यशैया 40:12 - नेवाः बाइबल

¹² सुनां समुद्रयात थःगु ल्‍हातं ज्‍वनाः तये फइ? सुनां आकाशयात ल्‍हातं नापय् याये फइ? सुनां पृथ्‍वीया चा दालाय् तःगु दु वा डाँडा व पर्वतयात पाय्‌छिकथं ताल्‍जुइ लने फु?

यशैया 40:12 ပူးပေါင်းရင်းမြစ်များ

अय्‍यूब 28:25

परमेश्‍वरं फय्‌यात शक्ति बियादीबलय्, अले लःयात दानादीबलय्,

हितोपदेश 30:4

स्‍वर्गय् वनाः सु लिहां वःगु दु? सुनां फय्‌यात थःगु ल्‍हातिइ प्‍वःचिनातःगु दु? सुनां समुद्रयात कापतय् च्‍यूगु दु? अले सुनां पृथ्‍वीया लागा कियाब्‍यूगु दु? थ्‍व फुक्‍क सुनां याःगु? छिपिं सुनानं स्‍यूसा व सु खः, वया काय् सु खः जितः धा।

यशैया 48:13

जिं थःगु हे ल्‍हातं पृथ्‍वीया जग स्‍वनागु दु, जिगु जव ल्‍हातं आकाशयात चक्‍कंकागु दु। गुबलय् जिं इमित सःते अले इपिं फुक्‍क छथाय् मुं वइ।

यर्मिया 31:37

परमप्रभुं थथे धयादी, “च्‍वय्‌यागु आकाश नापय् याये फःसा जक अले क्‍वय्‌यागु पृथ्‍वीया जग माला लुइके फःसा जक इमिसं याःगु फुक्‍क खँया निंतिं जिं इस्राएलया सन्‍तानयात त्‍वःताबी।”

आमोस 4:13

पर्वतत दय्‌कादीम्‍ह व फय्‌यात सृष्‍टि यानादीम्‍ह परमेश्‍वर हे खः। वय्‌कलं मनूतय्‌त थःगु बिचाः सीकेबी। वय्‌कलं न्‍हियात चा यानादी, अले पृथ्‍वीया ततःजाःगु थासय् न्‍यासि झायादी। दक्‍व शक्ति दुम्‍ह परमप्रभु परमेश्‍वर वय्‌कःया हे नां खः।

प्रकाश 20:11

अनं लिपा जिं तःधंगु तुयुगु सिंहासन व उकी फ्‍यतुना च्‍वंम्‍हय्‌सित खना। वय्‌कःयात खनाः आकाश व पृथ्‍वी मदयावन। अले इमित च्‍वनेत गनं हे थाय् मन्‍त।