यशैया 40:6 - नेवाः बाइबल

⁶ छगू सलं थथे धाइ, “वचन घोषणा या!” अले जिं न्‍यना, “छु वचन घोषणा यायेगु?” “फुक्‍क मनूत घाँय् थें जक खः, इमिगु फुक्‍क गौरव गुँइ ह्वइगु स्‍वां थें छुं ईया लगिं जक दयाच्‍वनी।

यशैया 40:6 ပူးပေါင်းရင်းမြစ်များ

अय्‍यूब 14:2

व स्‍वां थें ह्वइ, अले गनाः सुकूचिनावनी। व किचः थें तनावनी, दयाच्‍वनी मखु।

भजनसंग्रहया सफू 102:11

जिगु जीवन बिनावंगु निभाः थें जुयाब्‍यूगु दु। अले जि गंगु घाँय् थें जुइ धुन।

भजनसंग्रहया सफू 92:7

दुष्‍ट मनूत घाँय् थें थाहां वयेफु, दुष्‍ट ज्‍या याइपिनिगु भिं जुइफु, तर इपिं सदांया लागि नाश जुयावनी।

यशैया 12:6

सियोनय् च्‍वंपिं सकसिनं तःसलं म्‍ये हालेमा! इस्राएलया पवित्र परमेश्‍वर तःधंम्‍ह खः, अले वय्‌कः थः मनूतय् दथुइ च्‍वनादी।”

यशैया 37:27

उकिं अन च्‍वंपिं कमजोर जूगु दु। इपिं निराश जुयाः लज्‍या चाःगु दु। इपिं ख्‍यःया घाँय् थें, क्‍यातूगु घाँय् थें, छेँया पलिइ बुयावःगु ताहाक जुइ न्‍ह्यः हे गनावनीगु घाँय् थें जूगु दु।

यशैया 40:3

सुं छम्‍हय्‌सिनं थथे धकाः हाला हःगु सः ताये दइ, “मरुभूमिइ परमप्रभुयात लँ ब्‍यु, झिजांमिजां दंगु थासय् झी परमेश्‍वरयात लँ छिंकाब्‍यु।

यशैया 51:12

“छिमित सान्‍त्‍वना बीम्‍ह जि हे खः। सीनावनीपिं मनूतपाखें, घाँय् थें गनावनीपिं मनूतय् सन्‍तान खनाः छ छाय् ग्‍याये माःगु?

यशैया 58:1

“तसकं हा, सुम्‍क च्‍वने मते! तुरहीया सः थें च्‍वंक तसकं हा। जिमि प्रजायात इपिं विद्रोही खः धकाः व याकूबया घरानायात इमिगु पाप क्‍यनाब्‍यु।

यर्मिया 2:2

“छं वनाः यरूशलेमय् च्‍वंपिं सकसितं थ्‍व खबर न्‍यंकि, “परमप्रभुं थथे धयादी, ‘छं ल्‍याय्‌म्‍हबलय्‌यागु भक्ति, “‘भम्‍चा थें छं जितः माया याःगु जि लुमंसे वः। मरुभूमिइ, पुसा मह्वःगु थासय् छ जिगु ल्‍यूल्‍यू जुइगु।

यर्मिया 31:6

एफ्राइमया पहाडी देशय् पिवाः च्‍वनीपिं थथे धाधां हाःगु दिं वइ, ‘वा, झीपिं सियोनय् परमप्रभु झी परमेश्‍वरयाथाय् वनेनु।’”

होशे 5:8

“गिबाय् तुरही व रामाय् नेकू पु। बेथ-आवनय् लडाइँया सः पिका। अय् बेन्‍यामीन, न्‍ह्यलुवाः जु।

जकरिया 1:14

अले जिलिसें खँ ल्‍हाना च्‍वंम्‍ह स्‍वर्गदूतं जितः धाल, “छं थ्‍व खँ दक्‍वसित तसलं न्‍यंकि– दक्‍व शक्ति दुम्‍ह परमप्रभुं थथे धयादी, ‘यरूशलेम व सियोनयात जिगु तसकं माया दु,