यशैया 40:31 - नेवाः बाइबल

³¹ तर परमप्रभुयाके भलसा तइपिनिगु बल हाकनं न्‍हूगु जुइ। इपिं इमा थें च्‍वय् च्‍वय् ब्‍वया जुइ अले ब्‍वाँय् वनाः नं त्‍यानुचाइ मखु। इपिं न्‍यासि वनाः नं मूर्च्‍छा जुइ मखु।

यशैया 40:31 ပူးပေါင်းရင်းမြစ်များ

अय्‍यूब 17:9

थ्‍व फुक्‍क जूसां तबि धर्मी मनूत थःगु लँय् वना हे च्‍वनी, अले सुयागु ल्‍हाः शुद्ध जू, व बल्‍लानावनी।

भजनसंग्रहया सफू 103:5

वय्‌कलं जितः फुक्‍क भिंगु खं पूवंकादी। अले जिगु ल्‍याय्‌म्‍हसू इमाया थें न्‍हूधाः जुइ।

भजनसंग्रहया सफू 123:2

गथे दासं थः मालिकपाखे मिखा ब्‍वइ, अले दासीं थः मालिकनीपाखे मिखा ब्‍वइ, अथे हे छिं जिमित दया माया यानामदीतले जिमिसं छि परमप्रभु जिमि परमेश्‍वरपाखे मिखा ब्‍वयाच्‍वने।

भजनसंग्रहया सफू 138:3

जिं छितः ग्‍वाहालिया लागि इनाप यानाबलय् छिं जितः लिसः बियादिल। छिं जितः बल बियाः आँट बियादिल।

भजनसंग्रहया सफू 20:9

हे परमप्रभु, जिमि जुजुयात त्‍याकेबियादिसँ, अले जिमिगु प्रार्थना न्‍यनाः लिसः बियादिसँ।

भजनसंग्रहया सफू 25:21

जिगु इमान्‍दारी व भिंगु पहलं यानाः जितः बचय् यानातयेमा। छाय्‌धाःसा जिं छिगु भलसा कयागु दु।

भजनसंग्रहया सफू 25:3

छिगु भलसा काइपिं सुं नं मछालेमालि मखु। मेपिन्‍त ध्‍वंलाये स्‍वइपिं मनूत जक मछालेमालि।

भजनसंग्रहया सफू 25:5

छिगु सत्‍यया लँपुइ जितः यंकादिसँ, अले स्‍यनादिसँ, छाय्‌धाःसा छि जितः बचय् यानादीम्‍ह परमेश्‍वर खः। न्‍हियान्‍हिथं जिं छिगु भलसा कयागु दु।

भजनसंग्रहया सफू 37:34

परमेश्‍वरयागु लँ स्‍व, वय्‌कलं धाःथें जु, वय्‌कलं छिमित देश बियाः तःधंकी। अले मभिंपिं मनूत नाश जूगु छिमिसं स्‍वये खनि।

भजनसंग्रहया सफू 40:1

जिं आय्‌मबुसे ग्‍वाहालिया निंतिं परमप्रभुयात पिया। अले तिनि वय्‌कलं जिपाखे न्‍हाय्‌पं बियादिल, अले जिगु प्रार्थना न्‍यनादिल।

भजनसंग्रहया सफू 84:7

इपिं लँय् वनाच्‍वनीबलय् झन बल्‍लाइ, अले सियोन पर्वतय् परमेश्‍वरया न्‍ह्यःने खनेदय्‌कः वइ।

भजनसंग्रहया सफू 84:8

हे परमप्रभु, दक्‍व शक्ति दुम्‍ह परमेश्‍वर, जिगु प्रार्थना न्‍यनादिसँ। हे याकूबया परमेश्‍वर, जिपाखे न्‍हाय्‌पं बियादिसँ। सेला

भजनसंग्रहया सफू 92:1

हे परमप्रभु परमेश्‍वर, दक्‍वसिबय् तःधंम्‍ह, छितः सुभाय् बीगु व छितः तःधंकाः भजन हालेगु बांलाःगु खँ खः।

भजनसंग्रहया सफू 92:13

इपिं परमप्रभुया देगलय् प्‍यूगु सिमा थें जुइ, इपिं झी परमेश्‍वरया चुकय् च्‍वन्‍ह्याया वइ,

