यशैया 41:11 - नेवाः बाइबल

¹¹ “छनापं तंम्‍वःपिं फुक्‍क धात्‍थें हे लाजय् लाइ, अले बेइज्‍जत जुइ। छन्‍त विरोध याइपिं छुं मखुपिं जुइ अले नाश जुयावनी।

यशैया 41:11 ပူးပေါင်းရင်းမြစ်များ

प्रस्‍थान 11:8

अले छिमि फुक्‍क भारदारत वयाः जितः भागियानाः धाइ, ‘छिगु ल्‍यूल्‍यू जुइपिं फुक्‍कसित ब्‍वनाः छि थनं पिहां झासँ।’ अले जि थनं पिहां वने।” अनंलि मोशा तसकं तं पिकयाः फारोयाथासं वन।

प्रस्‍थान 12:29

चान्‍हय्‌सिया बाचा इलय् सिंहासनय् च्‍वंम्‍ह फारोया न्‍हापां बूम्‍ह काय्‌निसें झ्‍यालखानाय् च्‍वंम्‍ह कैदीया न्‍हापां बूम्‍ह काय् तकं, अले पशुतय् न्‍हापां बूपिं फुक्‍कसित परमप्रभुं स्‍यानादिल।

प्रस्‍थान 23:22

थथे छिमिसं वयागु खँ न्‍यन धाःसा अले जिं धाःथें यात धाःसा जि छिमि शत्रुतय् शत्रु व छिमि विरोधीतय् विरोधी जुइ।

यशैया 17:13

तर जाति जातित खुसिबाः वःगु लःया सः थें हाला हइ परमेश्‍वरं इमित ब्‍वःबियादी। इपिं तापाक बिस्‍युं वनी, अले फसं पुइकूगु डाँडाया छ्वसँ व वाफसं पुइकूगु झाः थें लिनाछ्वइ।

यशैया 29:5

तर छं यक्‍व शत्रुत नचुगु धू थें जुइ। अले दया मदुपिंनिगु पुचः याकनं फसं पुइके यंकेगु छ्वसँ थें जुइ। छक्‍वलं, अले मतिइ मतःगु इलय्!

यशैया 29:7

अरीएलया विरोधय् लडाइँ यायेत फुक्‍क जाति-जातितय्‌गु पुचः वःबलय् इपिं व इमिगु ल्‍वाभः नं याकनं म्‍हगस थें मदयावनी। शहरया किल्‍लायात हमला याइपिं चान्‍हय्‌या दर्शन थें मदयावनी-

यशैया 29:8

गथे नयेपित्‍याःम्‍ह मनुखं म्‍हगसय् नयागु खनी, तर न्‍ह्यलं चाये धुंकाः व नयेपित्‍याःम्‍ह हे जुइ, वा गथे लः त्‍वने प्‍याय् चाःम्‍ह मनुखं म्‍हगसय् लः त्‍वनाच्‍वंगु खनी, तर न्‍ह्यलं चाये धुंकाः कथु गंगु व प्‍याय् चाःगु तनावनी मखु। सियोन पर्वतया विरोधय् ल्‍वाइपिं फुक्‍क जात जातिया पुचःतय्‌गु गति नं अथे हे जुइ।

यशैया 34:12

वया भारदारतय्‌त उकिया राज्‍य छगू नं दइ मखु, अले अनयापिं शासकत तनावनी।

यशैया 40:17

फुक्‍क जातित वय्‌कःया न्‍ह्यःने छुं नं मखु। वय्‌कलं इमित छुं नं ज्‍यालगय् मजूपिं व छुं नं मखुपिं ताय्‌कादी।

यशैया 40:2

यरूशलेमया मनूतय्‌त साहस ब्‍यु। इमित धा, इमिसं ताःइलंनिसें सास्‍ती नयावयाच्‍वंगु दु। आः इमिगु पाप क्षमा जूगु दु, इमिगु पापया लागिं जिं इमित पूरा सजाँय बियागु दु।

यशैया 41:24

तर छिपिं ला ज्‍यालगय् हे मजूपिं खः, अले छिमिगु ज्‍या नं छतिं हे ज्‍यालगय् मजू। सुनां छिमित ल्‍यइ व घच्‍चाइपूम्‍ह खः।

