यशैया 41:16 - नेवाः बाइबल

¹⁶ छं इमित हायाछ्वइ अले फसं इमित च्‍वय् थत यंकी, अले ग्‍वःफसं इमित पुइकेयंकी। छं धाःसा परमप्रभुनापं हे लय्‌तायाच्‍वनी। अले छं इस्राएलया पवित्र परमेश्‍वरया महिमा याइ।

यशैया 41:16 ပူးပေါင်းရင်းမြစ်များ

भजनसंग्रहया सफू 1:4

दुष्‍टत अथे जुइ मखु, इपिं छ्वसँ थें खः। फसं इमित पुइकायंकी।

यशैया 12:6

सियोनय् च्‍वंपिं सकसिनं तःसलं म्‍ये हालेमा! इस्राएलया पवित्र परमेश्‍वर तःधंम्‍ह खः, अले वय्‌कः थः मनूतय् दथुइ च्‍वनादी।”

यशैया 17:13

तर जाति जातित खुसिबाः वःगु लःया सः थें हाला हइ परमेश्‍वरं इमित ब्‍वःबियादी। इपिं तापाक बिस्‍युं वनी, अले फसं पुइकूगु डाँडाया छ्वसँ व वाफसं पुइकूगु झाः थें लिनाछ्वइ।

यशैया 25:9

व दिंखुन्‍हु फुक्‍कसिनं धाइ, “धात्‍थें वय्‌कः हे झी परमेश्‍वर खः। झीसं वय्‌कःयाके भलसा तयाः अले वय्‌कलं हे झीत बचय् यानादिल। वय्‌कः परमप्रभु खः, वय्‌कःयाके हे झीसं भलसा तयागु खः। वय्‌कलं यानादीगु उद्धारया निंतिं झीपिं लय्‌ताया न्‍ह्यइपुकेनु।”

यशैया 28:5

व दिंखुन्‍हु दक्‍व शक्ति दुम्‍ह परमप्रभु थः बचय्‌जूपिं प्रजाया निंतिं तसकं बांलाःगु स्‍वांनं दय्‌कातःगु श्रीपेच थें जुइतिनि।

यशैया 29:19

क्‍वमिलुपिन्‍सं हाकनं परमप्रभुयाके लसता हनी, अले मगाःमचाःपिन्‍सं परमप्रभु इस्राएलया पवित्र परमेश्‍वरयाके हे लय्‌तायाच्‍वनी।

यशैया 29:5

तर छं यक्‍व शत्रुत नचुगु धू थें जुइ। अले दया मदुपिंनिगु पुचः याकनं फसं पुइके यंकेगु छ्वसँ थें जुइ। छक्‍वलं, अले मतिइ मतःगु इलय्!

यशैया 35:10

अले परमप्रभुं मू पुलाः छुत्‍कारा यानादीपिं लिहां वइ। इपिं सियोनय् म्‍ये हा हां दुहां वनी। न्‍ह्याबलेंया लसता इमिगु छ्यंया श्रीपेच जुइ। इमिसं लसता व खुशी लुइकी, अले दुःखकष्‍ट व झसुका इपिंपाखें तापाक्‍क हे जुइ।

यशैया 40:24

इपिं पीवं, पुसा ह्वलेवं, इमिसं बुँइ हा कायेवं वय्‌कलं इमित स्‍वांपुयादी अले इपिं सुकूचिनावनी, अले ग्‍वःफसं इमित छ्वसँ थें पुइकेयंकी।

यशैया 51:3

परमप्रभुं धात्‍थें हे सियोनयात सान्‍त्‍वना बियादी, अले वय्‌कलं इमिगु झिजांमिजां दंगु थाय्‌यात दया यानादी, अले मरुभूमियात अदनया बगैँचा थें व अनयागु गंगु बँयात परमप्रभुया क्‍यब दय्‌कादी। अन लसता व आनन्‍द, सुभाय्‌या म्‍येया सः न्‍यनेदइ।

यशैया 60:19

न्‍हिनय् सूर्यनं छन्‍त गुबलें जः बी मखु, न तिमिलां हे छन्‍त जः बिया ज्‍वल्‍ल थीकी, छाय्‌धाःसा परमप्रभु हे छंगु निंतिं सदांया जः जुइ, छिमि परमेश्‍वर धाःसा छंगु महिमा जुयादी।

यशैया 65:18

तर जिं सृष्‍टि यानागु खँय् न्‍ह्याबलें लसता व खुशी हँ। छाय्‌धाःसा जिं यरूशलेमयात खुसिं जाःगु व अनयापिं मनूतय्‌त लसतां जाःपिं यानाबी।

