13 छाय्धाःसा जि परमप्रभु छिमि परमेश्वर खः। जिं छंगु जव ल्हाः ज्वनाः छन्त थथे धाये, ‘ग्याये मते, जिं छन्त ग्वाहालि याये।’
छाय्धाःसा वय्कलं चीमितय्त रक्षा यानादी अले वय्कलं वयात स्यायेत स्वःपिनिगु ल्हातं बचय् यानादी।
परमप्रभु जि नाप दी, वय्कः जितः ग्वाहालि यानादीम्ह खः। उकिं जिं थःगु मिखां शत्रुत बूगु स्वये खनी।
जिगु आत्मा छिलिसे प्यपुनाच्वंगु दु। छिगु जव ल्हातिं जितः तिबः बियाच्वंगु दु।
अय्नं जि ला न्ह्याबलें छिनापं हे दु। छिं जिगु जव ल्हाः ज्वनादीगु दु।
मोशां इमित धाल, “ग्याये मते। नुगः बल्लाकि। धिसिलाक्क च्वँ। अले परमप्रभुं छिमित थौं बियादीत्यंगु मुक्तियात स्व। थौं खंपिं मिश्रीतय्त छिमिसं गुबलें खनी मखुत।
मोशां इमित धाल, “ग्याये मते छाय्धाःसा परमेश्वरं छिमित जाँचय् यायेत, अले वय्कःया भय छिमिके दयेमा व छिमिसं पाप मयायेमा धकाः झायादीगु खः।”
अथे जुयाः ग्याये मते, छाय्धाःसा जि छनापं हे दु। नुगः क्वतुंके मते, छाय्धाःसा जि हे छिमि परमेश्वर खः। जिं छन्त बल्लाके। जिं छन्त ग्वाहालि याये। जिगु धार्मिकताया जव ल्हातं जिं छन्त तिबः बी।
“जि, परमप्रभुं जिगु धार्मिकताकथं छन्त सःतागु दु, जिं छंगु ल्हाः ज्वनाः छन्त रक्षा याये। जिं छन्त जिमि मनूतलिसें जिगु बाचाया चिं अले यहूदीमखुपिनिगु निंतिं जः दय्काबी।
जिं उत्तर देशयात धाये, ‘इमित छ्व।’ दच्छिन देशयात जिं धाये, इमित पने मते। जिमि काय्पिन्त तापाकंनिसें व जिमि म्ह्याय्पिन्त पृथ्वीया कुंकुलामंनिसें हजि,
“परमप्रभुं थम्हं अभिषेक यानादीम्ह कोरेसयात धयादी, जात जातितय्त त्याकेत, जुजुतय्गु ल्हातं अधिकार लाकाकायेत, शहर शहरया मू ध्वाखात चाय्केत व ध्वाखात वयागु विरोधय् गुबलें तीमफय्मा धकाः जिं वयात शक्ति बियागु दु, जि परमप्रभुं जुजु कोरेसयात थथे धाये,
वं बुइकूपिं फुक्क काय्पिं मध्ये वयात लँ क्यनीपिं सुं नं मदु। वं ब्वलंकूपिं काय्पिं मध्ये सुं नं वयागु ल्हाः ज्वनाः यंकीपिं मदु।
“‘उकिं परमप्रभुं धयादी, हे जिम्ह दास, याकूबया सन्तान, ग्याये मते। हे इस्राएलयापिं मनूत, नुगः क्वतुंके मते। जिं थम्हं हे छिमित तापाःगु देशं व छिमि सन्तानयात ज्वनायंकातःगु देशं बचय् यानाः हये। याकूबयात हाकनं शान्ति व सुरक्षा दइ। सुनानं वयात ख्याये फइ मखु।’
“हे जिम्ह दास याकूब, छ ग्याये मते। हे इस्राएलयापिं मनूत, नुगः क्वतुंके मते। जिं थःम्हं हे छिमित तापाःगु देशं व छिमि सन्तानयात ज्वनाः यंकातःगु देशं त्वःतकाहये। याकूबया सन्तानतय्त हाकनं शान्ति व सुरक्षा दइ। सुनानं वयात ख्याये फइ मखु।
‘छिपिं मिश्र देशं पिहां वःबलय् जिं छिमित बियागु बचंकथं जिगु आत्मा छिपिंलिसे दया हे च्वंगु दु। छिपिं ग्याये मते।’
उबलय् प्रभुं हे जि नाप झायाः जितः बांलाक भिंगु खँ न्यंकेत शक्ति बियादिल। अय्जूगुलिं जिं यहूदीमखुपिन्त भिंगु खँ न्यंके फत। थुकथं वय्कलं जितः सिंहयागु म्हुतुं बचय् यानादिल।