यशैया 41:29

स्‍व, इपिं फुक्‍कं असत्‍य खः। इमिगु ज्‍या नं छुं मू मवं। इमिगु मूर्तित फय् व अलमल जक खः।”

यशैया 45:24

इमिसं जिगु बारे थथे धाइ, ‘परमप्रभुयापाखें जक धार्मिकता व शक्ति वइ।’” वय्‌कःया विरोधय् तंपिकापिं फुक्‍क वय्‌कःयाथाय् हे वइ अले लाजय् लाइ।

यशैया 49:25

तर परमप्रभुं थथे धयादी, “खः, सिपाइँतय्‌पाखें ज्‍वनायंकूपिं व छाःगु नुगः दुपिंपाखें लाकाः यंकूगु माल लित काये फइ। छनापं ल्‍वाइपिंनापं जि ल्‍वाये अले छिमि मस्‍तय्‌त जिं बचय् याये।

यशैया 49:26

छिमित दुःखकष्‍ट ब्‍यूपिन्‍त जिं इमिगु थःगु हे ला नके। दाखमद्यं का थें इपिं थःगु हे हिं काइतिनि। अनंलि फुक्‍क मनूतय्‌सं थ्‍व खँ सी जि, परमप्रभु छन्‍त मुक्ति बीम्‍ह खः, अले छन्‍त उद्धार याइम्‍ह, याकूबया तसकं बल्‍लाःम्‍ह खः।”

यशैया 54:15

छन्‍त सुं जातिं हमला याःसां व जिगुपाखें जुइ मखु। सुनां छन्‍त हमला याइ व थः हे छन्‍थाय् भ्‍वःसु वयेमाली।

यशैया 54:17

तर छन्‍त नाश यायेत दय्‌कूगु न्‍ह्याथें ज्‍याःगु ल्‍वाभलं नं छन्‍त बुके फइ मखु। अले छन्‍त दोष बीपिन्‍त छं सुम्‍क तइ। थ्‍व परमप्रभुया दासतय्‌गु निंतिं सर्बय जुइ। थ्‍व जिमि दासतय्‌त कोस्‍यालि खः,” परमप्रभुं घोषणा यानादी।

यर्मिया 12:17

तर गुगु जातिं जिगु आज्ञा पालन याइ मखु जिं उगु जातियात लिनाकयाः नाश याये।” परमप्रभुं धयादी।

यर्मिया 2:3

उबलय्, इस्राएल परमप्रभुया निंतिं पवित्र खः, व वय्‌कःया सन्‍तानत मध्‍ये न्‍हापांम्‍ह खः। वय्‌कःया मनूतय्‌त मभिं याःपिं फुक्‍क दोषी ठहरय् जुल, अले इमिके विपत्ति वल।’” परमप्रभुं धयादी।

दानिएल 4:35

“पृथ्‍वीयापिं सकलें मनूत परमेश्‍वरया न्‍ह्यःने छुं नं मखु, स्‍वर्गया दूतत व पृथ्‍वीयापिं मनूतय्‌त वय्‌कलं थः यःथें यानादी। सुनानं वय्‌कःया ल्‍हाः पने फइ मखु अले वय्‌कःयात छिं छु यानादियागु? धकाः न्‍यने फइ मखु।”

जकरिया 12:3

उखुन्‍हु हे पृथ्‍वीया फुक्‍क जातित यरूशलेमलिसे ल्‍वायेत मुनी। सकल मनूतय्‌त ल्‍ह्वनेत जिं यरूशलेमयात छगः ल्‍वहं दय्‌काबी। सुनां थुकियात ल्‍ह्वनी वं थःत घाःपा याइ।

प्रेरित 16:39

इमिसं वयाः पावल व सिलासयाके माफी फ्‍वन। अले इमित झ्‍यालखानां पित हयाः शहर त्‍वःता झासँ धकाः धाल।

प्रकाश 3:9

स्‍व, यहूदीत मखुसां यहूदीत खः धकाः मखुगु खँ ल्‍हानाजुइपिं शैतानयागु बाखं कनीगु छेँय् मुनिपिन्‍त जिं यायेगु स्‍यू। स्‍व, जिं इमित छिमिथाय् छ्वयाहयाः छिमिगु तुति भागि याकेहये। अले जक जिं माया याना तयापिं मनूत छिपिं हे खः धकाः इमिसं सीकी।