यर्मिया 15:7

अले थ्‍व देशया ध्‍वाखा ध्‍वाखाय् जिं इमित हासां हाःथें हाये, जिं इमि काय् म्‍ह्याय्‌पिन्‍त लाकाकाये, जिमि मनूतय्‌सं थःगु मभिंगु पहःचहः मत्‍वःतूगुलिं जिं इमित नाश याये।

यर्मिया 51:2

वयात हासां हायेत व वयागु देश नाश यायेत बेबिलोनय् जिं विदेशीत छ्वये। वयागु नाशया दिनय् वयागु विरोध याइपिं विदेशीत वया प्‍यखेंपाखें वइ।

यर्मिया 51:20

“हे बेबिलोन, छ जिगु लडाइँया कथि, जिगु लडाइँया ल्‍वाभः जुइमा। छपाखें जिं जातितय्‌त चुंचुं याये। छपाखें हे जिं राज्‍य राज्‍ययात नाश याये।

यर्मिया 51:33

दक्‍व शक्ति दुम्‍ह परमप्रभु, इस्राएलया परमेश्‍वरं थथे धयादी, “बेबिलोन खलाया न्‍हुइत्‍यंगु छ्व थें खः। व लइगु ई याकनं वइ।”

दानिएल 2:35

अनंलि नँ, चा, कँय्, वहः व लुँ फुक्‍क छक्‍वलं हे चुंचुं जुल अले छ्व लये धुंकाः खलां छ्वस ब्‍वयेकूगु थें फसं छुं नं ल्‍यं मदय्‌क ब्‍वय्‌का यंकल। व झ्‍वातानापं हाःगु ल्‍वहं धाःसा तःधंगु पर्वत जुयाः फुक्‍क पृथ्‍वीयात त्‍वपुयाबिल।

होशे 11:9

जिं जिगु तच्‍वकं च्‍याःगु तमं छुं नं याये मखुत, जिं एफ्राइमयात हाकनं भज्‍यंक नाश याये मखुत। छाय्‌धाःसा जि परमेश्‍वर खः, मनू मखु, जि परमपवित्र छिपिंनापं हे दु, जि तःच्‍वगु तमं छिमिथाय् वये मखु।

योएल 2:23

हे सियोनयापिं मनूत, लय्‌ता, परमप्रभु थः परमेश्‍वरयाके लय् लय्‌ताता न्‍ह्यइपुइकाच्‍वँ! छाय्‌धाःसा वय्‌कलं दकलय् न्‍हापां वइगु वा छिमित बियादीगु दु, छाय्‌धाःसा वय्‌कः विश्‍वास याये बहःम्‍ह खः। अले छिमिगु निंतिं माक्‍व वा वय्‌कादी न्‍हापागु वा व लिपायागु वा न्‍हापा थें हे वय्‌कादी।

मीका 5:8

यक्‍व जात जाति व यक्‍व मनूतय् दथुइ याकूबया ल्‍यंदुपिं मनूत जंगलय् च्‍वंपिं पशुतय्‌गु दथुइ सिंह थें अले फैतय्‌गु दथुइ च्‍वंम्‍ह ल्‍याय्‌मम्‍ह सिंह थें जुइ। इमिसं थुखे उखे वनाः झाताझिति यानाः जुइ, अले इमित सुनानं बचय् याये फइ मखु।

हबकूक 3:18

जि परमप्रभुयाके लय् लय्‌ताय्, जिं जितः उद्धार यानादीम्‍ह परमेश्‍वरयाके लय् लय्‌ताय्।

मत्ती 3:12

वय्‌कलं ल्‍हातिइ हासा ज्‍वना तयादीगु दु। वय्‌कलं फुक्‍क छ्व हायाः थःगु धुकुतिइ स्‍वथनादी। अले छ्वस जुक्‍व गुबलें मसीगु मिइ छ्वय्‌कादी।”

रोमी 5:11

थुलि जक मखु, झीत परमेश्‍वर नाप मिलय् यानादीम्‍ह झी प्रभु येशू ख्रीष्‍टं यानाः वय्‌कः नाप झीपिं लय्‌ताय् खन।

फिलिप्‍पी 3:3

धात्‍थेंगु चिं तइपिं ला झीपिं खः, छाय्‌धाःसा झीसं परमेश्‍वरयात पवित्र आत्‍मां सेवा यानाच्‍वना। येशू ख्रीष्‍टयाके भरोसा तयाच्‍वना, अले शरीरयागु ज्‍याखँय् झीसं भरोसा मतया।