प्रस्‍थान 19:4

‘जिं मिश्रीतय्‌त छु याना, अले छिमित गुकथं इमां थः मचायात पपुतिइ क्‍वबियाहः थें क्‍वबियाः थःथाय् हया धकाः ला छिमिसं थःपिन्‍सं हे खंगु दु।

हितोपदेश 30:19

इमा आकाशय् ब्‍वइगु, ल्‍वहँतय् सर्प जुइगु, समुद्रय् जहाजं लँ लुइकीगु अले मिजं व मिसाया दथुइ यःत्‍यः जुइगु।

श्रेष्‍ठगीत 8:5

थः प्रियनापं प्‍यपुनाः मरूभूमिपाखें वःम्‍ह व सु खः? स्‍याउमाया तलय् जिं छन्‍त थनाः, अन हे छिमि मांनं छन्‍त प्‍वाथय् दय्‌कूगु खः, अन हे छिमि मांया मचाबू ब्‍यथा जुल अले छन्‍त बुइकल।

यशैया 25:9

व दिंखुन्‍हु फुक्‍कसिनं धाइ, “धात्‍थें वय्‌कः हे झी परमेश्‍वर खः। झीसं वय्‌कःयाके भलसा तयाः अले वय्‌कलं हे झीत बचय् यानादिल। वय्‌कः परमप्रभु खः, वय्‌कःयाके हे झीसं भलसा तयागु खः। वय्‌कलं यानादीगु उद्धारया निंतिं झीपिं लय्‌ताया न्‍ह्यइपुकेनु।”

यशैया 30:15

परमप्रभु परमेश्‍वर, इस्राएलया पवित्र परमेश्‍वरं थथे धयादी, “पश्‍चाताप व विश्रामय् छिमिगु उद्धार दु। ध्‍यान यायेगु व भरोसा तयेगुलिइ छिमित बल दइ। तर छिमिसं थुपिं छुं नं खँ यय्‌कूगु मदु।

यशैया 30:18

अय्‌नं परमप्रभुं छिमिगु निंतिं दया यायेगु मतिइ तयादी। छिमिगु निंतिं माया यायेत वय्‌कः दनादी, छाय्‌धाःसा परमप्रभु न्‍याय यानादीम्‍ह परमेश्‍वर खः। वय्‌कःयात लं च्‍वनीम्‍ह धन्‍य खः।

यशैया 41:1

“हे टापुत, जिगु न्‍ह्यःने सुम्‍क च्‍वँ! जात जातितय्‌सं न्‍हूगु बल कायेमा! इपिं न्‍ह्यःने वयाः खँ ल्‍हाः वयेमा! झीपिं न्‍याय याइगु थासय् मुंवनेनु।

यशैया 64:4

थःगु लँ स्‍वइपिनिगु निंतिं ज्‍या यानादीम्‍ह छि थें ज्‍याःम्‍ह परमेश्‍वरयात संसारया शुरुंनिसें न न्‍हाय्‌पनं न्‍यंगु दु, न मिखां हे खंगु दु।

यशैया 8:17

याकूबया घरानापाखें थःगु ख्‍वाः फहिकादीम्‍ह परमप्रभुयाके हे जिं भरोसा तयाच्‍वने।

यर्मिया 48:15

मोआब नाश जुइ, अले उकिया शहरय् हमला याइ। वया ल्‍याय्‌म्‍हपिं मध्‍ये दकलय् स्‍वयेज्‍यूपिन्‍त स्‍याइगु जुइ,” महाराजं धयादी, गुम्‍हय्‌सिगु नां दक्‍व शक्ति दुम्‍ह परमप्रभु खः।

जकरिया 10:12

जिं थःम्‍हं हे थः मनूतय्‌त बल्‍लाके, अले इपिं जिगु नामं जिगु लँपुइ जुइ।” जि परमप्रभुं थ्‍व खँ धयाच्‍वना।

लूका 18:1

अले येशूं चेलातय्‌सं न्‍ह्याबलें प्रार्थना यानाच्‍वनेमा, अले प्रार्थना यायेगु मत्‍वःतेमा धकाः ध्‍वाथुइकेत छगू उखान कनादिल।

रोमी 8:25

झीसं खंके मफुगु आशा यानागु खः धयागु जूसा थ्‍व आशाय् संका मयासें, अले हथाय् मचासे झीसं पियाच्‍वनेमाः।

