यशैया 40:10 - नेवाः बाइबल

¹⁰ स्‍व, शक्तिनापं परमप्रभु परमेश्‍वर झायेत्‍यंगु दु, वय्‌कःया बल्‍लाःगु ल्‍हातं राज्‍य याइ। वय्‌कःया सिरपाः वय्‌कःयाके दु, अले वय्‌कःया इनाम नं वय्‌कःयाके हे दु।

यशैया 40:10 ပူးပေါင်းရင်းမြစ်များ

उत्‍पत्ति 15:1

थथे जूगुयां छुं ई लिपा परमप्रभुं अब्रामयात दर्शन बियाः थथे धयादिल, “ग्‍याये मते अब्राम। जिं छन्‍त बचय् याये। जिं छन्‍त तःधंगु सिरपाः बी।”

भजनसंग्रहया सफू 110:6

वय्‌कलं जाति जातितय्‌गु न्‍याय यानादी, अले वय्‌कलं सीम्‍हयात द्वँचिनादी, अले पृथ्‍वी न्‍यंकयापिं शासकतय्‌त चुँचुं यानादी।

भजनसंग्रहया सफू 66:3

परमेश्‍वरयात धा, “छिं यानादीगु ज्‍या गपाय्‌सकं अजू चायापु। छिगु शक्ति नं थुलि तःधं, शत्रुत छिगु न्‍ह्यःने ग्‍यानाः कय्‌कुनी।

यशैया 28:2

परमप्रभुं इमित हमला यायेत सुं तसकं बल्‍लाःम्‍ह व शक्तिं जाःम्‍ह मनू दय्‌कादीगु दु। वं प्‍वँया ग्‍वःफय् वइगु व तसकं वा वइगु अले पने हे मफय्‌क वइगु खुसिबालं थें देशयात भज्‍यंक स्‍यंकाबी।

यशैया 33:2

हे परमप्रभु, जिमित दया यानादिसँ। जिमिसं छिके आस यानाच्‍वना। सुथ पतिकं छि जिमिगु निंतिं शक्ति व दुःखपाखें उद्धार याइम्‍ह जुयादिसँ।

यशैया 49:4

तर जिं धया, “जिं सितिकं थाकुगु ज्‍या याना। जिं बलं यानागु ज्‍या सितिं वन। अय्‌नं जितः छु दयेमाःगु खः व परमप्रभुया ल्‍हातय् दु, उकिया इनाम जिमि परमेश्‍वरयाके हे दु।”

यशैया 51:5

जिगु दया व न्‍याय याकनं हे लिक्‍क थ्‍यंगु दु। जिगु उद्धार लँपुइ हे दु, जिगु बल्‍लाःगु ल्‍हातं जाति-जातितय्‌गु निंतिं न्‍याय हये। तातापाक्‍क च्‍वंगु फुक्‍क देशं जिके मिखा ब्‍वयाच्‍वनी, अले जिगु बल्‍लाःगु ल्‍हातय् आशा तयाः पियाच्‍वनी।

यशैया 53:12

अथे जुयाः जिं तःधंपिंनापं हे वयात नं छगू भाग बी, वं लाकाहःगु माल बल्‍लाःपिंनापं इनी। छाय्‌धाःसा वं थःगु जीवन पानाबिल, व पापीतनापं हे वयात ल्‍याः खात। वं यक्‍वसिगु पाप क्‍वबिल, व पापीतय्‌गु निंतिं स्‍वापु तइम्‍ह जुल।

यशैया 59:15

खःगु खँ गनं मदु, अले मभिंगु खँपाखें अलग च्‍वनीम्‍ह न्‍ह्याम्‍ह हे जूसां वयात हमला याइ। परमप्रभुं स्‍वयादिल, अले न्‍याय मदयावन धकाः वय्‌कः तंचायादिल।

यशैया 59:16

परमप्रभुं क्‍वत्‍यलातःपिन्‍त ग्‍वाहालि याइपिं सुं नं मखन। अले वय्‌कः दथुइ च्‍वनाः बिन्‍ति याइम्‍ह सुं छम्‍ह नं मखंगुलि अजू चायादिल। अनंलि वय्‌कःया थःगु हे जव ल्‍हातं इमित उद्धार यानादिल, अले वय्‌कःयागु हे धार्मिकतां इमित बचय् यानादिल।

