यशैया 40:21 - नेवाः बाइबल

²¹ छु छं छुं नं मस्‍यू ला? छु छन्‍त न्‍हापा हे धाःगु मखु ला? पृथ्‍वी गुकथं शुरु जुल, छु छं न्‍यनागु मदु ला?

यशैया 40:21 ပူးပေါင်းရင်းမြစ်များ

उत्‍पत्ति 1:1

दक्‍वसिबय् न्‍हापां परमेश्‍वरं आकाश व पृथ्‍वी सृष्‍टि यानादिल।

अय्‍यूब 26:7

वय्‌कलं खालि थासय् उत्तरयागु आकाशयात चक्‍कंकादी, अले खालिगु थासय् पृथ्‍वीयात यख्‍खानादी।

भजनसंग्रहया सफू 115:8

उपिं मूर्तित दय्‌कूपिं व उमिके भरोसा तःपिं सकलें उपिं ज्‍यालगय् मजूगु मूर्तित थें हे जुइ।

भजनसंग्रहया सफू 50:6

परमेश्‍वर थः हे न्‍यायाधीश खः। आकाशयात वय्‌कःया धार्मिकता घोषणा याकेब्‍यु! सेला

यशैया 27:11

गुबलय् अनयागु चिचीधंगु कचात गनावनी, उबलय् व त्‍वःथुलाबी अले मिसात वयाः उपिं मि तयाः छ्वय्‌काबी। छाय्‌धाःसा थ्‍व थु हे मथूगु छगू जाति खः। अथे जुयाः इमित दय्‌कादीम्‍हय्‌सिनं इमित दया यानादी मखु, अले इमित सृष्‍टि यानादीम्‍हय्‌सिनं इमित माया यानादी मखु।

यशैया 37:26

“यक्‍व न्‍हापा हे जिं अथे यायेगु ग्‍वसाः ग्‍वयागु खः धकाः छु छं गुबलें मन्‍यना ला? आः जिं हे व पूवंका। पखालं घेरय् यानातःगु शहरतय्‌त नाश यानाः द्वंचिंकेगु शक्ति जिं छन्‍त बिया।

यशैया 40:28

छु छं मस्‍यू ला? छु छं न्‍यनागु मदु ला? परमप्रभु सदां सदांया परमेश्‍वर खः धकाः, वय्‌कलं हे दक्‍व संसार दय्‌कादिल। वय्‌कः गुबलें त्‍यानुचाइ मखु, गुबलें गलय् जुइ मखु, वय्‌कःया बिचाः सुनानं थुइके फइ मखु।

यशैया 44:20

वं पत्‍याः याःगु चिज नउ स्‍वया अप्‍वः छुं मखु। वयागु मभिंगु बिचालं हे वयात मखुगु लँय् यंकूगु दु, वं थःम्‍हय्‌सित बचय् याये फइ मखु, न वं थथे धाये फइ, “छु जिं थःगु जव ल्‍हातय् कयातयागु चिज मखुपिं द्यःतय्‌गु मूर्ति मखु ला?”

यशैया 46:8

“हे विद्रोही मनूत, थ्‍व खँयात लुमंकी, उकियात मनय् पक्‍का या अले नुगलय् तयाति”।

यशैया 48:13

जिं थःगु हे ल्‍हातं पृथ्‍वीया जग स्‍वनागु दु, जिगु जव ल्‍हातं आकाशयात चक्‍कंकागु दु। गुबलय् जिं इमित सःते अले इपिं फुक्‍क छथाय् मुं वइ।

यशैया 51:13

आकाशयात चकंकादीम्‍ह पृथ्‍वीया जग तयादीम्‍ह थः सृष्‍टिकर्तायात छाय् ल्‍वःमंकागु? छन्‍त नाश यायेत सनीपिं खनाः अले मभिंगु ज्‍या याइपिनिगु तंया कारणं छाय् छ थःगु जीवनय् भय कयाः म्‍वानाच्‍वनागु? अत्‍याचारीया तं गन वन?

प्रेरित 14:17

अथेसां वय्‌कलं भिंगु भिंगु ज्‍या यानाः थः सु खः धकाः क्‍यना मदीगु मखु। वय्‌कलं छिकपिन्‍त स्‍वर्गं इलय् ब्‍यलय् वा वय्‌काः फलफुल व अन्‍न सय्‌कादिल। अले छिकपिन्‍त नयेत्‍वनेगु बियाः लय्‌ताय्‌का तःम्‍ह नं थ्‍व हे परमेश्‍वर खः।”

रोमी 1:28

थज्‍याःपिन्‍सं परमेश्‍वरयात क्‍वह्यंकूगुलिं वय्‌कलं नं इमित दकलय् क्‍वह्यंगु मन व मभिंगु बांमलाःगु बिचालय् हे त्‍वःतादिल।