यशैया 40:24 - नेवाः बाइबल

²⁴ इपिं पीवं, पुसा ह्वलेवं, इमिसं बुँइ हा कायेवं वय्‌कलं इमित स्‍वांपुयादी अले इपिं सुकूचिनावनी, अले ग्‍वःफसं इमित छ्वसँ थें पुइकेयंकी।

यशैया 40:24 ပူးပေါင်းရင်းမြစ်များ

२ शमूएल 22:16

हे परमप्रभु! छिं तमं ब्‍वःबियादीगुलिं अले छिगु न्‍हाय्‌प्‍वालं पिहां वःगु मित्‍यालं समुद्रया बँ व पृथ्‍वीया जग खनेदत।

२ राजा 10:11

अनंलि येहूं यिजरेलय् च्‍वनिपिं आहाबया मेपिं फुक्‍क सन्‍तान, हाकिमत, मिलय् जूपिं पासापिं व द्यःपालात छम्‍ह हे मल्‍यंक सकसितं स्‍यात।

अय्‍यूब 21:18

दुष्‍टम्‍ह मनू ग्‍वःकः फसय् सुपः थें, व तसकं वःगु फसं ब्‍वय्‌कूगु छ्वस थें जुइगु?

अय्‍यूब 4:9

इपिं परमेश्‍वरया सासलं नाश जुइ अले वय्‌कःया तमं भस्‍म जुयावनी।

अय्‍यूब 8:17

उकिया हां ल्‍वहंयागु द्वंयात हिनी, अले ल्‍वहंया दथुइ थाय् माली।

भजनसंग्रहया सफू 58:9

कंया मिइ देछुइगु थल क्‍वाये न्‍ह्यः व वाउँगु जूसां गंगु जूसां उकियात फसं पुइकायंकू थें वय्‌कलं दुष्ततय्‌त पुइकायंकादी।

भजनसंग्रहया सफू 83:13

हे जिमि परमेश्‍वर, धू थें, फसं ब्‍वयेकूगु सुपः थें इमित छ्यालब्‍याल यानादिसँ।

हितोपदेश 1:27

वाफय् वः थें छिमित आपत वइ, ग्‍वःफय् वः थें छिमित दुःख जुइ।

यशैया 11:4

अय्‌नं वं मगाःमचाःपिनिगु न्‍याय धार्मिकतां यानादी, अले पृथ्‍वी च्‍वंपिं गरीबतय्‌गु न्‍याय निसाफ यानादी। थःगु वचनया शक्तिं पृथ्‍वीयात दायादी। अले थःगु म्‍हुतुया सासलं दुष्‍टतय्‌त नाश यानादी।

यशैया 17:11

अले छं व प्‍यूगु दिनय् तःमा जुयाः मुखू स्‍वाँ नं ह्वय्‌की अय्‌नं ल्‍वय्‌यागु दिं व मलनीगु कष्‍टया दिनय् वयागु बाली नाश जुइ। छुं नं बाली दइ हे मखु। खालि ल्‍वय्‌या दिं व स्‍याःचा जक जुइ।

यशैया 17:13

तर जाति जातित खुसिबाः वःगु लःया सः थें हाला हइ परमेश्‍वरं इमित ब्‍वःबियादी। इपिं तापाक बिस्‍युं वनी, अले फसं पुइकूगु डाँडाया छ्वसँ व वाफसं पुइकूगु झाः थें लिनाछ्वइ।

यशैया 30:33

छाय्‌धाःसा तोपेतयात न्‍हापा हे छम्‍ह जुजुया निंतिं तयार याःगु खः। तसकं च्‍याःगु मि व यक्‍व सिँनापं मि च्‍याकेत गाः चकंगु व तसकं गाः वंकूगु दु। च्‍यानाच्‍वंगु गन्‍धकयागु खुसिं थें परमप्रभुया सासलं वयात मि च्‍याकाबी।

यशैया 37:7

बांलाक न्‍यँ, जिं वयागु बिचाःयात हीकाबी, गुकें यानाः व छुं खबर न्‍यनाः थःगु हे देशय् लिहांवनी। अन जिं वयात तरवारं पालाः स्‍याके बी।’”

यशैया 40:7

घाँय् गनावनी अले स्‍वां हायावनी, छाय्‌धाःसा परमप्रभुं इमिपाखे फय् वय्‌कादी, धात्‍थें हे मनूत घाँय् थें खः।

