यशैया 40:22 - नेवाः बाइबल

²² वय्‌कः पृथ्‍वी च्‍वय् आकाश स्‍वयाः नं च्‍वय् थःगु सिंहासनय् च्‍वनादीम्‍हय्‌सिनं व दय्‌कादीगु खः, क्‍वय् पृथ्‍वीइ मनूत बुइँचा थें जक खः। वय्‌कलं आकाशयात इलां थें चक्‍कंकादीगु दु, अले अन बाय् च्‍वनेत पाल थें चक्‍कंकादीगु दु।

यशैया 40:22 ပူးပေါင်းရင်းမြစ်များ

उत्‍पत्ति 1:6

परमेश्‍वरं धयादिल, “लः निब्‍व दयेत दथुइ जाः दयेमा।”

अय्‍यूब 22:14

वय्‌कःयात ख्‍वातुगु सुपाँचं त्‍वपुयातःगुलिं आकाश मण्‍डलय् वय्‌कः थुखे उखे झायादीबलय् वय्‌कलं झीत खनी मखु।’

अय्‍यूब 26:7

वय्‌कलं खालि थासय् उत्तरयागु आकाशयात चक्‍कंकादी, अले खालिगु थासय् पृथ्‍वीयात यख्‍खानादी।

अय्‍यूब 36:29

परमेश्‍वरं गय् यानाः सुपाँय्‌यात थुखे उखे संकादी, वा गय् यानाः थुखे उखे नँ न्‍याःगु सः थ्‍वइ सुं मनुखं थुइके फइ ला? सुनां फइ मखु!

अय्‍यूब 37:18

छु छिं आकाशयात वय्‌कलं थें न्‍यंकाः दय्‌कूगु धातुया न्‍हाय्‌कं थें छाके फु ला?

अय्‍यूब 9:8

वय्‌कलं याकःचां हे आकाशयात चकंकादिल। वय्‌कः हे समुद्रया लबुया च्‍वय् न्‍यासि झायादी।

भजनसंग्रहया सफू 104:2

छिं थःत जलं त्‍वपुयादीगु दु। अले आकाशयात पाल थें चक्‍कंकादीगु दु।

भजनसंग्रहया सफू 18:11

वय्‌कलं थःत खिउँनं त्‍वपुयातःगु दु। अले हाकुगु सुपाँचं थःत भुनातःगु दु।

भजनसंग्रहया सफू 19:4

इमिगु सुचं संसार न्‍यंक न्‍यनाच्‍वंगु दु, अले संसारया कुंकुलामय् थ्‍यंक ताये दयाच्‍वंगु दु। परमेश्‍वरं सूर्यया लागि आकाशय् च्‍वनेत थाय् दय्‌कादीगु दु।

भजनसंग्रहया सफू 2:4

स्‍वर्गय् सिंहासनय् च्‍वंम्‍ह न्‍हिलादी, परमप्रभुं इमित च्‍यूताः तकं तइ मखु।

भजनसंग्रहया सफू 29:10

परमप्रभुं खुसिबाः वःगु लःयात कःघाये फु। परमप्रभुं जुजुं थें सदां सदांया निंतिं शासन याइ।

भजनसंग्रहया सफू 68:33

न्‍हापांनिसें दुगु आकाशय् जुइम्‍ह परमप्रभुयात तःधंकि। वय्‌कः थःगु शक्तिशाली सलं हाःगु न्‍यँ।

हितोपदेश 8:27

परमप्रभुं पृथ्‍वीया च्‍वय् सर्गः दय्‌कूबलय् अले समुद्रयात कुलामं घेरय् याःबलय् जि अन हे दु।

यशैया 19:1

मिश्रया बारे परमप्रभुया अगमवाणी– स्‍व, परमप्रभु तसकं ब्‍वयावनीगु सुपाँचय् च्‍वनाः याकनं हे मिश्रय् झायेत्‍यंगु दु। वय्‌कःया न्‍ह्यःने मिश्रया मूर्तित थरथर खाइ, अले मनूतय्‌गु हंसं थाय् त्‍वःति।

