःया खुसिबाः न्‍ह्याइ।

यशैया 32:2

थुपिं मनूत फय्‌पाखें शरण कायेगु थाय् अले ग्‍वःफय्‌पाखें सुपिलिगु थाय्, मरुभूमिइ लः दुगु खुसित व गंगु मरुभूमिइ तग्‍वःगु ल्‍वहंया किचः थें जुइ।

यशैया 33:21

अन परमप्रभु झी दक्‍व शक्ति दुम्‍ह च्‍वनादी। व ततःधंगु खुसित व खुसितय्‌गु थाय् जुइ। चतंनं चले याइगु लःजहाज अन चले याइ मखु। ततःधंगु जहाज नं अन यंकी मखु।

यशैया 35:1

झिजांमिजां दंगु बँ व गंगु बँ लय्‌ताइ। मरुभूमि लय्‌ताइ अले ह्वइ।

यशैया 44:3

छाय्‌धाःसा जिं गंगु बँय् लः प्‍वंकाबी, व सुख्‍खा बुँइ खुसिचात न्‍ह्याकाबी। जिं छिमि सन्‍तानयाके जिगु आत्‍मा प्‍वंकाबी, अले जिं छिमि सन्‍तानतय्‌त आशिष बी।

यशैया 48:21

परमप्रभुं थः मनूतय्‌त मरुभूमिं जुयाः यंकादीबलय् इमित प्‍याः मचाः। वय्‌कलं इमिगु निंतिं तग्‍वःगु ल्‍वहँतं लः पिकयादिल। वय्‌कलं तग्‍वःगु ल्‍वहंयात निगू भाग यानादिल, अले अनं लः पिहां वल।

यशैया 58:11

परमप्रभुं छिमित धुवांधु न्‍ह्यलुवाः जुयाः यंकादी, अले तसकं तांन्‍वःगु थासय् नं छिमित लुधंकादी, अले छिमिगु क्‍वँय्‌यात बल्‍लाकादी। छिपिं यक्‍व लखं प्‍याःगु क्‍यब थें व गुबलें सुइ मखुगु बुँगाःचा थें जुइ।

यशैया 65:13

अथे जुयाः परमप्रभु परमेश्‍वरं थथे धयादी, “स्‍व, जिमि दासतय्‌सं नयेखनी। छिपिं धाःसा नये मास्‍ति वय्‌का च्‍वनेमाली। जिमि दासतय्‌सं लः त्‍वनी, छिपिं धाःसा प्‍याः चाय्‌का च्‍वनेमाली। जिमि दासतय्‌सं लसतां हनी, छिपिं धाःसा लाजय् लाइ।

योएल 3:18

“व दिंखुन्‍हु पहाडं तसकं साःगु दाखमद्य ज्‍वया वइ। अले डाँडाय् दुरु बाः वइ। यहूदाया फुक्‍कं खुसिचाय् लः बा वइ। परमप्रभुया देगलय् लःया मूल तज्‍यानाः लः पिहां वयाः शित्तीमया बेँसीयात प्‍याकी।

जकरिया 14:8

उखुन्‍हु हे यरूशलेमं जीवन बीगु लः पिहां वइ। उकियागु बच्‍छि पुर्बय् मृत सागर अले बच्‍छि पच्‍छिमय् भूमध्‍यसागर पाखे न्‍ह्याइ। अले तांन्‍वलाबलय् व चिकुलाबलय् नं मदिक्‍क न्‍ह्याना च्‍वनी।

प्रकाश 22:1

अले स्‍वर्गदूतं जितः स्‍फटिक थें यचुसे च्‍वंगु अनन्‍त जीवन बीगु लः दुगु खुसि क्‍यनाबिल। थ्‍व खुसि परमेश्‍वर व चीधिकःम्‍ह भ्‍याःचायागु सिंहासनं पिचायाः

प्रकाश 7:17

सिंहासनयागु दथुइ च्‍वंम्‍ह चीधिकःम्‍ह भ्‍याःचा हे इमित ज्वइम्‍ह जुइ। अले इमित वय्‌कलं हे गुबलें मसुइगु बुंगाःचाय् ब्‍वना यंकादी। अले परमेश्‍वरं हे इमिगु मिखाय् च्‍वंगु ख्‍वबि हुयादी।”

न्‍यायकर्ता 15:19

अले परमप्रभुं लहीलय् छगू गाः वंगु थाय् दय्‌कादिल। अले अनं लः पिहां वल। शिमशोनं व लः त्‍वन, अले वयाके बल वल। उकिं व लः पिहां वःगु बुँगाःचायात एन-हक्‍कोरे धाल अले थौं तक नं व बुँगाःचा लहीइ दु।