२ कोरिन्‍थी 4:1

थथे परमेश्‍वरं जिमित दया माया यानाः थ्‍व ज्‍या बियातःगु खः। उकिं जिमिसं आशा त्‍वःते मखु।

२ कोरिन्‍थी 4:16

उकिं हे ला खः नि, जिमिसं आशा मत्‍वःतागु। जिमिगु म्‍ह झन झन स्‍यनावनाच्‍वंगु दु। अय्‌नं जिमिगु आत्‍मा धाःसा न्‍हियान्‍हिथं बल्‍लाना वयाच्‍वंगु दु।

गलाती 6:9

अय्‌जूगुलिं भिंगु ज्‍या यायेत थाकु चाये मते। थाकु मचासे ज्‍या यानाच्‍वन धाःसा छन्‍हु झीत परमेश्‍वरं सिरपाः बियादी।

व्‍यवस्‍था 32:11

स्‍वँयात संकाः इमा थः मचाया च्‍वय् फसय् ब्‍वया जू थें, वय्‌कलं थःगु पपू चक्‍कंकाः इमित पपुतिइ तयाः यंकादिल।

व्‍यवस्‍था 33:25

इमिगु मू ध्‍वाखाय् न व कँय्‌यागु गजबार जुइ, इमिगु बल इमिगु न्‍हि थें जुइ।”

१ थेसलोनिकी 1:10

छिमिसं परमेश्‍वरया काय् स्‍वर्गं झाइतिनि धकाः लँ स्‍वयाच्‍वंगु दु हं। वय्‌कः परमेश्‍वरं सीम्‍हं म्‍वाकादीम्‍ह येशू खः। न्‍याय याइबलय् वय्‌कलं झीत बचय् यानादी।

हिब्रू 12:1

थुकथं झीसं झीगु प्‍यखें थुलिमछि विश्‍वासया साक्षीत खनाच्‍वनागु दु। अय्‌जूगुलिं झीपिं नं झीगु लँय् वइगु न्‍ह्याथें ज्‍याःगु पंगः व अःपुक झीत तक्‍यंकीगु पापयात चीकाः थ्‍यंकेमाःगु थासय् थ्‍यंक हे वने धकाः धैर्य यानाः ब्‍वाँय् वनेनु।

हिब्रू 12:3

पापी मनूतय्‌पाखें वय्‌कलं थुलिमछि दुःख गये यानाः सह यानादिल जुइ, व बिचाः या। उकिं छिपिं नं आशा त्‍वःताः लिचिले मते।

यहोशू 14:11

मोशां जितः छ्वःबलय् जिके गुलि बल दुगु खः आः नं जिके उलि हे बल दनि। उबलय् लडाइँलय् वनेत गुलि फुर्ति दुगु खः उलि हे फुर्ति आः नं जिके दनि।

प्रकाश 12:14

उकिं व मिसायात अजिङ्गरया न्‍ह्यःनं मरुभूमिइ बिस्‍युं वनेत तसकं तःधिकःम्‍ह इमायागु निपा पपू छुनाबिल। अन हे व मिसायात स्‍वदँ व खुला लहिना तल।

प्रकाश 2:3

जिगु नांयागु निंतिं छिमिसं सकतां सह याये फक्‍व स्‍वयाः नं अप्‍वः सह यानाच्‍वंगु अझ हे नं त्‍यानु मचासे सह यानाच्‍वंगु नं जिं स्‍यू।

प्रकाश 4:7

न्‍हापांम्‍ह सिंह थें च्‍वं, निम्‍हम्‍ह द्वहं थें च्‍वं, अले स्‍वम्‍हम्‍हय्‌सिगु ख्‍वाः मनूयागु ख्‍वाः थें च्‍वं, प्‍यम्‍हम्‍ह ब्‍वया च्‍वंम्‍ह इमा थें च्‍वं।

न्‍यायकर्ता 16:28

शिमशोनं परमप्रभुयात बिन्‍ति यानाः धाल, “हे परमप्रभु परमेश्‍वर, जितः लुमंकादिसँ। जितः हाकनं छकः जक बल बियादिसँ। जितः थःगु निगः मिखाया निंतिं थुपिं पलिश्‍तीतय्‌त छकलं बदला काय्‌के बियादिसँ।”