यशैया 59:18

इमिसं याःथें वय्‌कलं इमित बदला बियादी। वय्‌कःयात विरोध याःपिन्‍त तमं सजाँय बियादी अले शत्रुतय्‌त बदला कयादी। टापुया देशयापिन्‍सं इमित याःथें वय्‌कलं बदला कयादी।

यशैया 62:11

परमप्रभुं पृथ्‍वीयागु कुन्‍चाय् तक घोषणा यानादीगु दु, “यरूशलेमया यःपिं मनूतय्‌त धा, ‘स्‍व, छिमि मुक्तिदाता वयेत्‍यंगु दु! स्‍व, वय्‌कःया लिच्‍वः वय्‌कःयाके हे दु, अले वय्‌कःया इनाम वय्‌कःनापं हे दु।’”

यशैया 63:5

जिं स्‍वया, तर ग्‍वाहालि याइपिं सुं नं मखना। ग्‍वाहालि याइपिं सुं नं मखना जि अजू चाया। अथे जुयाः जिगु थःगु हे बल्‍लाःगु ल्‍हातं जिगु उद्धार याना, अले जिगु तमं जितः थामय् यात।

यर्मिया 31:16

परमप्रभुं थथे धयादी, “ख्‍वःसः दिकि, मिखां ख्‍वबि पिकाये मते। छाय्‌धाःसा छिमिगु ज्‍याया सिरपाः दइ,” परमप्रभुं धयादी, “इपिं शत्रुया देशं लिहां वइ।

मलाकी 3:1

दक्‍व शक्ति दुम्‍ह परमप्रभुं थथे लिसः बियादी – “स्‍व! जिं जिम्‍ह दूतयात जिगु न्‍ह्यःने न्‍ह्यःने लँपु तयार यायेत छ्वयाहये। अले छिमिसं मालाच्‍वंम्‍ह प्रभु आकाझाकां थःगु देगलय् झायादी। छिमिसं यय्‌कूम्‍ह बाचाया दूत धात्‍थें झायादी।”

मत्ती 28:18

वय्‌कलं इमिगु न्‍ह्यःने वयाः थथे धयादिल – “संसार व स्‍वर्गयागु फुक्‍क अधिकार जितः बियातःगु दु।

यूहन्‍ना 12:13

उकिं इमिसं ताय्‌गः सिमाया कचामचा ज्‍वनाः– “होसन्‍ना, इस्राएलयाम्‍ह जुजु परमप्रभुयागु नामं झाःम्‍हय्‌सिया जयजय जुइमा” धकाः हा हां वय्‌कःयात लसकुस याः वन।

यूहन्‍ना 12:15

“हे सियोनया शहरय् च्‍वपिं, ग्‍याये मते, छिमि जुजु गधाया मचा गयाः झायाच्‍वंगु दु।”

हिब्रू 2:14

उपिं काय्‌म्‍ह्याय्‌पिं ला व हिया शरीर जूगुलिं येशू नं उपिं थें हे ला व हि दुम्‍ह मनू जुयादिल। थुकथं वय्‌कलं मनू जुयाः सिनाः मृत्‍युयागु शक्ति दुम्‍ह शैतानयात बुकादिल।

१ यूहन्‍ना 3:8

शैतानं न्‍हापांनिसें पाप याना वयाच्‍वंगु दु, उकिं पाप यानां तुं च्‍वनीपिं मनूत नं शैतानया मनू खः। अथे जूगुलिं शैतानयागु ज्‍या स्‍यंकेत परमेश्‍वरया काय् थन झायादी माःगु खः।

प्रकाश 17:14

थुपिं चीधिकःम्‍ह भ्‍याःचा नाप ल्‍वाः वइ। चीधिकःम्‍ह भ्‍याःचां थुमित बुका छ्वइ, छाय्‌धाःसा वय्‌कः प्रभुतय् नं प्रभु व जुजुतय् नं जुजु खः। वय्‌कः नाप दुपिं सःतातःपिं, ल्‍ययातःपिं व विश्‍वास यायेबहःपिं खः।”

प्रकाश 20:11

अनं लिपा जिं तःधंगु तुयुगु सिंहासन व उकी फ्‍यतुना च्‍वंम्‍हय्‌सित खना। वय्‌कःयात खनाः आकाश व पृथ्‍वी मदयावन। अले इमित च्‍वनेत गनं हे थाय् मन्‍त।

प्रकाश 22:12

“स्‍व, जि याकनं हे वयेत्‍यनागु दु। मनूतय्‌गु ज्‍या स्‍वयाः जिं इमित बीमाःगु इनाम बी।