यशैया 40:1 - नेवाः बाइबल

¹ छिमि परमेश्‍वरं धयादी, जिमि प्रजायात सान्‍त्‍वना, सान्‍त्‍वना।

यशैया 40:1 ပူးပေါင်းရင်းမြစ်များ

नहेम्‍याह 8:10

नहेम्‍याहं इमित धाल, “आः छेँ वनाः भिंगु नसा व साःगु दाखमद्यनापं भ्‍वय् न हुँ। थःगु निंतिं भ्‍वय् ज्‍वरय् याये मफुपिन्‍त नं ब्‍व छ्वयाब्‍यु। थौंया दिं झी प्रभुया निंतिं पवित्र जू। नुगः मछिंके मते, परमप्रभुयागु लसता हे छिमिगु बल खः।”

भजनसंग्रहया सफू 85:3

छिं थःगु तं छखे चीकादीगु दु। छि थःगु तःधंगु तंपाखें लिहां झाःगु दु।

भजनसंग्रहया सफू 85:8

परमप्रभु परमेश्‍वरं छु धयादी व जिं न्‍यने। छाय्‌धाःसा वय्‌कलं थः विश्‍वास यायेबहःपिंलिसे शान्‍तिया खँ ल्‍हाइ। तर इपिं हाकनं मूर्ख लँय् मवनेमा।

उपदेशक 3:4

ख्‍वयेगु छगू ई दु, न्‍हिलीगु छगू ई दु। दुखं च्‍वनेगु छगू ई दु, प्‍याखं हुलेगु छगू ई दु।

यशैया 12:1

व दिंखुन्‍हु छिमिसं थथे धाइ, “हे परमप्रभु, जिं छिगु प्रशंसा याये! छि जिनापं तंचायादीगु दु, अय्‌नं आः छिगु तं क्‍वलाय् धुंकूगु दु अले छिं जितः सान्‍त्‍वना बियादीगु दु।

यशैया 3:10

धर्मी मनूतय्‌त धा, “छिमित भिं हे जुइ, छिमिसं थःम्‍हं याःगु ज्‍याया सिरपाः कायेखनी।”

यशैया 41:27

सियोनयात दकलय् न्‍हापा ‘स्‍व, थन छु जुइतिनि’ धकाः धयाम्‍ह जि हे खः। यरूशलेमयात भिंगु खँ न्‍यंकेत छम्‍ह दूत छ्वयाम्‍ह जि हे खः।

यशैया 50:10

छिपिं मध्‍ये सुनां परमप्रभुया भय काइ, अले वय्‌कःया दासया खँ मानय् याइ? जः मदय्‌क खिउँथाय् जुइपिं, परमप्रभुया नामय् भलसा ति अले थः परमेश्‍वरयाके हे भलसा या।

यशैया 51:12

“छिमित सान्‍त्‍वना बीम्‍ह जि हे खः। सीनावनीपिं मनूतपाखें, घाँय् थें गनावनीपिं मनूतय् सन्‍तान खनाः छ छाय् ग्‍याये माःगु?

यशैया 51:3

परमप्रभुं धात्‍थें हे सियोनयात सान्‍त्‍वना बियादी, अले वय्‌कलं इमिगु झिजांमिजां दंगु थाय्‌यात दया यानादी, अले मरुभूमियात अदनया बगैँचा थें व अनयागु गंगु बँयात परमप्रभुया क्‍यब दय्‌कादी। अन लसता व आनन्‍द, सुभाय्‌या म्‍येया सः न्‍यनेदइ।

यशैया 52:9

हे यरूशलेमया भज्‍यंक नाश जूगु थाय्‌त, लसतां छसलं म्‍ये हा, छाय्‌धाःसा परमप्रभुं थः प्रजायात सान्‍त्‍वना बियादीगु दु। वय्‌कलं मू पुलाः यरूशलेमयात त्‍वःतकादीगु दु।

यशैया 60:1

“हे यरूशलेम दँ! छाय्‌धाःसा छंगु जः वये धुंकल! अले परमप्रभुया महिमा छंके खनेदः वःगु दु।

यशैया 61:2

वय्‌कलं जितः परमप्रभुं दयामाया याइगु दँ व झी परमेश्‍वरया बदला कायेगु दिं घोषणा यायेत, फुक्‍क दुखं च्‍वनाच्‍वंपिंन्‍त सान्‍त्‍वना बीत छ्वयाहयादीगु खः।

इजकिएल 16:42

थुकथं जिं थःगु तं कम याये, अले जिगु डाहाया तं नं छपाखें चिलावनी। जि शान्‍त जुये, जि हाकनं तंचाये मखु।

जकरिया 1:13

अले परमप्रभुं जिनापं खँ ल्‍हाना च्‍वंम्‍ह स्‍वर्गदूतयात दया व सान्‍त्‍वनायागु खँ धयादिल।

जकरिया 1:17

“अज्‍ज नं न्‍यंकि– दक्‍व शक्ति दुम्‍ह परमप्रभुं धयादी, ‘जिगु शहरत हाकनं च्‍वन्‍ह्याइ, अले परमप्रभुं सियोनयात हाकनं शान्‍ति बियादी अले यरूशलेमयात हाकनं ल्‍ययादी।’”

जकरिया 9:9

हे म्‍ह्याय् सियोन, लय्‌ताया च्‍वँ! हे म्‍ह्याय् यरूशलेम तसलं हा! स्‍व, छिमि जुजु छिमिथाय् झायादीगु दु। वय्‌कः धर्मीम्‍ह व मुक्ति बियादीम्‍ह खः। वय्‌कः क्‍वमिलुम्‍ह खः, वय्‌कः गधा गया, गधाया मचा गयाः झायादीगु दु।

२ कोरिन्‍थी 1:4

जिमित दुःखकष्‍ट जुइबलय् वय्‌कलं हे सान्‍त्‍वना बियादी। थुकथं परमेश्‍वरं हे थथे जिमित सान्‍त्‍वना बियादीगुलिं जिमिसं नं दुःखकष्‍ट सियाच्‍वंपिन्‍त सान्‍त्‍वना बी फु।

१ थेसलोनिकी 4:18

अय्‌जूगुलिं थःथवय् थ्‍व खँ कनाः साहस बीगु याना च्‍वँ।