यशैया 41:16

छं इमित हायाछ्वइ अले फसं इमित च्‍वय् थत यंकी, अले ग्‍वःफसं इमित पुइकेयंकी। छं धाःसा परमप्रभुनापं हे लय्‌तायाच्‍वनी। अले छं इस्राएलया पवित्र परमेश्‍वरया महिमा याइ।

यशैया 41:2

“सुनां पुर्बं सुं छम्‍हय्‌सित वय्‌कःया सेवा यायेत धार्मिकताय् सःता ग्‍वाकूगु दु? वय्‌कलं जात जातितय्‌त थःगु अधीनय् हयादी, अले जुजुतय्‌त इमिगु न्‍ह्यःने थःगु अधिकारय् हयादी। वं इमित थःगु तरवारं धू थें अले थःगु धनुष वाणं ब्‍वय्‌का यंकीगु छ्वस थें यानादी।

यर्मिया 22:30

परमप्रभुं थथे धयादी, “थ्‍व मनूया नां मस्‍त मदुम्‍ह धकाः च्‍व, छम्‍ह मनू गुम्‍ह थःगु जीवनकालय् ताःलाइ मखु। छाय्‌धाःसा वया सन्‍तान मध्‍ये सुं नं ताःलाइ मखु, वया सुं सन्‍तान दाऊदया सिंहासनय् च्‍वने खनी मखु अथवा यहूदाय् शासक जुइ खनी मखु।”

यर्मिया 23:19

स्‍व, तम्‍वय् परमप्रभुयागु ग्‍वःफय् मुयावइ, दुष्‍टतय्‌गु छेनय् व न्‍याइ।

होशे 13:15

थः दाजुकिजातय्‌गु दथुइ व जियावसां, परमप्रभुपाखें छगू पुर्बया फय् मरुभूमिं जुया वइ। वयागु लःयागु मुहान सुनावनी, अले तुंथि च्‍वंगु लः नं सुनावनी। वयागु दक्‍व मूं वंगु चिज दुगु धुकुति लुतय् याइ।

होशे 13:3

अथे जुयाः इपिं सुथसिया खसु थें, सुथय् हे मदयावनीगु सुतिलः थें, फसं ब्‍वय्‌कायंकीगु खलाय् च्‍वंगु छ्वस थें, अले झ्‍यालं पिहांवइगु कुँ थें जुइ।

नहूम 1:14

अय् निनवे, परमप्रभुं छंगु बारे छगू आज्ञा बियादीगु दु, “आवंलि छंगु नां ल्‍यंकातइपिं छं सुं सन्‍तान दइ मखु। छंगु देगलय् दुपिं कियातःपि द्यःत व नाय्‌काः दय्‌कातःपिं मूर्तित जिं भज्‍यंक नाश याये। जिं छंगु चिहान तयार याये, छाय्‌धाःसा छ भिंम्‍ह मखु।”

हाग्‍गै 1:9

“छिमिसं यक्‍व लयेगु आसा याइ, अय्‌नं कम जक सइ, छिमिसं छेँय् हःगु बाली नं जिं फसं पुइकाछ्वये। थथे छाय् जुल?” दक्‍व शक्ति दुम्‍ह परमप्रभुं धयादी। “जिगु देगः दुनाच्‍वन, छिपिं धाःसा थथःगु बांलाःगु छेँ दय्‌केगुलिइ जुयाच्‍वन।

जकरिया 7:14

‘म्‍हमस्‍यूपिं जातितय्‌गु दथुइ ग्‍वःफसं थें जिं इमित छ्यालब्‍याल याना। थुकथं इमिगु देश झिजांमिजां दंगुथाय् जुल। अन सुं नं मनू वये वने मया। इमिसं जिगु खँ मन्‍यंगुलिं व न्‍ह्यइपुगु देश झिजांमिजां दंगुथाय् जुल।’”

जकरिया 9:14

परमप्रभु शत्रुतय्‌थाय् खनेदः वइ अले वय्‌कःया वाण हाबलासा थें थी। दक्‍व शक्ति दुम्‍ह परमप्रभुं तुरही पुयादी, अले दच्‍छिनयागु ग्‍वःफसय् जुयाः वय्‌कः झायादी।