यशैया 37:16

“हे दक्‍व शक्ति दुम्‍ह परमप्रभु, इस्राएलया परमेश्‍वर, करूबतय् दथुइ सिंहासनय् च्‍वनादीम्‍ह, छि हे जक संसारया फुक्‍क राज्‍ययाम्‍ह परमेश्‍वर खः। छिं स्‍वर्ग व पृथ्‍वी दय्‌कादिल।

यशैया 40:15

जात जातित ला बाल्‍तिनय् च्‍वंगु छफुति लः थें जक खः। इपिं ला ताल्‍जुइ पेपुनाच्‍वंगु धू थें खः। वय्‌कलं ला टापुतय्‌त धूयात थें लनादी।

यशैया 40:17

फुक्‍क जातित वय्‌कःया न्‍ह्यःने छुं नं मखु। वय्‌कलं इमित छुं नं ज्‍यालगय् मजूपिं व छुं नं मखुपिं ताय्‌कादी।

यशैया 42:4

वं पृथ्‍वीइ न्‍याय पलिस्‍था मयातले व बमलाइ मखु, निराश नं जुइ मखु। वयागु स्‍यनातःगु खँय् ताताःपाःगु देशय् च्‍वंपिन्‍सं थःगु आशा तइ।”

यशैया 42:5

परमप्रभु परमेश्‍वरं आकाश दय्‌काः उकियात चकंकादिल, अले पृथ्‍वी व उकी दुगु फुक्‍कयात न्‍यनावंकादिल, अले वय्‌कलं अन दुपिं मनूतय्‌त सासः व थुखे उखे जुइपिन्‍त जीवन बियादी। परमप्रभु परमेश्‍वरं थथे धयादी –

यशैया 44:24

“परमप्रभुं थथे धयादी, छन्‍त उद्धार यानादीम्‍ह अले छन्‍त गर्भय् दय्‌कादीम्‍ह, “जि हे परमप्रभु खः, गुम्‍हय्‌सिनं फुक्‍कं दय्‌कादिल, गुम्‍हय्‌सिनं याकःचां हे आकाशयात चकंकादिल, गुम्‍हय्‌सिनं थम्‍हं हे पृथ्‍वीयात न्‍यनावंकादिल,

यशैया 51:13

आकाशयात चकंकादीम्‍ह पृथ्‍वीया जग तयादीम्‍ह थः सृष्‍टिकर्तायात छाय् ल्‍वःमंकागु? छन्‍त नाश यायेत सनीपिं खनाः अले मभिंगु ज्‍या याइपिनिगु तंया कारणं छाय् छ थःगु जीवनय् भय कयाः म्‍वानाच्‍वनागु? अत्‍याचारीया तं गन वन?

यशैया 66:1

परमप्रभुं थथे धयादी, “स्‍वर्ग जिगु सिंहासन खः, अले पृथ्‍वी जिगु तुति तइगु थाय् खः। आः छिमिसं जिगु निंतिं गज्‍याःगु देगः, जि च्‍वनेत गज्‍याःगु थाय् दय्‌के फु?

यर्मिया 10:12

तर परमेश्‍वरं हे थःगु शक्तिं पृथ्‍वीयात दय्‌कादिल। वय्‌कलं हे संसारयात थःगु बुद्धिं थापं यानादिल। अले आकाशयात थःगु दुग्‍यानं चक्‍कंकादिल।

जकरिया 12:1

छगू अगमवाणी– इस्राएलया बारे परमप्रभुया वचन थ्‍व हे खः। आकाशयात चकंकादीम्‍ह, पृथ्‍वीया जग तयादीम्‍ह अले मनूया आकार दय्‌कादीम्‍ह परमप्रभुं थथे धयादीगु दु,

गन्‍ती 13:33

जिमिसं अन नेफिलीमत नं खना। अनाकीत नेफिलीमतय्‌पाखें हे वःगु खः। इमिगु न्‍ह्यःने जिमिसं थःपिन्‍त थःगु मिखाय् क्‍वःबुइँचात थें ताल। इमिगु मिखाय् नं जिपिं अथे हे खनेदत।”