यशैया 41:1 - नेवाः बाइबल

¹ “हे टापुत, जिगु न्‍ह्यःने सुम्‍क च्‍वँ! जात जातितय्‌सं न्‍हूगु बल कायेमा! इपिं न्‍ह्यःने वयाः खँ ल्‍हाः वयेमा! झीपिं न्‍याय याइगु थासय् मुंवनेनु।

यशैया 41:1 ပူးပေါင်းရင်းမြစ်များ

अय्‍यूब 38:3

मिजंम्‍ह थें जनी च्‍यु, जिं छन्‍त न्‍यने, छं लिसः ब्‍यु!

भजनसंग्रहया सफू 46:10

“सुम्‍क च्‍वँ! जि परमेश्‍वर खः धकाः सीकि! जितः फुक्‍क जातियापिन्‍सं तःधंकी, संसारय् न्‍यंकभनं जितः तःधंकी।”

यशैया 1:18

परमप्रभुं थथे धयादी, “थन वा, झीपिंनापं च्‍वनाः थःथवय् खँल्‍हाबल्‍हा याये। छिमिगु पाप ह्याउँसे च्‍वंसां उपिं च्‍वापु थें तुयुसे च्‍वंकाबी। उपिं तच्‍वकं ह्याउँसे च्‍वंसां ऊन थें तुयुसे च्‍वनी।

यशैया 11:11

उखुन्‍हु परमप्रभुं अश्‍शूर, क्‍वय् व च्‍वय् मिश्र, कूश, एलाम, बेबिलोनिया, हमात व समुद्रया टापुतपाखें थः प्रजाया ल्‍यंदुपिन्‍त त्‍वःतकेत निक्‍वः खुसि थःगु ल्‍हाः हाकनं ल्‍ह्वनादी।

यशैया 34:1

हे जात-जातियापिं मनूत, जिगु न्‍ह्यःने वा अले बांलाक न्‍यँ। हे मनूत, ध्‍यान ब्‍यु! पृथ्‍वी व अन च्‍वंपिं फुक्‍कसिनं तायेमा। संसार व उकी दयावःगु फुक्‍कसिनं तायेमा।

यशैया 40:31

तर परमप्रभुयाके भलसा तइपिनिगु बल हाकनं न्‍हूगु जुइ। इपिं इमा थें च्‍वय् च्‍वय् ब्‍वया जुइ अले ब्‍वाँय् वनाः नं त्‍यानुचाइ मखु। इपिं न्‍यासि वनाः नं मूर्च्‍छा जुइ मखु।

यशैया 41:5

टापुत थ्‍व खनाः तसकं ग्‍यात। पृथ्‍वीया ताताःपाःगु देशत थुरथुर खात। इपिं लिक्‍क थ्‍यंकः वल।

यशैया 43:26

न्‍हापा छु जूगु खः व जितः लुमंकाब्‍यु, झीपिं थुपिं खँया बारे अदालतय् वनेनु, छ दोष मदुम्‍ह ठहरय् जुइत थःगु खँ ति।

यशैया 43:9

फुक्‍क जात जातित छथाय् मुं, संसारया फुक्‍क मनूत छथाय् मुं। इमि द्यःत मध्‍ये सुनां जिमित लिपा जुइगु खँ धाये फइ, अले जुइगु खँ न्‍हापा हे घोषणा याये फइ? इपिं पाय्‌छि ठहरय् जुइत थथःगु साक्षी हयेमाः, अले मेपिन्‍सं न्‍यनाः थथे धायेमा, “व सत्‍य खः।”

यशैया 48:16

“जिगु न्‍ह्यःने वा, अले छिमिसं थ्‍व खँ न्‍यँ! “जिं न्‍हापा घोषणा यानाबलय् निसें हे सुं मदुथाय् थ्‍व खँ धयागु मदु। थ्‍व ज्‍याखँ जूबलय् जि अन हे दु।” आः परमप्रभु परमेश्‍वरं जितः वय्‌कःया आत्‍मानापं छ्वयाहयादीगु दु।

यशैया 49:1

हे टापुत, जिगु खँ न्‍यँ! हे तातापाःगु थासय् च्‍वंपिं जातित, थ्‍व खँ न्‍यँ। जि बुइ न्‍ह्यः हे परमप्रभुं जितः ल्‍ययादिल। जि बुइ न्‍ह्यः हे वय्‌कलं जितः जिगु नामं सःतादिल।

यशैया 50:8

जितः दोष मदुम्‍ह यानादीम्‍ह जिगु लिक्‍क हे च्‍वनादी। अथे जुयाः सुनां जितः विरोध यानाः पाः याइगु? झीपिं चुलिंचू च्‍वने वा! जिगु विरोध याइम्‍ह सु खः? व जिथाय् न्‍ह्यःने वा!

हबकूक 2:20

तर परमप्रभु ला थः पवित्र देगलय् दी। फुक्‍क पृथ्‍वी वय्‌कःया न्‍ह्यःने सुम्‍क च्‍वनेमा।

जकरिया 2:13

हे सकल मनूत, परमप्रभुया न्‍ह्यःने सुम्‍क च्‍वँ। छाय्‌धाःसा वय्‌कः थः च्‍वनीगु पवित्र थासं पिहां झाःगु दु।”